Mika 5:1-15
5 “Lezvi wa ti tsemelela ha wece,Wena nhanyana u dhumelwako;Hi randzelwe.+
Vaba a rama ga mulamuli wa Izrayeli hi nhonga.+
2 Wena Bhetlehema Efrata,+U nga mutsongwani nguvhu cikari ka makume ya mazana* ya ka Judha,Hi ka wena ku ta huma loyi a to ndzi mahela hosi ya Izrayeli,+Loyi a nga kona kusukela zvikhatini zva kale, kusukela masikwini ya kaleloko.
3 Hikwalaho, i ta va tsikaKala cikhatini leci loyi a lun’wako a to pswala.
Ni misalela ya vamakabye vakwe yi ta tlhelela ka va ka Izrayeli.
4 I ta suka a yima a risa hi ntamu wa Jehovha,+Ni wukulu ga vito ga Jehovha, a Nungungulu wakwe.
Va ta hanya kuruleni,+Hakuva makunu a wukulu gakwe gi ta chikela le magemeta-musi ya misava.+
5 I ta neha kurula.+
Laha a muAsiriya a to dhumela tiko ga hina,a kandzihetela a tikhokhola* ta hina ti tiyisilweko khwatsi,+Hi ta mu vhuxela a 7 wa varisi ni 8 wa tihosana* ta vanhu.
6 Va ta risa a tiko ga Asiriya hi cipadha,+Ni tiko ga Nimrodhe+ lomu tinyangweni ta gona.
I ta hi tlhatlhisa mandleni ya muAsiriya,+Laha a to dhumela a tiko ga hina, a kandzihetela a wutshamu ga hina.
7 A misalela ya Jakobe yi tava cikari ka matiko yo talaA ku fana ni ndzhokati yi tako hi ka Jehovha,Ni tivhula ta hombe hehla ka byanyi,Lezvi zvi nga tsumbiko munhu,Kutani ku rindzela vanana va vanhu.
8 A misalela ya Jakobe yi tava cikari ka matiko,Cikari ka matiko yo tala,A ku fana ni nghala cikari ka zvihari zva khwati,Ni cinghalana* cikari ka mitlhambi ya tiyivhu,Leci ci hundzako ci khoma ci handzulela;A nga kona wa ku zvi tlhatlhisa.
9 A canja ga wena gi ta tlakusiwa hehla ka lava va ku vhukelako,Niku vontlhe a valala va wena va ta lovisiwa.”
10 “Hi siku lego”, ku wula Jehovha,“Ndzi ta fuvisa a mahaxi ya wena cikari ka wena, ndzi lovisa ni tikareta ta wena.
11 Ndzi ta lovisa a madhoropa ya tiko ga wena,Ndzi hohlola wontlhe a matshamu ya wena ma bhiyelweko.
12 Ndzi ta fuvisa a wuloyi legi u gi mahako.*A nga kona a mahako masalamuso a to sala cikari ka wena.+
13 Ndzi ta lovisa cikari ka wena a zvifananiso zva wena zvi kehlilweko ni mapilari ya wena.U nga ta ha wu khizamela kambe a ntiro wa mandla ya wena.+
14 Ndzi ta tsuwula a tisinya ta wena to basa*+ cikari ka wena,Ndzi hihirita a madhoropa ya wena.
15 Ndzi ta ti photela hi zanga ni khuloHehla ka matiko lawa ma nga kala ku ingisa.”
Mitlhamuselo ya lahasi
^ Kutani: “tinyangwa”.
^ Kutani: “torres”.
^ Kutani: “varangeli”.
^ Kutani: “cinghalana ca malevhu”.
^ Hi kukongoma: “a wuloyi canjeni ga wena”.
