Mavingu 2:1-22
2 N’wananga, loku u vhumela a timhaka ta mina,U hlayisa a zvileletelo zva mina a ku khwatsi i tshomba,+
2 Hi ku demba a ndleve ya wena u ingisela wutlhari,+Ni ku nyikela mbilu ya wena kasi u kuma kupimisisa;+
3 Ahandle ka lezvo, loku u rilela a kuzwisisa,+Ni loku u tlakusa gezu ga wena u kombela kupimisisa;+
4 Loku u lavetela zvilo lezvo a ku fana ni prata,+Ni loku u zvi hlota a ku fana ni titshomba ti fihlilweko;+
5 Makunu u ta tiva a kuchava Jehovha,+U tlhela u kuma a wutivi ga Nungungulu.+
6 Hakuva Jehovha wa nyika wutlhari;+Hi non’wini wakwe ku huma wutivi ni kupimisisa.
7 A vakululama i va hlayisela a wutlhari kota tshomba;Yena citlhangu ca lava va fambako hi kutsumbeka.+
8 I cuwukela a tindlela ta kululama,A vhikela a ndlela ya vatsumbekileko vakwe.+
9 Makunu u ta tiva a kululama, ni nongameto, ni lezvi zvi nga zvinene,Ina, a ndlela yontlhe ya zvazvinene.+
10 Loku a wutlhari gi nghena mbilwini ya wena,+Ni loku a wutivi gi tsakisa a muhefemulo* wa wena,+
11 A wutlhari ga ku pimisa gi ta ku vhikela,+Ni kupimisisa ku ta ku hlayisa,
12 Kasi ku ku tlhatlhisa ndleleni ya kubiha,Ni ka lava va wulawulako zvilo zva hava,+
13 Ni ka lava va tsikako a tindlela ta kululamaKasi va famba tindleleni ta munyama,+
14 Ni ka lava va tsakisiwako hi ku maha zvakubiha,Lava va xalalako hi zvilo zva kubiha ni zva hava,
15 Lava a tindlela tabye ti gombonyekileko,Ni lava a ndlela yabye yontlhe yi khohlisako.
16 A wutlhari gi ta ku ponisa ka wasati wa kubiha,*Ni ka magezu yo nandziha* ya wasati wa cibhayi,*+
17 Loyi a tsikako a munghana* wa wuswa gakwe,+A rivala a civhumelwano ca Nungungulu wakwe;
18 Hakuva a yindlu ya wasati wa cibhayi yi yisa kufeni,Ni tindlela* takwe ti kongoma ka lava va nga hava ntamu kufeni.+
19 A nga kona ni mun’we wa lava va hlengelako naye* a to wuya,Ne hambu ku tlhelela tindleleni ta wutomi.+
20 Hikwalaho, landzela a ndlela ya vanhu va vanene,U tshama tindleleni ta valulamileko,+
21 Hakuva ntsena a valulamileko hi vona va to aka laha misaveni,Ni lava vo kala nandzu* va ta tshama ka yona.+
22 Kanilezvi a vakubiha va ta fuvisiwa laha misaveni,+Ni vakanganyisi va ta tsuwuliwa ka yona.+
Mitlhamuselo ya lahasi
^ Hi kukongoma: “wa matiko”. Zvi wonekisa ku khwatsi ku wuliwa loyi a tsikileko a mahanyela ya Nungungulu.
^ Kutani: “yo xengetela”.
^ Hi kukongoma: “wa matiko”. Zvi wonekisa ku khwatsi ku wuliwa loyi a tsikileko a mahanyela ya Nungungulu.
^ Kutani: “nuna”.
^ Hi kukongoma: “tisoko”.
^ Hi kukongoma: “va nghenako kakwe”.
^ Kutani: “Ni lava va tsumbekako”.
