Mavingu 28:1-28
28 A vakubiha va tsutsuma na va nga hlongoliwi hi munhu,Kanilezvi a vakululama va tiya a ku fana ni nghala.*+
2 Loku ku tluliwa nayo lomu tikweni, a tihosana ti tshama hi ku ciciwa,+Kanilezvi hi ku vhuniwa hi munhu a nga ni kupimisisa ni wutivi a hosana ya fuma cikhati co leha.+
3 A cisiwana leci ci kalavelako a munhu wa nyalidede+Ci fana ni vhula yi kukuletako zvakuga zvontlhe.
4 Lava va tsikako a nayo va dzundza a vakubiha,Kanilezvi lava va hlayisako a nayo va va zangarela.+
5 A vakubiha a va ku zwisisi a kululama,Kanilezvi lava va hlotako Jehovha va nga zwisisa zvilo zvontlhe.+
6 I chukwana a cisiwana leci ci fambako hi kutsumbekaA ku hundza a munhu wo ganya loyi a fambako hi tindlela ta wukanganyisi.+
7 A n’wana a nga ni kupimisisa i hlayisa nayo,Kanilezvi a munghana wa makhobomu i mu wisa tingana a papayi wakwe.+
8 Loyi a engetelako a titshomba takwe hi majuro+ ni bhindzu go bihaI hlengeletelela loyi a ci mahelako wuxinji a cisiwana.+
9 Loyi a alako ku ingisa nayo— Hambu a mukhongelo wakwe manyala.+
10 Loyi a hambukisako a munhu wa kululama a mu yisa ndleleni ya kubiha i ta wela nkeleni wa yena n’winyi,+Kanilezvi lava vo kala cisolo va taga a tshomba ya zvazvinene.+
11 A munhu a ganyileko i tlharihile kuwoneni ka yena n’winyi,+Kanilezvi a cisiwana ci nga ni kupimisisa ca zvi wona lezvi hakunene a nga tshamisa zvona.+
12 Loku a vakululama va hlula, ku na ni wudzundzo ga hombe,Kanilezvi loku a vakubiha va kuma ntamu, a vanhu vo fihlala.+
13 Loyi a fihlako a zviwonho zvakwe zvi nga ta mu fambela khwatsi,+Kanilezvi loyi a zvi wulelako a tlhela a zvi tsika i ta mahelwa wuxinji.+
14 Wa tsaka a munhu loyi a tshamako hi ku ti wonela,*Kanilezvi loyi a nonohisako a mbilu yakwe i ta wela khombyeni.+
15 A ku fana ni nghala yi bhongako ni urso gi zangarileko,I tshamisile lezvo a mufumeli wo biha hehla ka vanhu va nga hava muyimeli.+
16 A murangeli a nga hava kupimisisa i tirisa a ntamu wakwe hi ndlela ya hava,+Kanilezvi loyi a vengako a bhindzu go biha i ta lehisa a wutomi gakwe.+
17 A munhu loyi a bindziwako hi nandzu wa ku daya munhu i ta tshama hi kutsutsuma kala cilahleni.*+
Ku ngavi ni wa ku mu vhuna.
18 Loyi a fambako hi kululama i ta ponisiwa,+Kanilezvi loyi a fambako hi tindlela to gombonyeka i tawa hi citshuketi.+
19 Loyi a rimako a simu gakwe i tava ni zvakuga zvo tala,Kanilezvi loyi a hlongoliselako a zvilo zvi nga vhuniko nchumu i tava ni wusiwana ga hombe.+
20 A munhu wo tsumbeka i ta kuma makatekwa yo tala,+Kanilezvi loyi a tsutsumelako ku ganya a nga ta vhumala nandzu.+
21 A hi zvinene a kuva ni cihlawulela;+Kanilezvi a munhu a nga goha hi ku fela cikhemu ca pawa.
22 A munhu wa matshoho* i hlongolisela titshomba,A nga zvi tivi ku a wusiwana gi ta mu wela.
23 Loyi a kawukako a munhu+ i ta gumesa a tsakelwa nguvhu+A ku hundza loyi a fayeliselako hi lirimi lakwe.
24 Loyi a yivelako a papayi wakwe ni mamani wakwe, aku: “A zvi bihangi”,+
Munghana wa loyi a hohlotako.+
25 A munhu wa makangwa* i kucetela kuhambana,Kanilezvi ni wihi loyi a tsumbako Jehovha i ta vhuvhuma.*+
26 Loyi a tsumbako a mbilu yakwe cipumbu,+Kanilezvi loyi a fambako hi wutlhari i ta pona.+
27 Loyi a nyikako a zvisiwana a nga ta vhumala nchumu,+Kanilezvi loyi a ti vhalako matihlo ka zvisiwana i tava ni zviruko zvo tala.
28 Loku a vakubiha va kuma ntamu a vanhu vo fihlala,Kanilezvi loku va lova, a vakululama vo tala.+
Mitlhamuselo ya lahasi
^ Kutani: “cinghalana”.
^ Kutani: “a tshamako hi ku chava Nungungulu”.
^ Kutani: “nkeleni”.
^ Kutani: “makangwa”.
^ Zvi nga maha na zvi wula ku: “A muhefemulo wa matshandza”.
^ Hi kukongoma: “i ta kuluka”.
