Mavingu 10:1-32
10 Mavingu ya Solomoni.+
A n’wana wo tlhariha i tsakisa papayi wakwe,+Kanilezvi a n’wana wa cipumbu i hlomulo ka mamani wakwe.
2 A titshomba ti kumilweko hi kubiha ti nga ta vhuna nchumu,Kanilezvi a kululama hi kona ku tlhatlhisako kufeni.+
3 Jehovha a nga ta tsika a wakululama* azwa ndlala,+Kanilezvi i ta alela vakubiha lezvi va zvi navelako.
4 A mandla yo loloha ma vanga wusiwana,+Kanilezvi a mandla lawa ma ti tsitsiritako ma ganyisa.+
5 A n’wana loyi a nga ni kupimisisa i tshovela timbewu laha cimun’wini,Kanilezvi a n’wana loyi a wisako tingana i etlela le’ga tshongotshongo cikhatini ca kutshovela.+
6 A makatekwa ma tshama hlokweni ya wakululama,+Kanilezvi a nomu wa munhu wa kubiha wu fihla tihanyi.
7 A munhu wa kululama i ta alakanyiwa, a* katekiswa,+Kanilezvi a vito ga wakubiha gi ta bola.+
8 A mbilu ya loyi a tlharihileko ya vhumela zvileletelo,+Kanilezvi loyi a wulawulako wupumbu i ta kandzihetelwa.+
9 Loyi a fambako hi kutsumbeka i ta famba kuruleni.+Kanilezvi loyi a gombonyekisako a tindlela takwe i ta poleka.+
10 Loyi a copetelelako zvakubiha i vanga hlomulo,+Ni loyi a wulawulako a wupumbu i ta kandzihetelwa.+
11 A nomu wa loyi a lulamileko cibuka ca wutomi,+Kanilezvi a nomu wa loyi wa kubiha wu fihla tihanyi.+
12 A livengo li vhuxa a tiholova,Kanilezvi a lirandzo li fenengeta a zvihambunyeto zvontlhe.+
13 A wutlhari gi kumiwa minon’wini ya munhu wa kupimisisa,+Kanilezvi a nhonga yi mahelwe a hlanha wa loyi a nga hava kupima.+
14 Lava va tlharihileko va hlayisa a wutivi,+Kanilezvi a nomu wa cipumbu wu yisa kuloveni.+
15 A tshomba ya munhu wo ganya i dhoropa gakwe gi vhikelweko khwatsi.
A kulova ka zvisiwana wusiwana ga zvona.+
16 A ntiro wa loyi a lulamileko wu yisa wutomini;Kanilezvi a bhindzu ga wakubiha gi yisa ciwonhweni.+
17 Loyi a vhumelako a ku layiwa i ndlela yi yako wutomini,*Kanilezvi loyi a alako ku kawukiwa i hambukisa van’wani.
18 Loyi a fihlako a livengo lakwe i wulawula mawunwa,+Ni loyi a xwanyako a mahungu yo biha* cipumbu.
19 Loku a magezu ma tele, a ku vhumaleki cihoxo,+Kanilezvi loyi a khomako a minomu yakwe i tlharihile.+
20 A lirimi la loyi a lulamileko li fana ni prata ya yinene nguvhu,+Kanilezvi a mbilu ya wakubiha yi vhuna kutsongwani.
21 A minomu ya loyi a lulamileko yi gisa* votala,+Kanilezvi a zvipumbu zvafa hi ku kala kupimisisa.+
22 A cikatekiso ca Jehovha hi cona ci ganyisako munhu,+Niku a nga engeteli kubayisa* hi cona.
23 Ka cipumbu a mahanyela ya tingana ma fana ni ku hlakana,Kanilezvi a wutlhari ga loyi a nga ni kupimisisa.+
24 A wakubiha i ta welwa hi zvalezvi a zvi chavako,Kanilezvi a wakululama i ta nyikiwa lezvi a zvi xuvako.+
25 Loku kuba cingulo, a wakubiha a nga ta hava kona,+Kanilezvi a wakululama ciseketelo ca kala kupindzuka.+
26 A ku khwatsi i vhinagre lomu ka matino, ni musi lomu ka matihlo,Gi tshamisile lezvo a lolo ka loyi a gi rumako.*
27 A kuchava Jehovha ku engetela wutomi,+Kanilezvi a malembe ya loyi wa kubiha ma ta komisiwa.+
28 A kurindzela* ka wakululama ku neha litsako,+Kanilezvi a kutsumba ka wakubiha ku ta lova.+
29 A ndlela ya Jehovha i khokhola ka loyi wo kala cisolo,+Kanilezvi ka lava va mahako kubiha kulova.+
30 A wakululama a nga ta tshuka a wisiwa,+Kanilezvi a wakubiha a nga ta ha hanya kambe laha misaveni.+
31 A nomu wa loyi a lulamileko wu pswala* wutlhari,Kanilezvi a lirimi la kukanganyisa li ta tsemiwa.
32 A minomu ya loyi a lulamileko ya zvi tiva lezvi zvi tsakisako,Kanilezvi a nomu wa loyi wa kubiha wa kanganyisa.
Mitlhamuselo ya lahasi
^ Kutani: “a muhefemulo wa wakululama”.
^ Kutani: “A nduma ya munhu wa kululama yi ta”.
^ Zvi nga maha na zvi wula ku: “i ndleleni yi yako wutomini”.
^ Kutani: “a mavalivali”.
^ Kutani: “rangela”.
^ Kutani: “kuxaniseka; zvikarato”.
^ Kutani: “ka patrawu wa gona”.
^ Kutani: “kutsumba”.
^ Kutani: “wu pswala mihandzu ya”.
