Mavingu 20:1-30
20 A vhinyo mutseketseli,+ ni byala ga phungela;+Ni wihi loyi a pengisiwako hi zvona a nga tlharihangi.+
2 A kutshisa ka* hosi ku fana ni kubhonga ka nghala;*+Ni wihi loyi a yi zangarisako i veka wutomi gakwe mhangweni.+
3 Wa dzundzeka a munhu loyi a nga ti ngheniseliko ka tiholova,+Kanilezvi ni wihi a nga cipumbu i ti nghenisela ka tona.+
4 A lolo a gi rimi hi nguva ya cirami,Hikwalaho, cikhatini ca kutshovela gi tava mukombeli laha gi to kala gi nga hi na nchumu.*+
5 A maalakanyo* ya mbilu ya munhu ma fana ni mati yo eta,Kanilezvi loyi a nga ni kupimisisa wa makha.
6 A vanhu vo tala va huwelela a lirandzo labye li nga mbheliko,Kanilezvi himani a nga kumako munhu wo tsumbeka ke?
7 A wakululama i famba kutsumbekeni kakwe.+
Va tsaka a vana vakwe va tako hi ndzhako kakwe.+
8 Laha a hosi yi tshamako citshan’wini ca yona kasi yi lamula,+Yi lovisa* a vakubiha vontlhe hi mahlo ya yona.+
9 Himani a nga wulako, aku: “Ndzi basisile a mbilu ya mina;+Ndzi basile ciwonhweni ca mina”?+
10 A tipezo to kalavela ni tipimo ta mawunwa*— Zvontlhe cinyenyeko ka Jehovha.+
11 Hambu a n’wanana* wa tiviwa hi mitiro yakwe,Lezvaku a mahanyela yakwe ma basile niku ma lulamile ke.+
12 A ndleve yi ingisako ni tihlo gi wonako— Zvontlhe zvi mahilwe hi Jehovha.+
13 U nga randzi ku etlela, u nga maha cisiwana.+
Vhulula a matihlo ya wena, u ta xura hi zvakuga.*+
14 A muxavi i ngalo: “A hi cinene, a hi cinene!”A gumesa a suka a famba na a ti dzundza.+
15 Ku na ni ouro, ni makorali* yo tala.Kanilezvi a minomu ya wutivi ya lisima nguvhu.+
16 Loku a munhu a ti bohile ku riha a nandzu wa mumbe munhu mu tekele a nguwo yakwe;+Loku a ti bohile ku riha a nandzu wa wasati wa matiko* i wa ku khomise nchumu.+
17 A pawa leyi yi kumiwako hi wukanganyisi ya nandziha ka munhu,Kanilezvi hi ndzhako ka cikhati a nomu wakwe wu ta tala hi zviribyana.+
18 Loku ku hi ni mabhulo,* a makungo ma tiya,*+Lwana a yimpi ya wena hi wurangeli ga wutlhari.*+
19 A mulumbeti i famba a bhoxa zvihundla;+U nga ti tlhanganisi ni lava va randzako ku hleva.*
20 Ni wihi loyi a rukako a papayi wakwe ni mamani wakweA kandiya yakwe yi ta timiwa loku ku chikela munyama.+
21 A tshomba leyi kusanguleni yi kumiwako hi makangwaHi magumo yi nga tava cikatekiso.+
22 U nga wuli, uku: “Ndzi ta tlhelisela kubiha hi kubiha!”+
Rindzela Jehovha,+ yena i ta ku ponisa.+
23 A tipezo to kalavela* cinyenyeko ka Jehovha,Ni zvikalo zvi kanganyisako a hi zvinene.
24 A mazambo ya munhu ma rangelwa hi Jehovha;+A munhu a nga yi tivisa kuyini a ndlela ya yena n’winyi* ke?
25 I ntlhamu ka munhu a ku a tsutsumela ku wula ku: “Zvi basile!”+
Kanilezvi a ehleketa ntsena hi ndzhako ka cikhati hi lezvi a fungileko.+
26 A hosi yo tlhariha yi hehera vakubiha,+Yi fambisa a rodha ga ku hula timbewu hehla kabye.+
27 A kuhefemula ka munhu i kandiya ya Jehovha;Yi hlola zvontlhe zvi nga ndzeni kakwe.
28 A lirandzo li nga mbheliko ni kutsumbeka zvi vhikela hosi;+A citshamu ca yona ca wuhosi yi ci tiyisa hi lirandzo li nga mbheliko.+
29 A wudzundzo ga majaha i ntamu wabye,+Ni kusaseka ka zvikhosana i wuvhu gabye.+
30 A tirimbiri ni zvilondza zvi susa* kubiha,+Ni timhika ti basisa zvontlhe zvi nga ndzeni ka munhu.
Mitlhamuselo ya lahasi
^ Kutani: “A kuchava loku ku vangiwako hi”.
^ Kutani: “cinghalana ca malevhu”.
^ Zvi nga maha na zvi wula ku: “Cikhatini ca kutshovela gi ta lavetela, kanilezvi gi nga ta kuma nchumu”.
^ Kutani: “mixuvo”. Hi kukongoma: “wusungukati”.
^ Kutani: “hluta”.
^ Kutani: “A tipimo timbiri to hambana ta maribye ni zvibya zvimbiri zvo hambana zvo pima hi zvona”.
^ Kutani: “jaha”.
^ Hi kukongoma: “pawa”.
^ Kutani: “wa munhu wamatiko”.
^ Kutani: “wusungukati”.
^ Kutani: “humelela”.
^ Kutani: “wusungukati gi nene”.
^ Kutani: “ni loyi a xengetelako hi nomu wakwe”.
^ Kutani: “A tipezo timbiri to hambana ta maribye”.
^ Kutani: “a ndlela yo famba hi yona”.
^ Kutani: “kutla”.
