Mavingu 3:1-35
3 N’wananga, u nga rivali lezvi ndzi ku gondzisako,*A mbilu ya wena yi wa hlayise a zvileletelo zva mina,
2 Hakuva zvi ta ku engetelela masiku yo tala,Ni malembe ya kuhanya, ni kurula.+
3 U nga tsiki a lirandzo li nga mbheliko ni kutsumbeka* zvi suka ka wena.+
Zvi bohe lomu nkolweni wa wena,U zvi tsala lomu mbilwini ya wena,+
4 Makunu u ta kateka u tlhela u kuma wutlhari ga hombeMahlweni ka Nungungulu ni ka vanhu.+
5 Tsumba Jehovha+ hi mbilu ya wena yontlhe;U nga tsumbi a kupimisisa ka wena n’winyi.+
6 Mu alakanye tindleleni ta wena tontlhe,+Yena i ta lulameta a tisoko ta wena.+
7 U nga ti byeli lezvaku u tlharihile.+
Chava Jehovha, u fularela kubiha.
8 Lezvo zvi ta hanyisa a miri* wa wena,Zvi tangalisa a marambu ya wena.
9 Dzundza Jehovha hi zvilo zva wena zva lisima,+Hi mihandzu yo ranga ya* pfuno* wa wena wontlhe;+
10 Makunu a matshala ya wena ma ta tala ma ku khapa,+Ni tifuko ta wena* ti ta halakela hi vhinyo yiswa.
11 N’wananga, u nga ali a kulaya ka Jehovha,+Ne u nga vengi a kukawuka kakwe,+
12 Hakuva Jehovha i kawuka lava a va randzako,+A ku khwatsi hi lezvi a papayi a mahako ka n’wana loyi a xalalako hi yena.+
13 Wa tsaka a munhu loyi a kumako wutlhari,+Ni loyi a kumako a kupimisisa;
14 A ku kuma wutlhari zvi nene nguvhu a ku hundza ku kuma prata,Ni kuva ni wutlhari* zvi hundza a kuva ni ouro.+
15 Gi na ni lisima a ku hundza a makorali;*A ku na nchumu u wu navelako wu nga fananisiwako nago.
16 A wutomi go leha gi lomu canjeni ga gona ga cinene,Ni lomu canjeni ga gona ga cibhabha ku na ni titshomba ni wudzundzo.
17 A tindlela ta gona ta tsakisa,Ni tisoko tontlhe ta gona ta kurula.+
18 A wutlhari i sinya ya wutomi ka lava va namarelako ka gona,Ni lava va gi khomako zvi tiya va ta wuliwa lezvaku va tsaka.+
19 Jehovha i yimisile misava hi wutlhari.+
I yimisile matilo ma tiya hi kupimisisa.+
20 Hi wutivi gakwe a mati yo eta ma no avanyeka,Ni marefu ya tilo ma no nisa a ndzhokati.+
21 N’wananga, u nga tsiki a zvilo lezvo* zvi n’walala mahlweni ka wena.
Hlayisa a wutlhari ni kupimisisa;
22 Zvi ta ku nyika wutomi*Zvi tlhela zvi sasekisa a nhamu ya wena;
23 Makunu, u ta famba hi kurula ndleleni ya wena,Ni nkondzo wa wena wu nga ta tshuka wu ti phinganyeta.*+
24 Loku u etlela u nga ta chava nchumu,+Ina, u ta etlela, niku a wurongo ga wena gi ta nandziha.+
25 U nga ta chava a khombo ga citshuketi+Ne hambu a cingulo leci ci telako a vakubiha.+
26 Hakuva Jehovha i tava cibuka ca kutsumba ka wena;+I ta vhikela a nkondzo wa wena lezvaku wu nga phasiwi.+
27 U nga ali ku va mahela zvazvinene lava u faneleko ku va mahela*+Loku zvi hi ntan’wini* wa wena a ku va vhuna.+
28 U nga byeli a muakelani wa wena, uku: “Tlhela, u ta wuya hi cikhati cin’wani! Ndzi ta ku nyika mandziko”,
Kuveni u nga mu nyika zvezvi leci a ci lavako.
29 U nga alakanyeli ku mu mahela zvakubiha a muakelani wa wena,+Loyi a hanyako na a tsumba lezvaku i na ni kurula na wena.
30 U nga zvi sukeli u holova ni munhu+Na a nga ku gohelangi nchumu.+
31 U ngavi ni matshoho hi munhu wa kubiha+Ne u nga hlawuli a yin’we ya tindlela takwe,
32 Hakuva Jehovha wa nyenya a mukanganyisi,+Kanilezvi munghana wa hombe wa lava va lulamileko.+
33 A ciruko ca Jehovha ci lomu ndlwini ya vakubiha,+Kanilezvi wa katekisa a muti wa valulamileko.+
34 Hakuva wa poyila a vatseketseli,+Kanilezvi a va kombisa tipswalo lava va kurula.+
35 Lava va tlharihileko va taga tshomba ya wudzundzo,Kanilezvi a zvipumbu zvi dzundza zvilo zva tingana.+
Mitlhamuselo ya lahasi
^ Kutani: “a nayo wa mina”.
^ Kutani: “lisine”.
^ Hi kukongoma: “nkovhu”.
^ Kutani: “lezvi zva zvinene nguvhu zva”.
^ Kutani: “bhindzu”.
^ Kutani: “Ni zvigowolo zva wena zva vhinyo”.
^ Kutani: “Ni ku bhindzula wutlhari”.
^ Zvi wonekisa ku khwatsi ku wuliwa a matshamela ya Nungungulu lawa ma nga kumbukiwa ka mavhesi ya le hehla.
^ Kutani: “Zvi ta wu nyika wutomi a muhefemulo wa wena”.
^ Kutani: “wu ti gumula”.
^ Kutani: “canjeni”.
^ Kutani: “lava va vhumalako”.
