Mavingu 6:1-35
6 N’wananga, loku u ti bohile ku riha a nandzu wa muakelani wa wena,+Ni loku u khomene mandla* ni wamatiko,+
2 Loku u phasilwe hi citsumbiso ca wena,Ni loku u konekile hi magezu ya nomu wa wena,+
3 Maha lezvi, n’wananga, u ti tlhatlhisa,Hakuva u wele canjeni ga muakelani wa wena:
Famba u ya ti koramisa, u hatlisa u khongotela a muakelani wa wena.+
4 U nga tsiki a matihlo ya wena ma etlela,Hambu ku tsika a tikohe ta wena ti khudzehela.
5 Ti tlhatlhise a ku fana ni mhuti canjeni ga muhloti,Ni cinyanyani canjeni ga muphasi wa zvinyanyani.
6 Wena lolo, famba ka tisokoti+U ya cuwukisisa a mahanyela ya tona, u tlhariha.
7 Hambu lezvi ti nga hava komandante, ne murangeli kutani hosi,
8 Ta longisela a zvakuga zva tona laha cimun’wini,+Ti hlengeleta a zvakuga zva tona hi cikhati ca kutshovela.
9 Wena lolo, u ta etlela kala rini?
U ta vhuka rini wurongweni ga wena ke?
10 Etlelanyana, ina, khudzehelanyana,Kondlanyana mawoko u humula,+
11 Makunu a wusiwana ga wena gi tata a ku khwatsi i khamba,Ni kuvhumala ka wena a ku khwatsi munhu a hlomileko.+
12 A munhu wa kubiha, a nga vhuniko nchumu, i famba a wulawula kubiha;+
13 I copeta tihlo,+ a wulawula hi nenge, a kombetela hi titiho.
14 Hi mbilu yakwe ya kubiha,I tshama hi ku xuxa a cikungo ca kubiha+ a tlhela a xwanya kungazwanani.+
15 Hikwalaho, a khombo gakwe gi tata hi citshuketi;Hi kucopeta ka tihlo, i ta pfotlosiwa, zvo vhumala ni muri.+
16 Ku na ni 6 wa zvilo lezvi Jehovha a zvi vengako,Ina, i 7 wa zvilo a* zvi nyenyako:
17 A mahlo ya matshandza,+ ni lirimi li hembako,+ ni mandla ma halatako a nkhata wu nga hiko na nandzu,+
18 Ni mbilu yi xuxako a zvikungo zva kubiha,+ ni mikondzo yi tsutsumelako a ku maha zvakubiha,
19 Ni kustumunyu wo hemba loyi a wulawulako mawunwa ntsena,+Ni vontlhe lava va xwanyako kungazwanani cikari ka vamakabye.+
20 N’wananga, hlayisa a nayo wa papayi wa wena,U nga tsiki a gondziselelo* ya mamani wa wena.+
21 Zvi bohe mbilwini ya wena contlhe cikhati,U zvi tsondzela nhan’wini ya wena.
22 Laha u fambako, zvi ta ku rangela;Laha u etlelako, zvi ta ku vhikela.Ni laha u vhukako, zvi ta wulawula na wena.*
23 Hakuva a gondziselelo i kandiya,+Ni nayo kuwonekela,+Ni kukawuka ku layako i ndlela ya wutomi.+
24 Zvi ta ku vhikela ka wasati wa kubiha,+Ni ka lirimi lo xengetela la wasati wa cibhayi.*+
25 U nga naveli a kusaseka kakwe mbilwini ya wena+Ne u nga xengiwi hi matihlo yakwe ma kokako mahlo.
26 Hakuva hi kota ya wasati wa cibhayi, a wanuna wa sala a hi cikhemu ca pawa;+Kanilezvi a sati wa mun’wani wanuna i hlota a wutomi* ga lisima.
27 A munhu a nga wungeletela a ndzilo laha cifuveni cakwe, a tinguwo takwe ti ngaswi ke?+
28 Kona a munhu a nga famba hehla ka makhala ya ndzilo a mikondzo yakwe yi ngaswi ke?
29 Zva fana ni munhu loyi a hlengelako masango ni sati wa muakelani wakwe;Ni wihi loyi a mu henyako i ta tsayisiwa.+
30 A vanhu a va chepeti a muyiviLoku a yivela ku miyeta ndlala.
31 Hambulezvo, loku a kumiwa i ta riha hi ka 7;I ta nyikela a titshomba tontlhe ta yindlu yakwe.+
32 Ni wihi a mahako wubhayi ni wasati a nga na kupimisisa;Loyi a mahako lezvo i ti lovisa ha yece.*+
33 I to kuma tiphanja ni tingana ntsena,+A tingana takwe ti nga ta mbhela.+
34 Hakuva a ciluse ci vhuxa zanga ya nuna;A nga ta zwela wusiwana laha a to ti photela.+
35 A nga ta vhumela a hakhelo ya nandzu;*A nga ta vhumela ku bhabhiwa hambu loku a cinyikiwo ca kona ci no kulisa kuyini.
Mitlhamuselo ya lahasi
^ Ku nga ku khomana mandla mu maha civhumelwano.
^ Kutani: “a muhefemulo wakwe wu”.
^ Kutani: “nayo”.
^ Kutani: “zvi ta ku gondzisa”.
^ Kutani: “muhefemulo”.
^ Kutani: “i lovisa muhefemulo wakwe”.
^ Kutani: “hakhelo ya kutlhatlhisa”.