Hi kutsala ka Matewu 1:1-25
1 Bhuku ga matimu ya* Jesu Kristu,* a n’wana wa Dhavhidha,+ n’wana wa Abrahama:+
2 Abrahama i nova papayi wa Isaka;+Isaka ava papayi wa Jakobe;+Jakobe ava papayi wa Judha+ ni vamakabye vakwe;
3 Judha i nova papayi wa Perezi na Zera+ na a pswalelwa hi Tamari;Perezi i nova papayi wa Hezroni;+Hezroni ava papayi wa Rama;+
4 Rama i nova papayi wa Aminadhabha;Aminadhabha ava papayi wa Naxoni;+Naxoni ava papayi wa Salmoni;
5 Salmoni i nova papayi wa Bhowazi na a pswalelwa hi Rahabhi;+Bhowazi ava papayi wa Obhedhi na a pswalelwa hi Rute;+Obhedhi ava papayi wa Jese;+
6 Jese i nova papayi wa hosi Dhavhidha.+
Dhavhidha i nova papayi wa Solomoni+ na a pswalelwa hi sati wa Uriya;
7 Solomoni i nova papayi wa Rehobhowamu;+Rehobhowamu ava papayi wa Abhija;Abhija ava papayi wa Asa;+
8 Asa i nova papayi wa Jehoxafati;+Jehoxafati ava papayi wa Jehoramu;+Jehoramu ava papayi wa Uziya;
9 Uziya i nova papayi wa Jothamu;+Jothamu ava papayi wa Ahaza;+Ahaza ava papayi wa Hezekiya;+
10 Hezekiya i nova papayi wa Manase;+Manase ava papayi wa Amoni;+Amoni ava papayi wa Josiya;+
11 Josiya+ i nova papayi waJekoniya+ ni vamakabye vakwe cikhatini leci va nga khon’wa va yisiwa Bhabhuloni.+
12 Andzhako ka ku khon’wa va yisiwa Bhabhuloni, Jekoniya i nova papayi wa Salatiyeli;Salatiyeli ava papayi wa Zerubhabheli;+
13 Zerubhabheli i nova papayi wa Abhiyudhi;Abhiyudhi ava papayi wa Eliyakimu;Eliyakimu ava papayi wa Azori;
14 Azori i nova papayi wa Zadhoki;Zadhoki ava papayi wa Akimu;Akimu ava papayi wa Eliyudhi;
15 Eliyudhi i nova papayi wa Eleyazari;Eleyazari ava papayi wa Matani;Matani ava papayi wa Jakobe;
16 Jakobe i nova papayi wa Josefa, a nuna wa Mariya, a mamani wa Jesu,+ loyi a vitaniwako ku hi Kristu.+
17 A zvizukulwana zvontlhe kusukela ka Abrahama kala ka Dhavhidha i 14 wa zvona; kusukela ka Dhavhidha kala cikhatini ca kukhon’wa va yisiwa Bhabhuloni i 14 wa zvona; kusukela cikhatini ca kukhon’wa va yisiwa Bhabhuloni kala ka Kristu i 14 wa zvona.
18 A kupswaliwa ka Jesu Kristu ku mahisile lezvi: Cikhatini leci a mamani wakwe, Mariya, a nga tsumbisene ku chadha na Josefa, i no xura nyimba hi moya wo basa*+ na va nga se tlhangana.
19 Kanilezvi, kota lezvi Josefa, a nuna wakwe, a nga hi munhu wa kululama, na a nga lavi ku mu maha cihlekiso, i wa lava ku tlhatlha wukati* naye cihundleni.+
20 Kanilezvi andzhako ka loku Josefa a pimisile hi mhaka leyi, a ngilozi ya Jehovha* yi no woneka kakwe hi noro, yiku: “Josefa, n’wana wa Dhavhidha, u nga chavi ku teka sati wa wena Mariya u famba naye kaya, hakuva a nyimba leyi a nga nayo ya moya wo basa.+
21 I ta pswala n’wana wa mufana, niku u ta mu chula ku hi Jesu*+ hakuva i ta hanyisa vanhu vakwe ka zviwonho zvabye.”+
22 Zvontlhe lezvi zvi no maheka kasi ku tatiseka lezvi zvi nga wulilwe hi Jehovha* hi nomu wa muphrofeti wakwe, aku:
23 “A nhwana* i ta xura nyimba a pswala a n’wana wa mufana, niku va ta mu chula ku hi Imanuweli”,+ lezvi loku zvi hundzuluselwa zvi wulako ku: “Nungungulu i na hina”.+
24 Josefa i no vhuka a maha zvalezvi a ngilozi ya Jehovha* yi nga mu byela, a teka sati wakwe vaya kaya.
25 Kanilezvi, a nga hlengelangi masango naye kala a pswala n’wana.+ I no mu chula ku hi Jesu.+
Mitlhamuselo ya lahasi
^ Kutani: “lixaka la”.
^ Kutani: “Mesiya; a Totilweko”.
^ Kutani: “ntamu wu tirako”.
^ Kutani: “ku maha divórcio”.
^ Legi wutshamu go sangula ka 237 wa matshamu ku kumekako a vito ga Nungungulu, gaku Jehovha, ka mavhesi ya Mitsalo ya ciGreki ya wuKristu ya Bhibhiliya legi. Wona Ap. A5.
^ A vito legi ga ku Jesu, hi ciHebheru gi fana ni ku Jexuwa kutani ku Joxuwa, zvi wulako ku “Jehovha Kuhanyisa”.
^ Kutani: “virgem”.
