Mavingu 25:1-28
25 Lawa wonawu mavingu ya Solomoni,+ lawa a vavanuna va Hezekiya,+ a hosi ya ka Judha, va nga ma tsala:*
2 A wudzundzo ga Nungungulu ku fihla cihundla;+Ni wudzundzo ga tihosi ku hlola khwatsi a mhaka.
3 A ku khwatsi hi lezvi a matilo ma tlakukileko ni lezvi a misava yi etileko,Hi zvalezvo ni timbilu ta tihosi, a ti na ku tiviwa.
4 Susa manyelo* ka prata,Yi ta sala na yi basile khwatsi.+
5 Susa wakubiha mahlweni ka hosi,A citshamu cakwe ca wuhosi ci ta yimisiwa ci tiya hi kululama.+
6 U nga ti dzundzi mahlweni ka hosi,+Ne u nga tshami cikari ka vanhu va nduma,+
7 Hakuva i chukwana loku a ku byela ku: “Ngone hi seno”,
A ku hundza ku a ku tsongahata mahlweni ka munhu wo dzundzeka.+
8 U nga tsutsumeli ku kecara mhaka,Hakuva u ta kuyini loku a muakelani wa wena a gumesa a ku wisa tingana ke?+
9 Xuxa a mhaka ya wena ni muakelani wa wena,+Kanilezvi u nga bhoxi a cihundla leci u nga byeliwa,*+
10 Kasi loyi a ku zwako a nga ku dhanisi,Niku u nga ta ha zvi kota a ku tlhelisela a mahungu ya hava* lawa u ma xwanyileko.
11 A ku fana ni maçã ya ouro lomu ka ngelo* wa prataYi tshamisile lezvo a mhaka yi wuliwako hi cikhati ci faneleko.+
12 A ku fana ni phera ya ndleve* ya ouro ni zvilo zvo sasekisa hi zvona zva ouro ya yineneKu tshamisile lezvo a kukawuka ka tlhari ndleveni yi ingisako.+
13 A ku fana ni kutitimela ka gapongo sikwini ga kutshovelaCi tshamisile lezvo a cirun’wa co tsumbeka ka lava va ci rumilekoHakuva ci tangalisa a n’winyi wa cona.*+
14 A ku khwatsi marefu ni moya wu nga nehiko vhulaI tshamisile lezvo a munhu loyi a ti dzundzako hi cinyikiwo ca ku a nga se tshuka a nyikela.*+
15 Hi lihlazva-mbilu, a hosana ya khongotelwa yi vhumela,Ni lirimi lo olova li nga tshova a rambu.+
16 Loku u kuma wulombe, gana ntsena legi gi lavekako,Hakuva loku u giga nguvhu u nga tshuka u gi hlata.+
17 U nga tati nkondzo mutini wa muakelani wa wena,Hakuva a nga kolwa hi wena a sangula ku ku venga.
18 A ku fana ni nduko ya yimpi, ni cipadha, ni paxa wu lotilwekoI tshamisile lezvo loyi a kustumunyako mawunwa hi muakelani wakwe.+
19 A ku khwatsi i tino gi tshovekileko kutani nenge wu limeleko,Zvi tano ni ku tsumba munhu wo kala kutsumbeka* cikhatini ca zvikarato.
20 A ku khwatsi hi loyi a tlhatlhako tinguwo hi siku ga ciramiNi vhinagre yi chululwako ka sodhaI tshamisile lezvo loyi a yimbelelako tisimu ka mbilu yi nga hlomulweni.+
21 Loku a nala wa wena* azwa ndlala, mu nyike zvakuga;*Loku azwa tora, mu nyike mati ya kunwa,+
22 Hakuva loku u maha lezvo u ta wungeletela a makhala ya ndzilo hlokweni yakwe,*+Niku Jehovha i ta ku chachazela.
23 A moya wa n’walungu* wu neha vhula,Ni lirimi li hlevako li zangarisa nghohe.+
24 I chukwana a ku tshama laha khoneni ga langwa* la yindluA ku hundza ku tshama yindlu yin’we ni sati wa ku randza tiholova.*+
25 A mahungu ya manene ma tako hi tikweni ga le kuleMa fana ni mati yo titimela ka muhefemulo* wu kareleko.+
26 A ku khwatsi cibuka ca mati ci nga ni madhaka, ni hlowo yi dhilikilekoI tshamisile lezvo a munhu wa kululama loyi a rurumelako* mahlweni ka wakubiha.
27 A kuga nguvhu wulombe a hi zvinene,+Ne hambu a ku ti lavela a wudzundzo a zvi na wudzundzo.+
28 A ku khwatsi i dhoropa gi hahlulilweko, go kala muro,I tshamisile lezvo a munhu loyi a nga zvi kotiko ku ti khoma.*+
Mitlhamuselo ya lahasi
^ Kutani: “ma kopiyara ni ku ma xaxameta”.
^ A manyelo i chaka legi gi humako loku ku nyekisiwa simbi.
^ Kutani: “a zvihundla zva van’wani”.
^ Kutani: “mavalivali ya kubiha”.
^ Kutani: “cibya”.
^ Kutani: “kalavhu”.
^ Kutani: “a muhefemulo wa n’winyi wa cona”.
^ Hi kukongoma: “cinyikiwo ca mawunwa”.
^ Zvi nga maha na zvi wula ku: “mukanganyisi”.
^ Hi kukongoma: “loyi a ku vengako”.
^ Hi kukongoma: “pawa”.
^ Lezvi zvi mahelwa ku olovisa mbilu ya munhu a tsika ku nonoha.
^ Kutani: “norte”.
^ Kutani: “denga; terraço”.
^ Kutani: “ni sati loyi a tshamako hi ku solasola”.
^ Hi kukongoma: “dhedherekako”.
^ Kutani: “a nga zvi kotiko ku fumela a moya wakwe”.