Mavingu 7:1-27
7 N’wananga, hlayisa a timhaka ta mina,U veketela a zvileletelo zva mina mbilwini ya wena.+
2 Ingisa zvileletelo zva mina u ta hanya;+Hlayisa a gondziselelo* ya mina a ku fana ni ndzololwani ya tihlo ga wena.
3 Zvi bohe titihweni ta wena;U zvi tsala mbilwini ya wena.+
4 Byela a wutlhari, uku: “U makabye wa mina wa cisati”,
U vitana a kuzwisisa, uku: “U xaka ga mina”,
5 Kasi zvi ku vhikela ka wasati wa kubiha,*+Ka wasati wa cibhayi* ni ka magezu yakwe yo nandziha.*+
6 Hi laha janeleni ga yindlu ya mina,Hi lomu mavangeni ya janela ga mina, ndzi no cuwuka hasi.
7 Laha ndzi nga kari ndzi cuwukisela zvipumbu,*Ndzi no wona a jaha cikari ka vaswa gi nga hi hava kupimisisa.+
8 Gi no hundza hi ruwa, kusuhani ni khona ga wasati loye,Gi kongoma ndlwini yakwe
9 Ni gambo, na gi ku phum,+Na ku kari ku chikela a wusiku ni munyama.
10 Ndzi no wona wasati na a gi khinga,Na a bohisile ku khwatsi* cibhayi,+ na a hi ni mano mbilwini yakwe.
11 A wasati loye i na ni guwa ni kani.+
A nga tshuki a tshama* laha kaya.
12 U ta ku cope i lahandle, u ku cope i lomu maprasa;*I tshama a lavelela lomu mahandzakanyeni wontlhe ya maruwa.+
13 I gi khoma a gi pswopswa;Na a nga dhani, i ngalo ka gona:
14 “Zvi wa lava ku ndzi nyikela a miphahlo ya kuhlengela.*+
Nyamutlha ndzi tatisile a zvifungo zva mina.
15 Hi caleco ci nga ndzi maha ndzi huma ndzi ku khinga,Ndzi ku lavetela, niku makunu ndzi ku kumile!
16 Ndzi andlalile a tinguwo to saseka laha mubhedhini wa mina,Ta wukene* ga mivalavala ga Gibhite.+
17 Ndzi fafazele a mira, ni mhangani, ni kanela* mubhedhini wa mina.+
18 Tana, hi ta popiwa hi lirandzo kala gica;A hi ti buze zvin’we hi lirandzo,
19 Hakuva a nuna wa mina a nga kona laha kaya;I endzile aya kule.
20 I fambile ni cikhwama ca mali,Niku a nga ta wuya na ku nga se chikela a siku legi a hweti yi to tala.”
21 I gi kanganyisa hi magezu yakwe ya ntamu,+
A gi xengetela hi timhaka takwe to nandziha.
22 Zvalezvo ga mu landzela, a ku khwatsi i homu yi yako kudaweni,Ni cipumbu ci yako ci ya tsayisiwa makhotsweni,*+
23 Kala a paxa wu gi tlhava a civindzi.A ku fana ni cinyanyani ci tsutsumelako ntlhan’wini, a gi zvi tivi lezvaku lezvo zvi ta lovisa a wutomi* ga gona.+
24 Makunu, vana vanga, ndzi ingiseleni;Dembani ndleve ka timhaka leti ndzi wulako.
25 U nga tsiki a mbilu ya wena yi hambukela tindleleni takwe.
U nga pengi uya tisokweni takwe,+
26 Hakuva i dele votala va mbambamela,+Ina, citshungu ca hombe a ci deleko.+
27 A yindlu yakwe i ndlela yi yisako Cilahleni;*Yi relela yiya tikwartwini ta kufa.
Mitlhamuselo ya lahasi
^ Kutani: “nayo”.
^ Kutani: “yo xengetela”.
^ Kutani: “lava va nga tlharihangiko”.
^ Kutani: “Na a bohile tinguwo ta”.
^ Hi kukongoma: “A mikonzo yakwe a yi tshuki yi tshama”.
^ Kutani: “miphahlo ya kurula”. Wona Tlhamuselo wa magezu ya Bhibhiliya.
^ Kutani: “linho”.
^ Kutani: “kinamona”.
^ Kutani: “machinini”.
^ Kutani: “muhefemulo”.
^ Kutani: “Xeyole”, ku nga cilahla ca vanhu vontlhe. Wona Tlhamuselo wa magezu ya Bhibhiliya.