Mavingu 21:1-31
21 A mbilu ya hosi yi fana ni micongo ya mati canjeni ga Jehovha.+
I yi yisa ni kwihi lomu a ku lavako.+
2 Tontlhe a tindlela ta munhu ti lulamile kuwoneni ka yena n’winyi,+Kanilezvi Jehovha i hlola a timbilu.*+
3 A ku maha zvakululama ni zvazvineneZva mu tsakisa nguvhu Jehovha a ku hundza muphahlo.+
4 A mahlo ya kutikulisa ni mbilu ya matshandzaI kandiya yi rangelako a vakubiha kanilezvi ciwonho.+
5 A makungo ya loyi a ti tsitsiritako ma ta humelela,+Kanilezvi vontlhe lava va matloti va ta maha zvisiwana.+
6 A ku kuma titshomba hi lirimi la mawunwaZvi fana ni hunguva yi hangalakako, a ntlhamu wu dayako.*+
7 A tihanyi ta vakubiha ti ta va chindza va ku bhi,+Hakuva va ala ku maha kululama.
8 A ndlela ya munhu a nga ni nandzu yi gombonyekile,Kanilezvi a ntiro wa munhu a basileko wu lulamile.+
9 I chukwana a ku tshama laha khoneni ga langwa* la yindluA ku hundza ku tshama yindlu yin’we ni sati wa ku randza tiholova.*+
10 A munhu wa kubiha* i navela zvilo zva kubiha;+A nga mu maheli wuxinji a muakelani wakwe.+
11 Loku a mutseketseli a tsayisiwa, a cipumbu ca tlhariha,Ni loku a munhu wo tlhariha a amukela gondziselelo, i kuma wutivi.*+
12 Loyi a Lulamileko i cuwuka a yindlu ya wakubiha;I wisela vakubiha khombyeni.+
13 Loyi a ti vhalako a tindleve kasi a ngazwi a kurila ka cisiwanaYenawu i ta rila kanilezvi a nga ta hlamuliwa.+
14 A cinyikiwo ca lomu cihundleni ci bohlisa zanga,+Ni kuxavelela lomu kufihlaleni zvi bohlisa khulo ga hombe.
15 Zva tsakisa ka wakululama a ku maha zvilo hi nongameto,+Kanilezvi zva tshisa ka vamahi va kubiha.
16 A munhu loyi a hambukako ndleleni ya wutlhariI ta humula zvin’we ni lava va nga hava ntamu kufeni.+
17 Loyi a randzako ku ti tsakisa* i ta maha cisiwana;+Loyi a randzako vhinyo ni mafura a nga ta ganya.
18 A wakubiha i hakhelo ya ku tlhatlhisa wakululama,Ni mukanganyisi i ta nyikelwa wutshan’wini ga wakululama.+
19 I chukwana a ku tshama lomu ciwuleniA ku hundza a ku tshama ni sati a randzako tiholova* ni wa kuswira.+
20 A tshomba ya lisima ni mafura zvi kumiwa ndlwini ya munhu a tlharihileko,+Kanilezvi a cipumbu ci xakela* lezvi ci nga nazvo.+
21 Ni wihi loyi a hlotako kululama ni lirandzo li nga mbhelikoI ta kuma wutomi, ni kululama, ni kungangamela.+
22 A munhu wo tlhariha a nga kandziha* dhoropa ga tinhenhaA hahlula a khokhola legi va gi tsumbako.+
23 Loyi a hlayisako a nomu wakwe ni lirimi lakweI potsa* zvikarato.+
24 Loyi a mahako zvilo hi matshandza yo hundzeleta i wuliwa kuNyamatshandza ni munhu wo ti byela.+
25 A kunavela ka lolo ku ta gi dayisa,Hakuva a mandla ya gona ma ala ku tira.+
26 I mbheta siku gontlhe na aswa hi kunavela,Kanilezvi a munhu wa kululama i nyika na a nga feleli.+
27 A muphahlo wa munhu wa kubiha cinyenyeko;+
A ha ha wuli loku a wu nyikela hi kungo ga kubiha!*
28 A kustumunyu wo hemba i ta lova,+Kanilezvi a munhu loyi a ingiselako i ta nyika a wukustumunyu go tiya.*
29 A wakubiha i boha nghohe yakwe,+Kanilezvi a wakululama hi yena a fambako ndleleni yi tiyileko.*+
30 A ku na wutlhari, ne kupimisisa hambu wusungukati gi lwako na Jehovha.+
31 A haxi gi longiselwa a siku ga kulwa,+Kanilezvi a kuhanyisa ku lumba Jehovha.+
Mitlhamuselo ya lahasi
^ Kutani: “leci ci kucako a munhu”.
^ Zvi nga maha na zvi wula ku: “ka lava va hlotako kufa”.
^ Kutani: “ni sati loyi a tshamako hi ku solasola”.
^ Kutani: “denga; terraço”.
^ Kutani: “A muhefemulo wa wa kubiha”.
^ Kutani: “wa ci tiva co maha”.
^ Kutani: “ku hlakana”.
^ Kutani: “a tshamako hi ku solasola”.
^ Hi kukongoma: “mita”.
^ Kutani: “hlula”.
^ Kutani: “I ponisa muhefemulo wakwe ka”.
^ Kutani: “na a hi ni mahanyela ya tingana”.
^ Hi kukongoma: “i ta wulawula kala kupindzuka”.
^ Kutani: “a tiyisako a ndlela yakwe”.
