Mavingu 27:1-27
27 U nga ti kulisi hi ga mandziko,Hakuva a wu zvi tivi lezvi a siku gi to zvi neha.*+
2 Tsika mun’wani* a ku dzundza, na ku nga hi nomu wa wena n’winyi;A kuve van’wani,* na ku nga hi minomu ya wena n’winyi.+
3 A ribye ga bindza, ni misava yonawu ya bindza,Kanilezvi a zanga yi vangiwako hi cipumbu ya bindza a ku hundza lezvi zva zvimbiri.+
4 A khulo gi na ni xapi, ni zanga yi fana ni ndambi,Kanilezvi himani a nga tiyelako ciluse ke?+
5 A kukawuka kubaseni zvi chukwana a ku hundza lirandzo li fihlilweko.+
6 A zvilondza zvi vangiwako hi munghana zvi tsumbekile,+Kanilezvi a kupswopswa ka nala ku tele.*
7 Loyi a xurileko* i ala* a wulombe ga lomu ka zvihahla,Kanilezvi ka loyi a zwako ndlala, hambu zvakubava zva tsombela.
8 A ku fana ni cinyanyani leci ci pepetsekako ciya kule ni* cisaka ca conaI tshamisile lezvo a munhu loyi a tsikako a muti wakwe.
9 A mafura ni libani zva tsakisa mbilu,Zvi tano ni wunghana go nandziha gi sukelako ka wusungukati go tsumbeka.*+
10 U nga tsiki munghana wa wena kutani munghana wa papayi wa wena,Niku u nga ngheni ndlwini ya makabye wa wena hi siku u nga zvikaratweni;I chukwana a muakelani a nga kusuhani a ku hundza a makabye a nga kule.+
11 N’wananga, tlhariha u maha a mbilu ya mina yi tsaka,+Kasi ndzi fela ku hlamula loyi a ndzi rukako.+
12 A munhu wo tlhariha i wona mhango a fihlala,+Kanilezvi a zvipumbu zvi simama ku famba zvi ya xaniseka.*
13 Loku a munhu a ti bohile ku riha a nandzu wa mumbe munhu mu tekele a nguwo yakwe;Loku a ti bohile ku riha a nandzu wa wasati wa matiko* i wa ku khomise nchumu.+
14 Loku a munhu a katekisa munghana wakwe hi gezu ga hombe na ga ha hi mixo,I ta wuliwa lezvaku wa mu ruka.
15 A sati wa ku randza tiholova* i fana ni yindlu leyi yi tshamelako ku vhuta hi siku ga vhula.+
16 Loyi a zvi kotako ku mu vhalela a nga zvi kota ku vhalela moyaNi ku khoma mafura hi canja gakwe ga cinene.
17 A ku khwatsi hi lezvi a simbi yi lotako a simbi,Ni munhu wa lota a munghana wakwe.*+
18 Loyi a hlayisako a nkuwu i taga a mihandzu ya kona,+Ni loyi a hlayisako a n’winyi wakwe i ta dzundziwa.+
19 A ku khwatsi hi lezvi a mati ma kombisako a nghohe ya munhu,Hizvalezvo, a mbilu ya munhu ya kombisa a mbilu ya mun’wani.
20 A Cilahla ni wutshamu ga kulovisa* a zvi tshuki zvi xura,+Ni matihlo ya munhu wonawu a ma xuri.
21 A ku khwatsi hi lezvi a mbita ya kunyekisa yi mahelweko prata, ni ndzhimbo* wu mahelweko ouro,+Hizvalezvo, a munhu yenawu i ringiwa hi wudzundzo legi a nyikiwako.*
22 Hambu loku wo dula a cipumbu hi musiA ku khwatsi hi loku u dula a timbewu lomu churini,A wupumbu ga cona gi nga ta suka ka cona.
23 Gi tive khwatsi a tshamela ga ntlhambi wa wena.
Ti hlayise khwatsi a* tiyivhu ta wena,+
24 Hakuva a titshomba a ti tshami kala kupindzuka,+Hambu a cidlodlo* a hi ca zvizukulwana zvontlhe.
25 A byanyi go nyuka ga woma, ku mila gin’wani,Ni byanyi ga lomu zvitsungeni ga wungeletelwa.
26 A tiyivhana ta vamatsune ta ku nyika tinguwo,Ni timhongo ta humesa a ntsengo wa ku xava simu.
27 Ku tava ni masi yo enela ya timbuti kasi uga,U gisa a ngango wa wena, ni ku wundla a malandza ya wena ya cisati.
Mitlhamuselo ya lahasi
^ Hi kukongoma: “gi to zvi pswala”.
^ Hi kukongoma: “mumbe munhu”.
^ Hi kukongoma: “wamatiko”.
^ Zvi nga maha na zvi wula ku: “ka kanganyisa; ka ku ti kurumeta”.
^ Kutani: “A muhefemulo lowu wu xurileko”.
^ Hi kukongoma: “kandzihetela”.
^ Kutani: “ci tsutsumako”.
^ Kutani: “wusungukati ga muhefemulo”.
^ Kutani: “zvi ya tsayisiwa”.
^ Kutani: “wa munhu wa matiko”.
^ Kutani: “a tshamako hi ku solasola”.
^ Hi kukongoma: “a nghohe ya munghana wakwe”.
^ Kutani: “Xeyole ni Abhadhoni”.
^ Kutani: “fornalha”.
^ Kutani: “i kombisa lezvi a nga zvona loku a dzundziwa”.
^ Kutani: “Veka mbilu ya wena ka; Chela kota hi”.
^ Kutani: “korowa”.
