Mavingu 12:1-28
12 Loyi a randzako a ku layiwa i randza a wutivi,+Kanilezvi loyi a nyenyako kukawukiwa a nga na kupima.*+
2 A munhu wa munene wa tsakelwa hi Jehovha,Kanilezvi Yena wa kona loyi a nga ni zvikungo zva kubiha.+
3 A ku na munhu a to yima a tiya hi kubiha,+Kanilezvi a wakululama a nga ta tshuka a tsuwuliwa.
4 A sati wa munene cidlodlo* ka nuna wakwe,+Kanilezvi a sati loyi a mahako zva tingana i fana ni kubola marambwini ya nuna wakwe.+
5 A maalakanyo ya munhu a lulamileko ma lulamile,Kanilezvi a wurangeli ga munhu wa kubiha ga kanganyisa.
6 A magezu ya wakubiha i ntlhamu wu dayako,*+Kanilezvi a nomu wa valulamileko wa va ponisa.+
7 Loku a vakubiha va wisiwa, va nyamalala,Kanilezvi a yindlu ya valulamileko yi ta tshama kala kupindzuka.+
8 A munhu wa dzundziwa hi kota ya wutlhari ga nomu wakwe,+Kanilezvi loyi a nga ni mbilu yo gombonyeka i ta chepetiwa.+
9 I chukwana kuva munhu wa nyalidede na u hi ni nandza,A ku hundza ku ti dzundza na u nga hi na zvakuga.*+
10 A munhu wa kululama wa hlayisa a cifuyo cakwe,*+Kanilezvi hambu a wuxinji ga munhu wa kubiha i xapi.
11 Loyi a ti rimelako a masimu yakwe i ta xura hi zvakuga,+Kanilezvi loyi a hlongoliselako zvilo zvi nga vhuniko nchumu a nga na kupima.
12 A wakubiha i navela lezvi zvi khomilweko hi van’wani vanhu va kubiha,Kanilezvi a mutsu wa valulamileko wu pswala mihandzu.
13 A munhu wa kubiha i phasiwa hi mawulawulela yakwe ya kuwonha,+Kanilezvi a wakululama wa huluka zvikaratweni.
14 Hi mihandzu ya nomu wakwe, a munhu wa eneliswa hi zvazvinene,+Ni ntiro wa mandla yakwe wu ta mu chachazela.
15 A ndlela ya cipumbu yi lulamile kuwoneni ka cona,+Kanilezvi loyi a tlharihileko wa vhumela wusungukati.+
16 A cipumbu ci tekela ku kombisa kukwata ka cona,*+Kanilezvi a munhu wo tlhariha a nga cheli kota hi* ciruko.
17 A kustumunyu wo tsumbeka i wulawula lisine,*Kanilezvi a kustumunyu wo hemba i wulawula mawunwa.
18 A magezu yo wuliwa na ma nga pimisiwangi ma fana ni kutlhava ka cipadha,Kanilezvi a lirimi la loyi a tlharihileko la hanyisa.+
19 A minomu leyi yi wulawulako lisine yi ta tshama kala kupindzuka,+Kanilezvi a lirimi leli li hembako li ta tshama zva cikhatanyana ntsena.+
20 A kukanganyisa ku lomu timbilwini ta lava va lukako mano ya kubiha,Kanilezvi lava va vhuvhumisako* kurula va tsaka.+
21 A ku na khombo gi to wela vakululama,+Kanilezvi a vakubiha va ta welwa hi makhombo yo tala.+
22 A minomu yi hembako cinyenyeko ka Jehovha,+Kanilezvi i tsakisiwa hi lava va tsumbekako.
23 A munhu wo tlhariha wa fihla lezvi a zvi tivako,Kanilezvi a mbilu ya cipumbu yi humesa a wupumbu ga cona.+
24 A canja ga loyi a ti tsitsiritako gi ta fuma,+Kanilezvi a mandla ya lolo ma ta mahisiwa mitiro ya cikurumeta.+
25 A kukarateka ka munhu ku maha mbilu yakwe yi bindziwa,+Kanilezvi a gezu ga ginene gi tsakisa mbilu.+
26 A munhu wa kululama wa lavetela wuriselo gakwe,Kanilezvi a ndlela ya vakubiha ya va hambukisa.
27 A lolo a gi hlongoliseli cihari,+Kanilezvi a kutitsitsirita hi yona a tshomba ya lisima ka munhu.
28 A ndlela ya kululama yi yisa wutomini;+Tisokweni ta yona a ku na kufa.
Mitlhamuselo ya lahasi
^ Kutani: “a nga pimisi”.
^ Kutani: “i korowa”.
^ Hi kukongoma: “ma xiyelela nkhata”.
^ Hi kukongoma: “pawa”.
^ Kutani: “muhefemulo wa cifuyo cakwe”.
^ Kutani: “A cipumbu ci kombisa a zanga ya cona ka siku galego”.
^ Hi kukongoma: “wa fenengeta”.
^ Hi kukongoma: “i wulawula lezvi zvi lulamileko”.
^ Hi kukongoma: “a masungukati ya”.
