Mavingu 19:1-29
19 I chukwana a kuva cisiwana na u famba hi kutsumbeka+A ku hundza kuva cipumbu ni ku wulawula mawunwa.+
2 A hi zvinene ku a munhu* a nga hi na wutivi;+Ni loyi a mahako zvilo hi matloti* wa wonha.
3 A wupumbu ga munhu gi wonha a ndlela yakwe,Ni mbilu yakwe yi zangarela Jehovha.
4 A titshomba ti vitanisa a vanghana vo tala,Kanilezvi a cisiwana ci ta tsikiwa hambu hi munghana wa cona.+
5 A kustumunyu wa mawunwa a nga ta pona ku tsayiswa,+Ni loyi a tshamelako ku hemba a nga ta huluka.+
6 A votala va hlota ku tsakelwa hi munhu wo dzundzeka,*Niku vontlhe vanghana va loyi a nyikako zvinyikiwo.
7 Vontlhe a vamakabye va cisiwana va ci venga;+A ha ha wuli hi vanghana va cona, va fambela kule!+
Ci va landzelela na ci kombela, kanilezvi i hava a ci hlamulako.
8 Loyi a kumako a kupimisisa wa ti randza.*+
Ni loyi a hlayisako kupimisisa i ta kateka.+
9 A kustumunyu wa mawunwa a nga ta pona ku tsayiswa,Ni loyi a tshamelako ku hemba i ta lova.+
10 A cipumbu a ci ringanelwi hi ku hanya mafureni;A ha ha wuli hi nandza a ku fumela a tihosana!+
11 A munhu a tlharihileko wa nonoka ku zangara,+Niku zva mu sasekela a ku tsetselela a cigoho.+
12 A zanga ya hosi yi fana ni kubhonga ka nghala,*+Kanilezvi a wuxinji ga yona gi fana ni ndzhokati hehla ka byanyi.
13 A n’wana wa cipumbu i neha zvikarato ka papayi wakwe,+Ni sati wa ku randza tiholova* i fana ni yindlu yi vhutako yi nga nyimi.+
14 A yindlu ni titshomba zvi kumiwa ka vapapayi,Kanilezvi a sati wo tlhariha ita hi ka Jehovha.+
15 A wulolo gi vitanisa a wurongo ga tshongotshongo;A munhu* wa wulolo i ta tshama ni ndlala.+
16 Loyi a hlayisako a zvileletelo i hlayisa a wutomi* gakwe;+Loyi a nga cheliko kota hi tindlela takwe i tafa.+
17 Loyi a vhunako a cisiwana i pembisa ka Jehovha,+Niku Yena i ta mu tlhelisela* hi kota ya lezvi a mahako.+
18 Laya a n’wana wa wena na ka ha hi ni kutsumba;+U nga rwali a nandzu wa* kufa kakwe.+
19 A munhu wa cihafani i ta tsayisiwa;Loku u zama ku mu tsetsa, zvi ta lava ku u zvi maha hi kuphindaphinda.+
20 Ingisa wusungukati, u vhumela ku layiwa,+Kasi u fela ku tlhariha ka masiku ma ha tako.+
21 A makungo ya mbilu ya munhu ma tele,Kanilezvi a wusungukati* ga Jehovha hi gona gi to tiya.+
22 A nchumu wo saseka laha ka munhu lirandzo lakwe li nga mbheliko;+I chukwana a kuva cisiwana a ku hundza a kuva muhembi.
23 A kuchava Jehovha zvi yisa wutomini;+Loyi a mu chavako i ta humula kuruleni, a nga ta welwa hi mhango.+
24 A lolo gi peta a canja ga gona lomu ngelweni,Kanilezvi a gizi gi zama ku gi tlhelisa non’wini wa gona.+
25 Bana a mutseketseli+ kasi a cipumbu ci fela ku tlhariha,+Kawuka loyi a nga ni kupimisisa kasi a engetela kutiva.+
26 Loyi a xanisako a papayi wakwe a tlhela a hlongola a mamani wakweI n’wana a nehako tingana ni ciruko.+
27 N’wananga, loku u tsika ku ingisa a kulayiwa,U ta lahleka ka timhaka ta wutivi.
28 A kustumunyu a nga vhuniko nchumu i chepeta a kululama,+Ni nomu wa munhu wa kubiha wu mita kubiha.+
29 A kulamula ku yimiselwe a vatseketseli,+Ni timhika ti yimiselwe a hlanha wa zvipumbu.+
Mitlhamuselo ya lahasi
^ Kutani: “muhefemulo”.
^ Hi kukongoma: “Ni loyi a hatlisako hi mikondzo yakwe”.
^ Kutani: “wo hana”.
^ Kutani: “wa randza muhefemulo wakwe”.
^ Kutani: “cinghalana ca malevhu”.
^ Kutani: “tshamela ku solasola”.
^ Kutani: “muhefemulo”.
^ Kutani: “muhefemulo”.
^ Kutani: “chachazela”.
^ Kutani: “U nga naveli a”.
^ Kutani: “kungo”.