Mavingu 9:1-18
9 A wutlhari ga lisine gi akile a yindlu ya gona;Gi kehlile a mapilari ya gona ya 7.
2 Gi longisele a nyama yo tala;Gi jutele a vhinyo ya gona,Gi tlhela gi longisela a meza.
3 Gi rumele a malandza ya gona ya cisatiMa ya kanyuluka lomu matshan’wini yo tlakuka ya dhoropa,+ maku:
4 “Ni wihi loyi a nga cipumbu i wate laha.”
Gi byela loyi a nga hava kupimisisa, giku:
5 “Tanani mu taga a pawa ya mina,Mu tlhela munwa a vhinyo leyi ndzi juteleko.
6 Tsikani a wupumbu ga n’wina,* mu hanya;+Fambani hi ndlela ya kuzwisisa.”+
7 Loyi a layako a mutseketseli i ti lavela tingana,+Ni loyi a kawukako a munhu wa kubiha i ta bayisiwa.
8 U nga kawuki a mutseketseli a nga ku venga.+
Kawuka a munhu a tlharihileko, i ta ku randza.+
9 Gondzisa a munhu a tlharihileko, i ta tlhariha nguvhu.+
Gondzisa a munhu wa kululama, i ta engetela kutiva.
10 A kuchava Jehovha masangulo ya wutlhari,+Ni ku tiva Loyi a Basileko ku Hundza Vontlhe+ kuzwisisa.
11 Hakuva hi kota ya mina a masiku ya wena ma ta tala,+Ni malembe ya wutomi ga wena ma ta engetelwa.
12 Loku u tlhariha, zvi vhuna wena n’winyi,Kanilezvi loku u hi mutseketseli, zvi ta bindza wena wece.
13 A wasati wa cipumbu i na ni guwa.+
A nga tlharihangi, ne a nga tivi nchumu.
14 I tshama laha nyangweni ya muti wakwe,Laha citulweni, ka wutshamu go tlakuka ga dhoropa,+
15 A vitana lava va hundzako,Lava va ti fambelako hi ndlela yabye, aku:
16 “Ni wihi loyi a nga cipumbu i wate laha.”
I byela lava va nga hava kupimisisa,+ aku:
17 “A mati ya ku yiviwa ma tsombela,Ni zvakuga zva ku gela kufihlaleni zva nandziha.”+
18 Kanilezvi a va zvi tivi lezvaku lava va nga hava ntamu kufeni va kwalaho,Ni vapfhumba vakwe va lomu kueteni ka Cilahla.*+
Mitlhamuselo ya lahasi
^ Kutani: “a zvipumbu”.
^ Kutani: “Xeyole”, ku nga cilahla ca vanhu vontlhe. Wona Tlhamuselo wa magezu ya Bhibhiliya.
