Mavingu 26:1-28
26 A ku khwatsi i gapongo laha cimun’wini ni vhula cikhatini ca kutshovela,Zvi tano ni wudzundzo a gi faneli a cipumbu.+
2 A ku fana ni lezvi a cinyanyani ni mbewulwani zvi nga purumiko mahala,A ciruko conawu a citi halahala.*
3 A musephu wu mahelwe a haxi; a matomu ma mahelwe mbongola,+Ni nhonga yi mahelwe a hlanha wa zvipumbu.+
4 U nga hlamuli a cipumbu hi wupumbu ga cona,Kasi u nga fani naco.
5 Hlamula cipumbu hi wupumbu ga cona,Kasi ci nga ti byeli ku ci tlharihile.+
6 A ku khwatsi munhu a ti tsemako minenge, a ti bayisa ha yece,*I tano loyi a nyikelako a timhaka takwe ka cipumbu.
7 A ku khwatsi minenge ya cilima yi nga tiyangiko,Gi tano a vingu gi humako non’wini wa zvipumbu.+
8 A ku fana ni ku tsondzela ribye laha ka cipelupelu,*Zvi tano ni ku dzundza cipumbu.+
9 A ku khwatsi i sinya ya mimizwa canjeni ga cidhakwa,Gi tano a vingu gi humako non’wini wa cipumbu.
10 A ku fana ni muphandi wa mipaxa a fulako nyamufule,*I tano a munhu loyi a tholako a cipumbu ni vahundzi va ndlela.
11 A ku fana ni mbyana leyi yi tlhelelako mahlateni ya yona,A cipumbu conawu ci phindaphinda a wupumbu ga cona.+
12 U tshuka u wona munhu a ti byelako ku i tlharihile ke?+
Zva olova nguvhu a ku vhuna a cipumbu a ku hundza munhu loye.
13 A lolo gi ngalo: “Ku na ni nghala laha ruweni!Ku na ni nghala laha prasa!”*+
14 A livati li tshama hi ku hundzulukela lomu ka minjekere,*Ni lolo gonawu laha mubhedhini wa gona.+
15 A lolo gi peta a canja ga gona lomu ngelweni,Kanilezvi gi karala nguvhu laha ka ku gi tsandzeka ni ku gi tlhelisa non’wini wa gona.+
16 A lolo gi ti byela ku gi tlharihileA ku hundza a 7 wa vanhu lava va hlamulako hi kupimisisa.
17 A ku fana ni munhu a khomako mbyana hi tindleveI tano a muhundzi wa ndlela loyi a zangarako hi* tiholova ta ku a ti mu lumbi.+
18 A ku fana ni munhu wa kuhlanya loyi a hoxetelako a matlhari ma vhurako ni mipaxa ni kufa,
19 I tshamisile lezvo a munhu loyi a kanganyisako a muakelani wakwe a gumesa, aku: “Ndzi wo hlakana!”+
20 Laha ku nga hava tihunyi, a ndzilo wa timeka,Ni laha ku nga hava muhlevi, a tiholova ta mbhela.+
21 A ku khwatsi hi lezvi a makhala ni tihunyi zvi vhurisako ndzilo,A munhu wa maguwa yenawu i vhuxa tiholova.+
22 A magezu ya muhlevi ma fana ni zvakuga zvo nandziha;*Ma mitiwa ma tekela ku relela lomu khwirini.+
23 A ku fana ni prata yi nameketelweko laha ka cibya ca wumba,Ma tano a magezu ya lirandzo ma humako mbilwini ya kubiha.+
24 Loyi a vengako van’wani i zvi farisa hi minomu yakwe,Kanilezvi lomu mbilwini i alakanyela ku kanganyisa.
25 Hambu loku a wulawula zvazvinene, u nga mu tsumbi,Hakuva lomu mbilwini yakwe ku na ni 7 wa zvilo zvo nyenyeza.*
26 Hambu lezvi a livengo lakwe li fihliwako hi kukanganyisa,A kubiha kakwe ku ta paluxeka lomu bandleni.
27 Loyi a kelako nkele i ta wela ka wona,Ni loyi a wumbulutelako ribye, gi ta wuya hi yena.+
28 A lirimi la kuhemba li venga lava va xanisiwako hi lona,Ni nomu wa kukanganyisa wa hohlota.+
Mitlhamuselo ya lahasi
^ Zvi nga maha na zvi wula ku: “ni ciruko ci tako halahala a ci tiri nchumu”.
^ Hi kukongoma: “anwa tihanyi”.
^ Kutani: “a fulako vontlhe”.
^ Kutani: “dobradiças”.
^ Zvi nga maha na zvi wula ku: “a ti ngheniselako ka”.
^ Kutani: “ni zvilo zva kuga hi kukonyetela”.
^ Kutani: “Hakuva a mbilu yakwe yi bihile hi kumbhelela”.
