Mavingu 17:1-28
17 I chukwana a cikhemu ca pawa yo woma laha ku nga ni kurula+A ku hundza a yindlu yi teleko hi mibuzo* na ku hi ni tiholova.+
2 A nandza legi gi tlharihileko gi ta fumela a n’wana loyi a mahako zvilo zva tingana;Gi ta amukela tshomba a ku khwatsi mun’we wa vana va hosi.
3 A mbita ya kunyekisa yi mahelwe prata, ni ndzhimbo* wu mahelwe ouro,+Kanilezvi Jehovha hi yena a hlolako a timbilu.+
4 A munhu wa kubiha i ingisela a magezu ma tlhavako,Ni muhembi i ingisela a lirimi li wulawulako kubiha.+
5 Ni wihi loyi a hlekako a cisiwana i rukatela a Mumahi wa cona,+Ni loyi a tsakako loku a mun’wani a welwa hi khombo a nga ta pona ku tsayisiwa.+
6 A vazukulu cidlodlo* ca zvikhosana,Ni vapapayi* wudzundzo ka vana vabye.
7 A timhaka ta tinene a ti faneli cipumbu,+
A ha ha wuli hi timhaka ta mawunwa ka hosi!+
8 A cinyikiwo ci fana ni ribye ga lisima* ka n’winyi wa cona;+Ni kwihi lomu a yako ci mu nehela makatekwa.+
9 Loyi a tsetselelako* a cigoho i hlota lirandzo,+Kanilezvi loyi a nge gwe ni ku wulawula hi mhaka yo kari i hambanisa a vanghana vahombe.+
10 A kukawuka ka mu vhuna nguvhu loyi a nga ni kupimisisa+A ku hundza a kuba cipumbu a 100 wa makhati.+
11 A munhu wa kubiha i hlota a kuhluwuka ntsena,Kanilezvi ku ta rumelwa a cirun’wa ca xapi ci ya mu tsayisa.+
12 I chukwana a ku tlhangana ni urso gi tekelweko a vana va gonaA ku hundza ku tlhangana ni cipumbu wupumbwini ga cona.+
13 Loku a munhu a tlhelisela a wunene hi kubiha,A kubiha ku nga ta suka ndlwini yakwe.+
14 A ku sangula tiholova zvi fana ni ku vhulula a dhamu* ga mati;Suka u famba a tiholova na ti nga se sangula.+
15 Loyi a yimelelako a wakubiha ni loyi a konako a munhu wa kululama,+— Hi wumbiri gabye cinyenyeko ka Jehovha.
16 Zvi ci vhuna yini a cipumbu a kuva ni ndlela ya ku kuma wutlhariKuveni a ci na mbilu ya ku gi amukela* ke?+
17 A munghana wa lisine wa randza contlhe cikhati+Niku makabye a pswalelweko ku vhunetela zvikhatini zva zvikarato.+
18 A munhu a nga hava kupimisisa i khoma mandlaA vhumela ku riha nandzu wa mun’wani munhu mahlweni ka muakelani wakwe.+
19 Loyi a randzako a tiholova i randza a cigoho.+
Loyi a tlakusako a nyangwa yakwe i ti vitanisela kulova.+
20 Loyi a nga ni mbilu yo gombonyeka a nga ta humelela,+Ni loyi a kanganyisako kuwulawuleni kakwe i ta lova.
21 A papayi wa cipumbu i tava hlomulweni;Ni papayi wa n’wana wo fayela a nga na litsako.+
22 A mbilu yi tsakileko i muri wa wunene,*+Kanilezvi a moya wu tshovekileko wu pswonga ntamu wa munhu.*+
23 A munhu wa kubiha i vhumela ku xavelelwa cihundleniKasi a hambunyeta a ndlela ya kululama.+
24 A wutlhari gi kwalaha mahlweni ka munhu wa kupimisisa,Kanilezvi a mahlo ya cipumbu ma pepetseka kala magemeta-musi ya misava.+
25 A n’wana loyi a nga cipumbu i neha hlomulo ka papayi wakweA tlhela a pandza mbilu ya loyi a nga mu pswala.+
26 A ku tsayisa* wakululama a hi zvinene,Ni kuba vanhu vo dzundzeka zvi hambunyeta zvazvinene.
27 A munhu a nga ni wutivi wa ti khoma kuwulawuleni kakwe,+Ni munhu wa kupimisisa wa rula.+
28 Hambu a cipumbu ca wuliwa ku ci tlharihile loku ci miyele,Ni loyi a vhalako a minomu yakwe i wuliwa ku i na ni kupimisisa.
Mitlhamuselo ya lahasi
^ Hi kukongoma: “miphahlo”.
^ Kutani: “fornalha”.
^ Kutani: “korowa”.
^ Kutani: “vapswali”.
^ Kutani: “ribye gi nehako makatekwa”.
^ Hi kukongoma: “fenengetako”.
^ Kutani: “barragem”.
^ Kutani: “Kuveni a ci na kupimisisa”.
^ Kutani: “A mbilu yi tsakileko ya hanyisa”.
^ Kutani: “wu womisa marambu”.
^ Kutani: “a ku mu rihisa multa”.
