Mavingu 1:1-33
1 A mavingu ya Solomoni,+ a n’wana wa Dhavhidha,+ a hosi ya ka Izrayeli:+
2 Kasi ku tiva* wutlhari+ ni kulaya;Ni ku zwisisa a timhaka ta wutlhari;
3 Kasi ku kuma a kulaya+ loku ku nyikako kuzwisisa,Ni kululama,+ ni kupima ku nene,*+ ni kungavi ni cihlawulela;*
4 Kasi ku tlharihisa+ lava vo kala ku tlhariha;Ni ku nyika a majaha a wutivi ni wutlhari ga ku pimisa.+
5 A munhu a tlharihileko wa ingisela, a engetela wutivi;+Ni munhu a nga ni kuzwisisa wa kuma a wurangeli ga wutlhari*+
6 Kasi ku zwisisa a mavingu ni mifananiso,A magezu ya titlhari ni titekatekani tabye.+
7 A kuchava Jehovha hi wona a masangulo ya wutivi.+
Ntsena a zvipumbu hi zvona zvi kanyisako a wutlhari ni kulaya.+
8 N’wananga, ingisa a kulaya ka papayi wa wena,+U nga tsiki a gondziselelo* ya mamani wa wena.+
9 Zvona cidlodlo* co saseka ca zvitsangi hlokweni ya wena+Ni kordhawu go saseka nhan’wini ya wena.+
10 N’wananga, loku a vawonhi va zama ku ku kucetela, u nga vhumeli.+
11 Loku vaku: “A hi fambe.
A hi tumbeleni kasi hi halata nkhata.
Hi ta barama hi fihlala, hi rindzela lava va nga hava nandzu, hi ta va dayela ku moxa.
12 Hi ta va mita na va ha hanya a ku khwatsi hi lezvi a Cilahla* ci mahako,Na va hi murumba, a ku khwatsi hi lava va relelako nkeleni.
13 A hi va tekeleni a titshomba tabye tontlhe ta lisima;Hi ta tata a tiyindlu ta hina hi lezvi hi phangileko.
14 Ti patse na hina;Hontlheni hi ta avelana kufana lezvi hi to yiva.”*
15 N’wananga, u nga va landzeli.
U nga veki a nkondzo wa wena ndleleni yabye,+
16 Hakuva a mikondzo yabye yi tsutsumela ku maha zvakubiha;Va hatlisela ku ya halata nkhata.+
17 Hakunene a zvi vhuni nchumu a ku demba ntlhamu* a cinyanyani na ci ku wona.
18 Hi zvalezvo zvi va mahako va barama va xiyelela kasi va halata nkhata;Va barama va fihlala kasi ku susa wutomi* ga van’wani.
19 Leto tindlela ta lava va lavako a bhindzu go biha,Legi gi to dayisa lava va gi kumako.+
20 A wutlhari ga lisine+ ga banguleka lomu maruweni.+
Ga tlakusa a gezu lomu maprasa.*+
21 Ga vitana lomu mahandzakanyeni ya maruwa ku fambako nguvhu vanhu.
Ga huwelela lomu tinyangweni ta dhoropa, giku:+
22 “N’wina vo kala wutlhari, kala rini na ma ha randza wupumbu ke?
Na n’wina vatseketseli, kala rini na ma ha tsakisiwa hi ku tseketsela ke?
Ahati n’wina zvipumbu, kala rini na ma ha venga a wutivi ke?+
23 Ingisani a kukawuka ka mina.*+
Ndzi ta chulula moya wa mina hehla ka n’wina,Ndzi tlhela ndzi mu tivisa a timhaka ta mina.+
24 Hakuva mina ndzi mu vitanile, kanilezvi n’wina mu no ala;Ndzi nawulutile a canja ga mina, kanilezvi i hava a nga gi khatalela,+
25 A mu chelangi kota hi wusungukati ga mina gontlhe,Niku mu tlhelile mu ala a kukawuka ka mina,
26 Makunu minawu ndzi ta mu hleka a cikhati leci mu to welwa hi khombo,Ndzi mu poyila a cikhati leci ku to chikela lezvi mu zvi chavako,+
27 Ina, laha zvi to chikela lezvi mu zvi chavako a ku fana ni cingulo,Ni khombo ga n’wina gi chikela a ku fana ni moya wa hombe;A cikhati leci a kuxaniseka ni hlomulo zvi to mu chikelela.
28 Ka cikhati leco, va ta ndzi vitana, kanilezvi mina ndzi nga ta va hlamula;Va ta ndzi lavetela hi mbilu yontlhe, kanilezvi va nga ta ndzi kuma,+
29 Hakuva va vengile a wutivi;+A va hlawulangi ku chava Jehovha.+
30 Va alile a wusungukati ga mina,Va kanyisa a kukawuka ka mina kontlhe.
31 Hikwalaho, va ta tshovela* mihandzu ya ndlela yabye,+Va ta xuriswa hi mano* ya vona venyi.
32 Hakuva a kungaingisi ka zvipumbu ku ta zvi daya,Ni kungacheli kota ka zvipumbu ku ta zvi lovisa.
33 Kanilezvi loyi a ndzi ingiselako i ta hanya kuruleni;+I ta rula, a nga chavi khombo.”+
Mitlhamuselo ya lahasi
^ Kutani: “ku gondza”.
^ Kutani: “ni lezvi zvi nga zvinene”.
^ Kutani: “ni nongameto”.
^ Kutani: “wusungukati gi nene”.
^ Kutani: “nayo”.
^ Kutani: “i korowa”.
^ Kutani: “Xeyole”, ku nga cilahla ca vanhu vontlhe. Wona Tlhamuselo wa magezu ya Bhibhiliya.
^ Kutani: “hi ta avelana cikhwama cin’we”.
^ Hi kukongoma: “likoka”.
^ Kutani: “mihefemulo”.
^ Kutani: “Hundzulukani loku ndzi mu kawuka”.
^ Hi kukongoma: “va taga”.
^ Kutani: “makungo; wusungukati”.