Mavingu 8:1-36
8 A hi wutlhari gi bangulekako ke?
A hi kupimisisa ku tlakusako a gezu ke?+
2 Gi yima lomu matshan’wini yo tlakuka,+ lomu maruweni,Lomu mahandzakanyeni ya maruwa.
3 Kusuhani ni tinyangwa ti yako dhoropeni,Lomu tinyangweni ta tivati,Gi simama ku kanyuluka, giku:+
4 “O n’wina vanhu, ndza mu vitana;Ndza tlakusa a gezu ga mina ka vanhu vontlhe.*
5 N’wina vo kala ku tlhariha, gondzani wutlhari;+Na n’wina zvipumbu, hlotani a mbilu ya kupimisisa.
6 Ingiselani, hakuva lezvi ndzi wulako zva lisima,A nomu wa mina wu wulawula zvilo zva kululama;
7 Hakuva a nomu wa mina wu humesa a lisine hi gezu ga lahasi,Ni minomu ya mina ya venga zvakubiha.
8 A timhaka tontlhe ta nomu wa mina ti lulamile.
A ku na mhaka ni yin’we cikari ka tona yi byekeleko kutani yi kanganyisako.
9 Tontlhe ti le kubaseni ka loyi a nga ni kupimisisa;Ti nene ka lava va kumileko wutivi.
10 Amukela a kulaya ka mina wutshan’wini ga prata,Ni wutivi wutshan’wini ga ouro ya yinene nguvhu,+
11 Hakuva a wutlhari gi nene nguvhu a ku hundza a makorali;*Zvontlhe a zvilo lezvi zvin’wani zva lisima a zvi nge fananisiwi nago.
12 Mina wutlhari ndzi tshama zvin’we ni kupimisisa;Ndzi kumile wutivi ni wutlhari ga ku pimisa.+
13 A kuchava Jehovha ku venga kubiha.+
Ndza venga a kutikulisa, ni matshandza,+ ni ndlela ya kubiha, ni kuwulawula ka hava.+
14 Ndzi na ni wusungukati ga ginene ni wutlhari;+A kupimisisa+ ni ntamu+ zva mina.
15 A tihosi ta simama ku fuma hi kota ya mina,Ni vafumeli va yimisa milayo ya kululama.+
16 A tihosana ta simama ku fuma hi kota ya mina,Ni varangeli va lamula hi kululama.
17 Ndza randza lava va ndzi randzako,Ni lava va ndzi hlotako va ta ndzi kuma.+
18 A wukosi ni wudzundzo zvi na mina,Ni titshomba ti nga mbheliko ni kululama.
19 A handzu wa mina wu nene nguvhu a ku hundza ouro, ina, hambu a ouro yi hlutilweko,Ni pfuno wa mina wu nene nguvhu a ku hundza a prata ya yinene nguvhu.+
20 Ndzi famba ndleleni ya kululama,Laha cikari ka tindlela ta nongameto;
21 Ndza va nyika a tshomba ya lisima lava va ndzi randzako,Ndzi tlhela ndzi tata a matshala yabye.
22 Jehovha i no ndzi vanga kota masangulo ya ndlela yakwe,+A masangulo ya mitiro yakwe ya kaleloko.+
23 Ndzi yimisilwe cikhatini ca kaleloko,*+Kusanguleni, a misava na yi nga seva kona.+
24 Ndzi no vangiwa na ku nga seva ni mati ma etileko,+Na ku nga seva ni zvibuka zvi khulungako mati.
25 Ndzi no pswaliwa na ku nga seva ni zvitsunga,Ni zvitsungana na zvi nga se humelela,
26 Na a nga se maha misava ni masimu ya kona,Ne hambu a ntshuri wo sangula wa misava.
27 A cikhati leci a nga longisela a matilo,+ ndzi wa hi kona.Laha a nga tsala randzani hehla ka mati,+
28 A cikhati leci a nga yimisa* a marefu le hehla,Laha a nga yimisa a zvibuka zva mati yo eta,
29 A cikhati leci a nga laya bimbiLezvaku a mati ya gona ma nga tluli a cileletelo cakwe,+Laha a nga zima a zviseketelo zva misava,
30 Ndzi wa hi tlhelweni gakwe kota meseri wa hombe.+
Hi mina a nga ndzi randza nguvhu+ siku ni siku;Ndzi wa tsaka mahlweni kakwe contlhe cikhati;+
31 Ndzi wa tsaka hi misava leyi a yi vangileko kasi ku hanyiwa kona,Niku ndzi wa tsakisiwa nguvhu hi vana va vanhu.*
32 Makunu, vana vanga, ndzi ingiseni;Ina, va tsaka lava va hlayisako a tindlela ta mina.
33 Ingisani kulaya+ kasi mu tlhariha;Mu nga tshuki mu ku ala.
34 Wa tsaka a munhu loyi a ndzi ingiselako,Loyi a vindzukako ata* laha livatini la mina siku ni siku,A rindzela laha nyangweni ya mina.
35 Hakuva loyi a ndzi kumako i ta kuma wutomi,+A tlhela a amukeleka ka Jehovha.
36 Kanilezvi, loyi a ndzi kanyisako i ti nehela khombo ha yece,*Ni lava va ndzi vengako va randza kufa.”+
Mitlhamuselo ya lahasi
^ Hi kukongoma: “ka vana va vanhu”.
^ Kutani: “cikhatini ci nga alakanyiwiko”.
^ Hi kukongoma: “a nga tiyisa”.
^ Kutani: “hi vanhu”.
^ Kutani: “a tshamako na a khindlimukile”.
^ Kutani: “i wu nehela khombo a muhefemulo wakwe”.
