Mavingu 4:1-27
4 Vana vanga, ingisani a kulaya ka papayi;+Dembani ndleve kasi mu zwisisa,
2 Hakuva ndzi ta mu nyika a gondzo ya yinene;Mu nga tsiki lezvi ndzi mu gondzisako.*+
3 Ndzi wa hi n’wana wa munene ka papayi wa mina,+Ni n’wana a nga randziwa nguvhu hi mamani wa mina.+
4 Papayi i wa ndzi gondzisa, aku: “A mbilu ya wena yi wa khomelele timhaka ta mina.+
Hlayisa a zvileletelo zva mina kasi u hanya.+
5 Kuma wutlhari, u kuma kupimisisa.+
U nga zvi rivali, ne u nga zvi fulareli lezvi ndzi wulako.
6 U nga tsiki wutlhari, gi ta ku vhikela.
Gi randze, gi ta ku hlayisa.
7 A wutlhari ga lisima nguvhu a ku hundza zvontlhe,*+ hikwalaho kuma wutlhari,Ahandle ka zvontlhe u zvi kumako, kuma kuzwisisa.+
8 Gi nyike nguvhu lisima, gi ta ku kulisa.+
Loku u gi bharasara gi ta ku nyika wudzundzo.+
9 Gi ta ku bohisa a cidlodlo* ca zvitsangi hlokweni ya wena;Gi ta ku sasekisa hi cidlodlo ca wumbhuri.”
10 N’wananga, zwana timhaka ta mina u ti amukela,A malembe ya kuhanya ka wena ma ta tala.+
11 Ndzi ta ku gondzisa ndleleni ya wutlhari;+Ndzi ta ku rangela tisokweni ta kululama.+
12 Laha u fambako, ci hava ci to vhalela a mazambo ya wena;Ni loku u tsutsuma, u nga ta ti phinganyeta.
13 Namarela ka lezvi u layiwako, u nga zvi tsiki.+
Zvi hlayise, hakuva wutomi ka wena.+
14 U nga ngheni ndleleni ya vakubiha,Ne u nga fambi hi ndlela ya vanhu va kubiha.+
15 Yi potse, u nga fambi hi yona;+Yi fularele, u hundza.+
16 Hakuva a va zvi koti ku etlela na va nga se maha kubiha.
Loku va nga se wisa munhu a va gi kumi wurongo.
17 Vaga pawa ya wubihi,Vanwa a vhinyo ya tihanyi.
18 Kanilezvi a ndlela ya valulamileko yi fana ni kuwonekela ka mixo,Loku ku endzelekako kala a hlikanhi wu mbhelela.+
19 A ndlela ya vakubiha yi fana ni munyama;A va ci tivi leci ci va phinganyetako.
20 N’wananga, ingisa a magezu ya mina;Demba khwatsi ndleve ka timhaka ta mina.
21 U nga ti tsiki ti n’walala mahlweni ka wena.Ti hlayise lomu mbilwini ya wena,+
22 Hakuva tona wutomi ka lava va ti kumako,+Ni kuhanya ka miri wabye wontlhe.*
23 Hlayisa a mbilu ya wena a ku hundza zvontlhe,+Hakuva ka yona ku na ni zvibuka zva wutomi.
24 U nga wulawuli a zvilo zva kubiha,+Ni kuwulawula ko kanganyisa a kuve kule na wena.
25 A matihlo ya wena ma fanele ku cuwuka phambeni,Ina, a matihlo ya wena ma wa kongome mahlweni ka wena.+
26 Bambatela* a ndlela ya mikondzo ya wena,+A tindlela ta wena tontlhe ti ta tiya.
27 U nga hambukeli cineneni kutani cibhabheni.+
Susa mikondzo ya wena ka zvakubiha.
Mitlhamuselo ya lahasi
^ Kutani: “a nayo wa mina”.
^ Kutani: “A wutlhari cilo co ranga”.
^ Kutani: “korowa”.
^ Hi kukongoma: “ka nyama yabye yontlhe”.
^ Zvi nga maha na zvi wula ku: “Alakanyela khwatsi”.