Mavingu 13:1-25
13 A n’wana loyi a tlharihileko wa ingisa a kulaya ka papayi wakwe,+Kanilezvi a mutseketseli a ngazwi a kukawukiwa.+
2 Hi mihandzu ya nomu wakwe, a munhu i taga zvazvinene,+Kanilezvi a vakanganyisi va xuva a tihanyi basi.
3 Loyi a khomako a nomu wakwe* i vhikela a wutomi* gakwe,+Kanilezvi loyi a vhululako nguvhu a minomu yakwe i ta lova.+
4 A lolo gi navela a zvilo zvo tala, hambulezvo a gi* na nchumu,+Kanilezvi loyi a* ti tsitsiritako i ta xuriswa.*+
5 A wakululama wa venga mawunwa,+Kanilezvi a mitiro ya wakubiha yi neha tingana ni kuchepetiwa.
6 A kululama ku vhikela loyi a fambako hi ndlela yi lulamileko,+Kanilezvi a kubiha ka wisa muwonhi.
7 Ku na ni loyi a mahisako ku khwatsi i ganyile, kuveni a nga na nchumu,+Ni loyi a mahisako ku khwatsi cisiwana, kuveni i ganyile nguvhu.
8 A titshomba ta maha hakhelo yo tlhatlhisa a wutomi* ga munhu,+Kanilezvi a cisiwana a ci dzukiswi hi nchumu.*+
9 A kuwonekela ka valulamileko ka ngangamela nguvhu,*+Kanilezvi a kandiya ya vakubiha yi ta timiwa.+
10 A matshandza mo vangisa guwa basi,+Kanilezvi a wutlhari gi na ni lava va hlotako a wusungukati.*+
11 A titshomba ti kumiwako hi cihatla ti ta mbhela,+Kanilezvi a titshomba ta loyi a ti hlengeletelako hi kutsongwani-kutsongwani* ti ta tala.
12 Loku lezvi zvi rindzelwako zvi thindeka, a mbilu ya bayiseka,+Kanilezvi a makungo ma tatisekileko i sinya ya wutomi.+
13 Ni wihi a kanyisako a gondziselelo* i ta tsayisiwa,+Kanilezvi loyi a ingisako cileletelo i ta chachazelwa.+
14 A gondzo* ya loyi a tlharihileko cibuka ca wutomi,+Ya tlhatlhisa munhu mitlhan’wini ya kufa.
15 Loyi a nga ni kupima ku nene i kuma thomo,Kanilezvi a ndlela ya vakanganyisi ya karata.
16 A munhu wo tlhariha i tirisa wutivi,+Kanilezvi a cipumbu ci kombisa a wupumbu ga cona.+
17 A cirun’wa co biha ci wela zvikaratweni,+Kanilezvi a cirun’wa co tsumbeka ci neha a kuhanyisa.+
18 Loyi a alako ku layiwa i ta maha cisiwana, ava tinganeni,Kanilezvi loyi a vhumelako ku kawukiwa i ta dzundziwa.+
19 A mixuvo leyi yi tatise-kako yi tsakisa a muhefemulo,*+Kanilezvi a cipumbu ca zvi nyenya a ku fularela zvakubiha.+
20 Loyi a fambako ni munhu wo tlhariha i ta tlharihawu,+Kanilezvi loyi a hlakanako ni cipumbu zvi nga ta mu fambela khwatsi.+
21 A khombo gi landzelela a vawonhi,+Kanilezvi a wunene gi chachazela a vakululama.+
22 A munhu wa munene wa va siyela tshomba a vazukulu vakwe,Kanilezvi a tshomba ya muwonhi yi ta hlengeletelelwa valulamileko.+
23 A simu ga cisiwana gi pfuna zvakuga zvo tala,Kanilezvi zvi nga swiyelwa* hi wukanganyisi.
24 Loyi a nga tirisiko limhika* wa venga a n’wana wakwe,+Kanilezvi loyi a mu randzako wa mu laya.*+
25 A munhu wa kululama waga a xura,+Kanilezvi a khwiri ga wakubiha gi tshama ni ndlala.+
Mitlhamuselo ya lahasi
^ Kutani: “a ti khomako ka lezvi a wulako”.
^ Kutani: “muhefemulo”.
^ Kutani: “a muhefemulo wa gona a wu”.
^ Kutani: “a muhefemulo wu”.
^ Hi kukongoma: “i ta kulukiswa”.
^ Kutani: “muhefemulo”.
^ Hi kukongoma: “a cizwi kukawukiwa”.
^ Hi kukongoma: “ka tsaka”.
^ Kutani: “lava va wutisanako”.
^ Hi kukongoma: “ti hlengeletiwako hi canja”.
^ Kutani: “mhaka”.
^ Kutani: “nayo”.
^ Kutani: “ci nga lova”.
^ Kutani: “kulaya; tsayiselelo”.
^ Zvi nga maha na zvi wula ku: “wa tekela ku mu laya”.
