Mavingu 29:1-27
29 Loyi a kawukiwako makhati yo tala a simama a nonohisa a nhamu yakwe+I ta loviswa hi citshuketi, a nga ha hanyi.+
2 Loku a vakululama va tele, a vanhu va tsaka,Kanilezvi loku ku fuma a wakubiha, a vanhu va keta.+
3 A munhu loyi a randzako wutlhari i tsakisa a papayi wakwe,+Kanilezvi loyi a mahako wunghana ni zvibhayi i hangalasa titshomba takwe.+
4 A hosi yi tiyisa tiko hi kululama,+Kanilezvi a munhu loyi a lavako ku xavelelwa i hahlula tiko.
5 A munhu loyi a fayeliselako a muakelani wakweI mu dembela ntlhamu minengeni yakwe.+
6 A ciwonho ca munhu wa kubiha i ntlhamu kakwe,+Kanilezvi a munhu wa kululama i yimbelela a kulungela hi kutsaka.+
7 Loyi a lulamileko wa khatala hi tifanelo ta cisiwana,+Kanilezvi a wakubiha a nga na mhaka nazvo.+
8 A vanhu va matshandza va lumekela a dhoropa,+Kanilezvi lava va tlharihileko va bohlisa zanga.+
9 Loku a munhu wo tlhariha a kecarana ni cipumbu,Ku tava ni zanga ni kupoyilela, kanilezvi ku nga ta lulama nchumu.+
10 A vanhu lava va nga ni tora ga nkhata va venga loyi a nga hava nandzu,*+Va tlhela va hlota a wutomi* ga loyi a lulamileko.*
11 A cipumbu ci chulula a kutizwa ka* cona kontlhe,+Kanilezvi loyi a tlharihileko wa ti khoma, a ku rulisa.+
12 Loku a hosi yi ingisela mawunwa,Wontlhe a malandza ya yona ma ta maha ya kubiha.+
13 A cisiwana ni muxanisi va fana hi lezvi:*
Hi wumbiri gabye Jehovha wa va nyika kuwonekela matihlweni yabye.*
14 Loku a hosi yi lamula a cisiwana hi kululama,+A citshamu ca yona ca wuhosi ci ta tiya kala kupindzuka.+
15 A nhonga* ni kukawuka zvi nyika wutlhari,+Kanilezvi a n’wanana loyi a tsikiwako a nga kawukiwi i mu wisa tingana a mamani wakwe.
16 Loku a vakubiha va andza, ni zviwonho zvonawu zva andza,Kanilezvi a vakululama va ta wona a kuwa kabye.+
17 Laya a n’wana wa wena, i ta ku nyika kurula;I ta ku nyika* litsako la hombe.+
18 Loku ku nga hi na muwoniso,* a tiko a gi na nayo,+Kanilezvi va tsaka lava va hlayisako a nayo.+
19 A nandza a gi vhumeli ku layiwa hi magezu,Hakuva hambu loku gi ma zwisisa a gi ingisi.+
20 U tshuka u wona munhu a nga ni matloti kuwulawuleni kakwe ke?+
Zva olova nguvhu a ku vhuna a cipumbu a ku hundza munhu loye.+
21 Loku a nandza gi heniwa kusukela wusweni ga gona,Hi magumo gi tava munhu wo kala kubonga.
22 A munhu wa cizangazangani i vhuxa tiholova;+Ni loyi a hatliselako ku zangara i maha zviwonho zvo tala.+
23 A matshandza ya munhu ma ta mu koramisa,+Kanilezvi loyi a nga ni moya wa kutikoramisa i ta kuma wudzundzo.+
24 Loyi a mahako wunghana ni khamba wa ti venga.*
A nga vitaniwa kasi a kustumunya, kanilezvi a nga wuli nchumu.+
25 A ku chava* vanhu i* ntlhamu,+Kanilezvi loyi a tsumbako Jehovha i ta vhikelwa.+
26 A votala va lava ku wulawula ni* hosi,Kanilezvi hi Jehovha a mu mahelako kululama a munhu.+
27 A munhu a nga lulamangiko manyala ka loyi a lulamileko,+Kanilezvi loyi a tindlela takwe ti lulamileko manyala ka wakubiha.+
Mitlhamuselo ya lahasi
^ Kutani: “wo kala cisolo”.
^ Kutani: “muhefemulo”.
^ Zvi nga maha na zvi wula ku: “Kanilezvi loyi a lulamileko i zama ku vhikela a wutomi gakwe”.
^ Hi kukongoma: “a moya wa”.
^ Hi kukongoma: “va tlhangana laha ka ku”.
^ Ku nga lezvaku wa va nyika wutomi.
^ Kutani: “kulaya; tsayiselelo”.
^ Kutani: “I ta nyika a muhefemulo wa wena”.
^ Kutani: “ciphrofeto; kuvhululelwa”.
^ Kutani: “wa venga muhefemulo wakwe”.
^ Kutani: “A ku rurumela mahlweni ka”.
^ Kutani: “zvi demba”.
^ Zvi nga maha na zvi wula ku: “va hlota ku mahelwa wuxinji hi”. Hi kukongoma: “va hlota nghohe ya”.
