Mavingu 24:1-34
24 U ngavi ni matshoho hi vanhu va kubiha,Ne u nga naveli a ku tshama navo,+
2 Hakuva a timbilu tabye ti ehleketa tihanyi,Ni minomu yabye yi wulawula kubiha.
3 A yindlu* yi akiwa hi wutlhari,+Yi tiyisiwa hi kupimisisa.
4 Hi wutivi, a tikwartu ta yona ti tatiwaHi titshomba tontlhe ta lisima ni ta kutsakisa.+
5 A munhu a tlharihileko i na ni ntamu,+Ni munhu wa wutivi i ti engetela ntamu.
6 U talwa a yimpi ya wena hi wurangeli ga wutlhari,+Ni kuhlula* ku kona loku a masungukati ma tele.+
7 A wutlhari ga lisine a gi kumiwi hi cipumbu;+A ci na gezu nyangweni ya dhoropa.
8 Loyi a xuxako cikungo ca kubihaI ta vitaniwa ku i hosana ya mano.+
9 A mano ya wupumbu* ciwonho;A vanhu va venga a mutseketseli.+
10 Loku u rereka sikwini ga zvikarato,*A ntamu wa wena wu tava wu tsongwani.
11 Tlhatlhisa lava va yisiwako kufeni,U ponisa ni lava va dhedherekako vaya kudaweni.+
12 Loku uku: “Hi wa nga zvi tivi”,
Loyi a hlolako timbilu* a nga ta zvi wona ke?+
Ina, Loyi a ku cuwukelako* i ta zvi tivaNiku i ta tlhelisela a mun’we ni mun’wani maringano ni mitiro yakwe.+
13 N’wananga, gana wulombe hakuva gi nene;A wulombe ga lomu ka zvihahla ga tsombela.
14 Hi kufanana, tiva lezvaku a wutlhari ga tsombela muhefemulweni* wa wena.+
Loku u gi kuma u ta hanya khwatsi cikhatini ci tako,Ni kutsumba ka wena ku nga ta tsemiwa.+
15 U nga barami, a ku fana ni wakubiha, u xiyelela kusuhani ni muti wa munhu a lulamileko;U nga hahluli laha a humulako kona.
16 Hakuva hambu loku a wakululama awa a 7 wa makhati, i ta vhuka kambe,+Kanilezvi a wakubiha i ta wisiwa hi khombo.+
17 Loku a nala wa wena awa, u nga tsaki,Ni loku a ti phinganyeta, a mbilu ya wena yi nga kulungeli;+
18 Hakuva Jehovha i ta zvi wona zvi mu swira,A susa zanga yakwe hehla kakwe.*+
19 U nga zangari hi kota ya vamahi va kubiha;U ngavi ni matshoho hi vanhu va kubiha,
20 Hakuva a vakubiha va nga ta gi wona ga mandziko;+A kandiya ya vakubiha yi ta timiwa.+
21 N’wananga, chava Jehovha ni hosi.+
U nga hlengeli ni zvitlula-milayo,+
22 Hakuva a khombo gabye gi ta chikela hi citshuketi.+
Himani a tivako a khombo legi hi wumbiri gabye* va to va tisela ke?+
23 Leti tonawu timhaka ta lava vo tlhariha:
A cihlawulela kulamuleni a hi cinene.+
24 Ni wihi loyi a byelako a wakubiha, aku: “Wena u lulamile”,+
I ta rukatelwa hi mifumo a tlhela a koniwa hi matiko.
25 Kanilezvi lava va mu kawukako zvi ta va fambela khwatsi;+Ni makatekwa ya zvilo zva zvinene ma tava hehla kabye.+
26 A vanhu va ta pswopswa a nomu wa loyi a hlamulako lisine.*+
27 Maha mitiro ya wena le handle, u longisela zvontlhe lomu sin’wini ga wena;U gumesa u aka a yindlu* ya wena.
28 U nga kustumunyi u vhukela a muakelani wa wena mahala.+
U nga kanganyisi van’wani hi minomu ya wena.+
29 U nga wuli, uku: “Ndzi ta mu maha zvalezvi yenawu a nga ndzi maha;Ndzi ta mu tlhelisela lezvi a nga maha.”*+
30 Ndzi hundzile hi lomu sin’wini ga lolo,+Hi lomu civhineni ca munhu wo kala kupimisisa.
31 Ndzi no wona lezvaku ku khubhunyetilwe hi nyasavari;Ni misava yi fenengetilwe hi mimizwa,Ni muro wa kona wa maribye wu khungumukile.+
32 Ndzi no zvi cuwuka ndzi ehleketa hi zvona;Ndzi zvi wonile, ndzi gondza lezvi:*
33 Etlelanyana, ina, khudzehelanyana,Kondlanyana mawoko u humula,
34 Makunu a wusiwana ga wena gi tata a ku khwatsi i khamba,Ni kuvhumala ka wena a ku khwatsi wanuna a hlomileko.+
Mitlhamuselo ya lahasi
^ Kutani: “ngango”.
^ Kutani: “kuhumelela; kuhanyisa”.
^ Kutani: “A mano ya cipumbu”.
^ Kutani: “khombo”.
^ Kutani: “mixuvo”.
^ Kutani: “a cuwukelako a muhefemulo wa wena”.
^ Ku nga nala.
^ Ku nga Jehovha ni hosi.
^ Zvi nga maha na zvi wula ku: “A hlamulo wo kongoma wu fana ni ku pswopswa”.
^ Kutani: “ngango”.
^ Kutani: “Ndzi ta phota”.
^ Hi kukongoma: “ndzi vhumela ku layiwa”.
