Mavingu 23:1-35
23 Loku u tshama kugeni ni hosi,Chela nguvhu kota hi lezvi zvi nga mahlweni ka wena;
2 Vekela mukwana laha nkolweni wa wena*Loku u hi ni mavhalo ya hombe.*
3 U nga naveli a mafanjara yakwe,Hakuva i zvakuga zva kukanganyisa.
4 U nga ti dayeteli hi ku lava titshomba.+
Nyima, u kombisa a kupimisisa.*
5 Loku u ti cuwuka, to nyamalala,+Hakuva ta mila tipapa a ku fana ni gama, ti puruma tiya tilweni.+
6 U ngagi zvakuga zva munhu wa ku tsona;*U nga naveli a mafanjara yakwe,
7 Hakuva i fana ni loyi a mahako tikonta ta lezvi u gako.*
I ngalo ka wena: “Gana, unwa”, kuveni a mbilu yakwe yi kule na wena.
8 U ta hlata zvakuganyana lezvi u gileko,U luzisa a magezu ya wena yo saseka.
9 U nga wulawuli tindleveni ta cipumbu+Hakuva ci nga ta gi nyika lisima a wutlhari ga magezu ya wena.+
10 U nga rurisi cikhongwani ca mbhingano wa kaleloko+Ne u nga ngheni ka simu ga lava va nga hava papayi.
11 Hakuva a Muyimeli* wabye i na ni ntamu;I ta yimela a mhaka yabye, alwa na wena.+
12 Nyikela a mbilu ya wena ka kulayiwaNi ndleve ya wena ka timhaka ta wutivi.
13 U nga tsiki a ku laya a n’wanana.*+
A nga tafa loku u muba hi limhika.
14 Mube hi limhika,Kasi u mu ponisa* Cilahleni.*
15 N’wananga, loku a mbilu ya wena yi tlhariha,A mbilu ya mina yi ta tsaka.+
16 Ina, mbilwini ya mina* ndzi ta tsakaLaha a nomu wa wena wu to wulawula zvazvinene.
17 A mbilu ya wena yi ngavi ni matshoho hi vawonhi,+Kanilezvi chava Jehovha gontlhe siku,+
18 Makunu u ta hanya khwatsi cikhatini ci tako,+Ni kutsumba ka wena ku nga ta tsemiwa.
19 N’wananga, zwana, u tlhariha,U fambisa a mbilu ya wena ndleleni ya yinene.
20 U nga ti tlhanganisi ni lava va nwako nguvhu vhinyo,+Lava va nga ni mavhalo kugeni ka nyama,+
21 Hakuva a zvidhakwa ni makhobomu va ta maha zvisiwana,+Ni wurongo gi ta va bohisa a mazacha.
22 Ingisa a papayi wa wena loyi a nga ku pswala,U nga kanyisi a mamani wa wena hi lezvi a khosaheleko.+
23 Xava* lisine, u nga tshuki u li xavisa;+Xava ni wutlhari, ni kulayiwa ni kuzwisisa.+
24 A papayi wa loyi a lulamileko i ta kulungela hi kutsaka;Loyi a pswalako a n’wana wo tlhariha i ta mu tsakela.
25 A papayi wa wena ni mamani wa wena va ta nengela,Ni loyi a nga ku pswala i ta tsaka nguvhu.
26 N’wananga, ndzi nyike a mbilu ya wena,Ni matihlo ya wena ma wa tsakele a tindlela ta mina.+
27 Hakuva a bhemba* i nkele wo eta,Ni wasati wa cibhayi* i hlowo yo hlongana.+
28 I barama a lavelela a ku fana ni muphangi;+I andzisa a ntsengo wa vavanuna va nga tsumbekangiko.
29 Himani a bako tinyandha? Himani a nga kukaratekeni?
Himani a nga tiholoveni? Himani a nga ni zvikhalo?
Himani a nga ni zvilondza zva mahala? Himani a pswhukileko matihlo?
30 Hi lava va nwako nguvhu a vhinyo;+Lava va lavetelako* a vhinyo yi jutilweko.
31 U nga cuwuki a kupswhuka ka vhinyoLoku yi pupuma lomu ka kopo yi tlhela yi relela ha yoce,
32 Hakuva hi kugumesa yi luma a ku fana ni nyoka,Yi humesa a wuxungu a ku fana ni phiri.
33 A matihlo ya wena ma ta wona miharihari,Ni mbilu ya wena yi ta wulawula zvilo zva hava.+
34 U ta ku khwatsi munhu a etleleko cikari ka bimbi,U ku khwatsi munhu a etleleko le madembeleni ya mulingwati wa citimela.*
35 U taku: “Va ndzi bhukutele, kanilezvi a ndzi zvi zwangi.*
Va ndzi bile, kanilezvi a ndzi zvi alakanyi.
Ndzi ta vhuka rini?+
Ndzi lava gin’wani byala.”*
Mitlhamuselo ya lahasi
^ Kutani: “Ti khome”.
^ Kutani: “muhefemulo wu teleko hi kunavela”.
^ Zvi nga maha na zvi wula ku: “U nga tsumbi a kupimisisa ka wena n’winyi”.
^ Kutani: “zva loyi a nga ni tihlo ga kubiha”.
^ Kutani: “muhefemulweni wakwe”.
^ Hi kukongoma: “Mutlhatlhisi”.
^ Kutani: “mufana; muswa”.
^ Kutani: “u ponisa muhefemulo wakwe”.
^ Kutani: “Xeyole”, ku nga cilahla ca vanhu vontlhe. Wona Tlhamuselo wa magezu ya Bhibhiliya.
^ Hi kukongoma: “tisweni ta mina”.
^ Kutani: “Kuma”.
^ Kutani: “bhejwa”.
^ Kutani: “va hlengeletanako kasi va ringa”.
^ Kutani: “paketi; navhiyo”.
^ Kutani: “a ndzi zwangi kubayisa”.
^ Kutani: “Ndzi taya ndzi ya gi lavetela kambe”.
