Mavingu 30:1-33
30 Timhaka ta lisima ti nga ka magezu ya Agur, a n’wana wa Jake, leti a nga hlawutela ltiyeli, ina, ka ltiyeli na Ukali.
2 Ndzi cipumbu a ku hundza a vanhu vontlhe,+A ndzi na kupimisisa loku a munhu a faneleko kuva nako.
3 A ndzi gondzangi wutlhari,Ne a ndzi na wutivi ga Loyi a Basileko ku Hundza Vontlhe.
4 Himani a nga kandziha tilweni a gumesa a chika ke?+
Himani a hlengeleteleko moya lomu mandleni yakwe?
Himani a boheleko mati lomu ka nguwo yakwe ke?+
Himani a yimisileko a magemeta-musi wontlhe ya misava?+
Himani a vito gakwe, kona a vito ga n’wana wakwe himani — loku u zvi tiva?
5 A timhaka tontlhe ta Nungungulu ti basile.*+
Yena citlhangu ka lava va chavelako kakwe.+
6 U nga engeteli nchumu ka magezu yakwe+A nga ku kawuka,U kumeka na u hi muhembi.
7 Zvilo zvimbiri ndzi zvi kombelako ka wena,
Ina, u nga ndzi tsoni a zvilo lezvo na ndzi nga sefa.
8 Susa mawunwa ni kuhemba zviva kule na mina.+
U nga ndzi nyiki a wusiwana ne hambu a titshomba.
Ndzi nyike ntsena a zvakuga lezvi zvi ndzi ringanako,+
9 Kasi ndzi ngagi ndzi xura ndzi ku kaneta, ndziku: “Himani Jehovha?”+
Ne u nga ndzi tsiki ndziva cisiwana, ndzi nga yiva, ndzi ruka* a vito ga Nungungulu wa mina.
10 U nga hlevi a nandza ka n’winyi wa gona,U nga rukiwa, u kuma nandzu.+
11 Ku na ni cizukulwana ci rukako a papayi wa cona,Leci ci nga katekisiko a mamani wa cona.+
12 Ku na ni cizukulwana ci basileko kuwoneni ka cona+Kanilezvi na ci nga hlazviwangi kunyenyezeni ka* cona.
13 Ku na ni cizukulwana ci nga ni mahlo ya matshandza ya hombe,Ci nga ni mahlo ya kutikulisa nguvhu!+
14 Ku na ni cizukulwana ci nga ni matino ya zvipadha,Ca tihlaya ta mikwana;Ci khadamula a vanhu va nyalidede va laha misaveniNi zvisiwana zvi nga cikari ka vanhu.+
15 A misundzu yi na ni vanhanyana vambiri va rilako, vaku: “Ndzi nyike! Ndzi nyike!”
Ku na ni zvilo zvinharu zvi kalako zvi nga xuri,Mune wa zvona zvi nga tshukiko zviku: “Zvi enele!”
16 — Ku nga Cilahla*+ ni khwiri ga ngon’wa,Ni misava yi nga ni tora ga mati,Ni ndzilo wu nga tshukiko wuku: “Zvi enele!”
17 A tihlo ga loyi a chepetako papayi wakwe, a ala ku ingisa mamani wakwe,+Gi ta xokoliwa hi zvikunguwa zva le nkoveni,Gi giwa hi mavhinyani ya gama.+
18 Ku na ni zvilo zvinharu zvi ndzi hlamalisako nguvhu,Mune wa zvona ndzi kalako ndzi nga zvi zwisisi:
19 Ku nga ndlela ya gama le tilweni,Ni ndlela ya nyoka laha ribyeni,Ni ndlela ya citimela lomu bimbini,Ni ndlela ya wanuna ni nhanyana.
20 A ndlela ya wasati wa cibhayi hi leyi:
Iga a sula nomu,A gumesa aku: “A ndzi wonhangi nchumu.”+
21 Ku na ni zvilo zvinharu zvi tsekatsekisako a misava,Ni mune wa zvona zva ku a yi nge zvi koti ku zvi rwala:
22 Hi loku a nandza gi fuma kota hosi,+Ni loku a cipumbu ci xure nguvhu hi zvakuga,
23 Ni loku a wasati wo vengiwa* a tekwa,Ni loku a nandza ga cisati gi teka a citshamu ca n’winyi wa gona wa cisati.+
24 Ku na ni mune wa zvilo laha misaveni zvi nga zvitsongwani nguvhu,Kanilezvi zvi nga tlhariha hi ntumbuluko wa zvona:+
25 A tisokoti a hi zvivangwa zva ntamu,Hambulezvo ti longisela a zvakuga zva tona laha cimun’wini.+
26 A mivhundla ya lomu maribyeni*+ a hi zvivangwa zva ntamu,Hambulezvo yi aka a tiyindlu ta yona lomu maribyeni.+
27 A humbi* a yi na hosi,+Hambulezvo yontlhe yi famba na yi folile.*+
28 A maciri+ i dhamarela hi minenge yakwe,A nghena lomu ndlwini* ya hosi.
29 Ku na ni zvilo zvinharu zvi nga ni mafambela yo saseka,Mune wa zvona zvi nga ni mafambela yo saseka:
30 Ku nga nghala, a cihari ca ntamu cikari ka zvivandza,Leyi yi nga hlehliswiko hi munhu;+
31 Ni mbyana; ni mhongo;Ni hosi yi fambako ni butho ga yona.
32 Loku u ti kukumukisile hi wupumbu+Kutani loku u lukile a makungo ya ku maha lezvo,Ti vhale a nomu wa wena hi canja ga wena.+
33 A ku khwatsi hi lezvi a masi ma dhungelwako ma maha matega,Ni lezvi a nhovhu yi manyiwako yi huma nkhata,Zvi tano ni ku kucetela a zanga zvi vhuxa a tiholova.+
Mitlhamuselo ya lahasi
^ Kutani: “ti hlolilwe ndzilweni”.
^ Kutani: “vhukela”.
^ Hi kukongoma: “macimbeni ya”.
^ Kutani: “Xeyole”, ku nga cilahla ca vanhu vontlhe. Wona Tlhamuselo wa magezu ya Bhibhiliya.
^ Kutani: “a nga randziwiko”.
^ Kutani: “procávias”.
^ Kutani: “na yi avanyisilwe hi mitlawa”.
^ A humbi zviharana zvo fana ni bhandzala.
^ Kutani: “palácio”.
