Joyeli 3:1-21
3 “Wonani! Masikwini lawo ni ka cikhati leco,Laha ndzi to tlhelisa lava va vakhomilweko vaya Judha ni Jerusalema,+
2 Ndzi ta tlhanganisa kambe a matiko wontlheNdzi ma relelisa Nkoveni wa Jehoxafati.*
Ndzi ta ya ma lamulela laho+Hi kota ya vanhu va mina ni tshomba ya mina, Izrayeli,Hakuva ma va hangalasile cikari ka matiko,Ma avelana a tiko ga mina.+
3 Va bile tihlolo na va bela a vanhu va mina;+Va wa xavisa mufana kasi va thola cibhayi,Ni ku xavisa nhanyana hi ku fela vhinyo ya kunwa.
4 I mhaka muni mu nga nayo na mina,Wena Tire na Sidhoni, ni zvipandze zvontlhe zva Filistiya?
Mo phota ka mina ke?
Loku ku hi ku mo phota ka mina,Ndzi ta mu tlhelisela hi cihatla hehla ka tihloko ta n’wina.+
5 Kota lezvi mu tekileko a prata ya mina ni ouro ya mina,+Mu tlhela mu yisa a titshomba ta mina ta lisima titempeleni ta n’wina,
6 Mu xavisa a vanhu va Judha ni va Jerusalema ka vaGreki+Hi ku fela ku va yisa kule ni tiko gabye,
7 Ndzi ta va vhuxa kasi vata hi ka wutshamu legi mu nga va xavisa ka gona,+Ndzi tlhelisela mitiro ya n’wina hehla ka tihloko ta n’wina.
8 Ndzi ta xavisa a vafana va n’wina ni vanhanyana va n’wina mandleni ya vanhu va Judha,+Vonawu va ta va xavisa ka vavanuna va Xebha, a tiko ga le kule,Hakuva Jehovha wutsumbu i wulile lezvo.
9 Huwelelani lezvi cikari ka matiko:+
‘Ti longiseleni kulwa yimpi! Vhuxani tinhenha!
A masochwa wontlhe ma wa tshinele, ma waye mahlweni!+
10 Bethani a zvipadha hi zvikomu zva n’wina, ni matlhari hi mibhera ya n’wina.
Loyi a nga ni gome i wa wule, aku: “Ndzi na ni ntamu!”
11 Tanani mu ta vhunana, n’wina matiko wontlhe ya lomu kusuhani, tlhanganani!’”+
O Jehovha, relelisa a tinhenha ta* wena ka wutshamu lego.
12 “A matiko ma wa vhuke mata Nkoveni wa Jehoxafati;Hakuva hi kwalaho ndzi to tshama kona ndzi lamula a matiko wontlhe ya lomu kusuhani.+
13 Nghenisa a sikela* hakuva a timbewu ti buvhile.
Relelani mu ta kamela mauvha hakuva a cigowolo ci tele.+
A zvigowolo zva halakela hakuva a kubiha ka matiko ka hombe nguvhu.
14 A zvitshungu ni zvitshungu zvi nkoveni wa kulamula,Hakuva gi tshinele a siku ga Jehovha nkoveni wa kulamula.+
15 A gambo ni hweti zvi ta maha munyama,Ni tinyeleti ti ta lahlekelwa hi kungangamela ka tona.
16 Jehovha i ta bhonga le Ziyoni,I ta zwata gezu gakwe hi Jerusalema.
A tilo ni misava zvi ta tsekatseka;Kanilezvi Jehovha i tava wuchavelo ga vanhu vakwe,+Ni khokhola ga vanhu va ka Izrayeli.
17 Mu ta zvi tiva lezvaku hi mina Jehovha, a Nungungulu wa n’wina, a tshamako Ziyoni, a citsunga ca mina co basa.+
Jerusalema i tava wutshamu go basa,+A vambe vanhu* va nga ta ha tsemakanya hi kona kambe.+
18 Ka siku lego, a zvitsunga zvi ta dona a dosi ga vhinyo,+A zvitsungana zvi ta khulunga masi,Ni zvicongwana zvontlhe zva ka Judha zvi ta khulunga mati.
Hi ndlwini ya Jehovha, ku ta huma cibuka ca mati+Ma to tsakamisa a Nkova wa Miakasia.
19 Kanilezvi Gibhite i ta hahlulwa,+Na Edhomi i tava ciwula ci hahlulilweko,+Hi kota ya tihanyi leti ti mahelweko a vanhu va Judha,+Ka tiko legi va nga halata nkhata wu nga hiko na nandzu.+
20 Kanilezvi Judha i tava ni vaaki contlhe cikhati,Na Jerusalema ka cizukulwana ni cizukulwana.+
21 Ndzi ta wona a nkhata wabye kota lowu wu nga hiko na nandzu, lowu ndzi nga kala ndzi nga wu woni kota wu nga hiko na nandzu;+Jehovha i ta tshama Ziyoni.”+
Mitlhamuselo ya lahasi
^ Zvi wulako ku: “Jehovha Mulamuli”.
^ Kutani: “masochwa ya”.
^ Kutani: “foice”.
^ Kutani: “A valuveli”.
