Mavingu 22:1-29
22 A vito ga ginene* gi chukwana a ku hundza a titshomba to tala;+A ku kombisiwa cichavo* zvi chukwana a ku hundza a prata ni ouro.
2 A ciganyi ni cisiwana va fana hi lezvi:*
Vontlhe va mahilwe hi Jehovha.+
3 A munhu wo tlhariha i wona mhango a fihlala,Kanilezvi a zvipumbu zvi simama ku famba zvi ya xaniseka.*
4 A nchachazelo wa kutikoramisa ni kuchava JehovhaTitshomba, ni wudzundzo, ni wutomi.+
5 A mimizwa ni mitlhamu zvi ndleleni ya mukanganyisi,Kanilezvi loyi a randzako wutomi* gakwe i fambela kule nazvo.+
6 Gondzisa n’wanana* ndleleni leyi a faneleko ku famba hi yona;+Hambu loku a khosahele a nga ta hambuka ka yona.+
7 A ciganyi ci fumela cisiwana,Ni mupembi i khumbi ya mupembisi.+
8 Ni wihi loyi a byalako a kungalulami i ta tshovela khombo,+Ni nhonga ya zanga yakwe yi ta fuva.+
9 A munhu wa kuhana* i ta katekiswa,Hakuva wa ci avela a zvakuga zvakwe a cisiwana.+
10 Hlongola a mutseketseli,A tiholova ti ta fuva;A kukanetisana* ni kurukatela zvi ta mbhela.
11 Loyi a randzako a mbilu yi basileko ni magezu yo nandzihaI ta maha munghana wa hosi.+
12 A matihlo ya Jehovha ma hlayisa wutivi,Kanilezvi wa thinda a magezu ya vakanganyisi.+
13 A lolo gi ngalo: “Ku na ni nghala le handle!
Ndzi ta dawa laha cikari ka ruwa!”*+
14 A nomu wa wasati wa cibhayi* i nkele wo eta.+
Loyi a koniwako hi Jehovha i ta wela ka wona.
15 A wupumbu gi namarela mbilwini ya n’wanana,*+Kanilezvi a limhika la kulaya li ta gi susa kakwe.+
16 Loyi a kanganyisako a cisiwana kasi a engetela titshomba takwe,+Ni loyi a nyikelako a zvinyikiwo ka munhu wo ganyaVa ta maha zvisiwana.
17 Demba a ndleve ya wena u ingisela a magezu ya titlhari,+Kasi u amukela a wutivi ga mina hi mbilu yontlhe,+
18 Hakuva zvi sasekile a ku ma hlayisa mbilwini ya wena,+Kasi wontlhe ma tshama minon’wini ya wena contlhe cikhati.+
19 Kasi a kutsumba ka wena kuva ka JehovhaNdza ku nyika wutivi nyamutlha.
20 Xana a ndzi ku tsalelangi kale,Ndzi ku nyika wusungukati ni wutivi,
21 Kasi ndzi ku gondzisa a magezu ya lisine ni yo tsumbeka,U fela ku tlhela ni mubiko wo tsumbeka ka loyi a ku rumileko ke?
22 U nga yiveli cisiwana hi lezvi ci nga cisiwana,+Ne u nga xanisi a munhu wa nyalidede laha nyangweni ya dhoropa,+
23 Hakuva Jehovha i ta yimela a mhaka yabye,+Niku i ta lovisa lava* va va kanganyisako.
24 U nga mahi wunghana ni munhu wa cihafaniNe u nga hlengeli ni munhu wa ku hatlisa ku zangara,
25 Kasi u nga tshuki u gondza a tindlela takwe,U ti dembela ntlhamu ha wece.*+
26 U nga tshami cikari ka lava va khomanako mandla va maha civhumelwano,Lava va ti bohako a ku hakhela nandzu wa van’wani.+
27 Loku u nga hi na ca ku riha hi cona,Va ta ku tekela a mubhedhi wa wena.
28 U nga rurisi a cikhongwani ca mbhingano wa kalelokoLowu wu pandzilweko hi vakokwani va wena.+
29 U tshuka u wona munhu a zvi kotako ku maha khwatsi a ntiro wakwe ke?
I ta yima mahlweni ka tihosi;+A nga ta yima mahlweni ka vanhu va nyalidede.
Mitlhamuselo ya lahasi
^ Hi kukongoma: “A ku tsakelwa”.
^ Kutani: “A nduma ya yinene”. Hi kukongoma: “A vito”.
^ Hi kukongoma: “va tlhangana laha ka ku”.
^ Kutani: “zvi ya tsayisiwa”.
^ Kutani: “muhefemulo”.
^ Kutani: “mufana; muswa”.
^ Hi kukongoma: “Loyi a nga ni tihlo gi nene”.
^ Kutani: “minandzu”.
^ Kutani: “prasa”.
^ Kutani: “mufana; muswa”.
^ Kutani: “yiva muhefemulo wa lava”.
^ Kutani: “U wu dembela ntlhamu a muhefemulo wa wena”.