Mavingu 16:1-33
16 A munhu i longisela a maalakanyo ya mbilu yakwe,*Kanilezvi lezvi a hlamulako* zvita hi ka Jehovha.+
2 Tontlhe a tindlela ta munhu ti lulamile kuwoneni ka yena n’winyi,+Kanilezvi Jehovha i hlola leci ci kucako a munhu.*+
3 Nyikela mitiro ya wena yontlhe mandleni ya Jehovha,*+A makungo ya wena ma ta humelela.
4 Jehovha i maha a zvilo zvontlhe zvi tatisa a kungo gakwe,Hambu ni wakubiha lezvaku a tsayiswa sikwini ga khombo.+
5 Ni wihi loyi a nga ni mbilu ya matshandza cinyenyeko ka Jehovha.+
Tiyiseka lezvaku a nga ta pona ku tsayisiwa.
6 Hi kota ya lirandzo li nga mbheliko ni kutsumbeka, a cigoho ca tsetselelwa,+Ni munhu wa fularela zvakubiha hi kota ya ku chava Jehovha.+
7 Loku Jehovha a xalala hi tindlela ta munhu,I maha ni valala vakwe vava ni kurula naye.+
8 I chukwana a ku kuma zvi tsongwani hi kululama,+A ku hundza a kuva ni muholo wo tala hi kukanganyisa.+
9 A munhu a nga maha makungo ya ndlela yakwe lomu mbilwini yakwe,Kanilezvi Jehovha hi yena a rangelako mazambo yakwe.+
10 A ciboho ci pimisilweko* ci fanele kuva non’wini wa hosi;+A yi faneli ku hambunyeta a nongameto.+
11 A zvikalo zvo lulama ni tipimo to lulama zvita hi ka Jehovha;Hi yena a nga maha a tipimo tontlhe ta lomu cikhwameni.+
12 A mitiro ya kubiha manyala ka tihosi,+Hakuva a citshamu ca wuhosi ci yimisiwa ci tiya hi kululama.+
13 A magezu yo lulama ma tsakisa a tihosi.
Tona ti randza loyi a wulawulako a timhaka to tsumbeka.+
14 A zanga ya hosi yi fana ni cirun’wa ci nehako kufa,+Kanilezvi a munhu loyi a tlharihileko wa yi bohlisa.+
15 Loku a nghohe ya hosi yi tsaka, ku na ni wutomi;A wuxinji ga yona gi fana ni refu ga vhula yo gumesa.+
16 I chukwana nguvhu a ku kuma a wutlhari a ku hundza ouro.+
I chukwana a ku kuma kuzwisisa a ku hundza prata.+
17 A ndlela ya valulamileko yi potsa zvakubiha.
Loyi a hlayisako a ndlela yakwe i hlayisa a wutomi* gakwe.+
18 A matshandza ma rangela ku lova,Ni moya wa kutitlakusa wu rangela kuwa.+
19 I chukwana a ku ti koramisa cikari ka lava vo rula+A ku hundza ku avelana muphango ni vanhu va kutitlakusa.
20 Loyi a pimisisako khwatsi a mhaka i ta humelela;Wa tsaka loyi a tsumbako Jehovha.
21 Loyi a nga ni mbilu yi tlharihileko i ta wuliwa lezvaku wa zwisisa,+Ni loyi a nga ni mawulawulela ya manene* wa kholwisa nguvhu.+
22 A wutlhari cibuka ca wutomi ka lava va nga nago,Kanilezvi a zvipumbu zvi tsayisiwa hi wupumbu ga zvona.
23 A mbilu ya loyi a tlharihileko yi mu nyika a nomu wo tlhariha,+Yi tlhela yi engetela a timhaka ta ku kholwisa ka lezvi a wulako.
24 A timhaka ti tsakisako ti fana ni zvihahla zva wulombe;Ta tsombela ka muhefemulo* ni ku hanyisa marambu.+
25 Ku na ni ndlela yi nge khwatsi yi lulamile ka munhu,Kanilezvi hi magumo yi yisa kufeni.+
26 A mavhalo* ya mutiri ma mu maha a tira hi kutitsitsirita,Hakuva a ndlala* yakwe yi mu kurumeta lezvo.+
27 A munhu a nga vhuniko nchumu i kela zvilo zva kubiha,+Ni timhaka takwe ti fana ni ndzilo wu vhurako.+
28 A munhu wa maguwa* i vanga tiholova,+Ni muhlevi i hambanisa vanghana vahombe.+
29 A munhu wa tihanyi i kucetela a muakelani wakweA mu yisa ndleleni ya hava.
30 I copeta tihlo gakwe laha a lukako mano ya kubiha,
A luma a nomu wakwe laha a mahako zvakubiha.
31 A wuvhu cidlodlo* ca kusaseka*+Loku gi kumeka ndleleni ya kululama.+
32 Loyi a nonokako ku zangara+ i chukwana a ku hundza a nhenha,Ni loyi a zvi kotako ku ti khoma* i hundza loyi a hlulako a dhoropa.+
33 A hlolo yi belwa mahangasweni,+Kanilezvi zvontlhe lezvi yi wulako zvita hi ka Jehovha.+
Mitlhamuselo ya lahasi
^ Kutani: “a hlamulo wa wunene”. Hi kukongoma: “a hlamulo wa lirimi”.
^ Hi kukongoma: “A makungo ya mbilu ma lumba munhu”.
^ Hi kukongoma: “i hlola moya”.
^ Hi kukongoma: “Wumbulutela mitiro ya wena ka Jehovha”.
^ Kutani: “ca Nungungulu”.
^ Kutani: “muhefemulo”.
^ Hi kukongoma: “Ni kunandziha ka minomu”.
^ Hi kukongoma: “nomu”.
^ Kutani: “A muhefemulo”.
^ Kutani: “munhu wa mano”.
^ Kutani: “korowa”.
^ Kutani: “co ngangamela”.
^ Hi kukongoma: “a fumelako a moya wakwe”.
