Mavingu 5:1-23
5 N’wananga, demba ndleve ka wutlhari ga mina.
Kangatela ndleve, uzwa kupimisisa ka mina,+
2 Kasi u vhikela a wutlhari ga wena ga ku pimisa,Ni ku hlayisa wutivi hi minomu ya wena.+
3 Hakuva a minomu ya wasati wa kubiha* yi donadona a ku fana ni zvihahla zva wulombe,+Ni nomu wakwe wu nyukile a ku hundza mafura.+
4 Kanilezvi kugumeseni, i bava a ku fana ni sinya ya kubava,+A tlhela a kariha a ku fana ni cipadha ci tsemako seno ni seno.+
5 A mikondzo yakwe yi relela kufeni.
A mazambo yakwe ma kongoma Cilahleni.*
6 A nga khatali hi ndlela ya wutomi.
I famba muyoyoyo, a nga ku tivi lomu a yako kona.
7 Makunu, vana vanga, ndzi ingiseleni,Mu nga hambuki ka timhaka leti ndzi wulako.
8 Fambela kule naye;U nga tshineli kusuhani ni nyangwa ya yindlu yakwe,+
9 Kasi u nga nyikeli a wudzundzo ga wena ka van’wani,+Ne hambu ku tshovela a malembe ya tixanisa;+
10 Kasi a vambe vanhu va nga ku mbheteli a titshomba* ta wena,+Ni lezvi u zvi dzunukeleko zvi ngayi ndlwini ya wamatiko.
11 Loku u nga mahi lezvo, u ta rila kugumeseni ka wutomi ga wena,Laha a nyama ya wena ni miri wa wena zvi to khanyana,+
12 Uku: “Ndzi wa ku vengela yini a kulayiwa?
Hikuyini a mbilu ya mina yi nga kanyisa a ku kawukiwa?
13 A ndzi ingisangi a gezu ga vagondzisi va mina,Ina, a ndzi dembangi ndleve ka vagondzisi va mina.
14 Ndzi wa hi kusuhani ni kulova ndzi ku bhiCikari ka bandla gontlhe.”*+
15 Nwana mati ya thangi ga wena,Ni mati ma vhelako* hloweni ya wena.+
16 Xana a zvibuka zva wena zvi ta halakela lahandle,Ni micongo ya wena lomu maprasa* ke?+
17 Zvi wave zva wena wece,Zvi ngavi zva vambe vanhu lava u nga navo.+
18 A hlowo* ya wena yi wa katekiswe,Niku tsaka ni sati wa wujaha ga wena,+
19 A mbavala yo randzeka, a mbuti ya khwati* yo saseka.+
A mavele yakwe ma wa ku tsakise* contlhe cikhati.
Ni lirandzo lakwe li wa tshame hi ku koka a mbilu ya wena.+
20 Makunu, n’wananga, u wa ta kokelwa yini hi wasati wa kubiha,*U bharasara a cifuva ca wasati wa cibhayi?*+
21 Hakuva a tindlela ta munhu ti le mahlweni ka Jehovha;I hlola a tindlela tontlhe ta munhu.+
22 A munhu wa kubiha i phasiwa hi zvigoho zvakwe,Niku i ta phasiwa hi tingoti ta ciwonho cakwe.+
23 I tafa hi ku kala a nga layiwangi,A lahleka hi kota ya wupumbu gakwe ga hombe.
Mitlhamuselo ya lahasi
^ Kutani: “Xeyole”, ku nga cilahla ca vanhu vontlhe. Wona Tlhamuselo wa magezu ya Bhibhiliya.
^ Kutani: “a ntamu”.
^ Hi kukongoma: “Cikari ka hlengeletano ni bandla.”
^ Kutani: “mati yo titimela ya lomu”.
^ Kutani: “cibuka ca mati”.
^ Kutani: “ma wa ku pope”.
^ Kutani: “mbuti ya lomu zvitsungeni”.