Mutshawuteli 1:1-18
1 A timhaka ta mutlhanganisi,*+ a n’wana wa Dhavhidha, a hosi ya Jerusalema.+
2 “Hi nga wona a kunganyawuli* ka ku hundza a kunganyawuli kontlhe!”, ku wula a mutlhanganisi,“A kunganyawuli ka ku hundza a kunganyawuli kontlhe! Zvontlhe a zvi nyawuli!”+
3 I bhindzula yini munhu hi kutikarata kontlhe loku a ku mahako ntirweni wakwe,Lowu a wu dzunukelako lahasi ka gambo ke?+
4 A cizukulwana cin’we ca hundza kuta cin’wani cizukulwana,Kanilezvi a misava yi tshama* kala kupindzuka.+
5 A gambo ga tsuwuka* gi tlhela gi pela;Gi gumesa gi tlhela hi kuhatlisa* wutshan’wini ga gona kasi gi ya tsuwuka kambe.+
6 A moya wuba wuya dzongeni,* wu rendzeleka wuya n’walungu;*Wu rendzeleka wu phinda wu rendzeleka, wu simama ku jikajika; a moya wu simama ku rendzelekela wu nga nyimi.
7 A micongo yontlhe yi chulula bimbini kanilezvi a bimbi a gi tali.+
Laha a micongo yi sukelako kona yi tlhela kwalaho kasi yi ya khulunga kambe.+
8 A zvilo zvontlhe zva karalisa;I hava wa ku a nga zvi hlawutela.
A tihlo a gi kolwi hi ku wona,Ni ndleve a yi xuri hi kuzwa.
9 Lezvi zvi nga hi kona hi zvalezvi zvi tova kona,Ni lezvi zvi mahilweko zvi ta tlhela zvi mahiwa kambe;A ku na cilo ciswa lahasi ka gambo.+
10 Xana ci kona cilo ca ku a munhu a nga wula, aku: “Hi nga wona, leci ciswa”?
Zvontlhe zvi wa sina zvi hi kona kusukela kaleloko;Zvi wa sina zvi hi kona na hi nga seva kona.
11 I hava a alakanyako a vanhu va kaleloko;I hava kambe a to alakanya lava va to landzela;Ne hambu valavo va nga ta ha alakanyiwa hi lava va tota andzhako kabye.+
12 Mina mutlhanganisi, ndzive hosi ya Izrayeli lomu Jerusalema.+
13 Ndzi no ti tsitsirita hi mbilu yontlhe ndzi gondza ni ku hlolisisa hi wutlhari+ zvontlhe lezvi zvi mahiwako lahasi ka matilo+ — ku nga ntiro wo bayisa lowu Nungungulu a nyikileko a vana va vanhu kasi va khomeka hi wona.
14 Ndzi no wona a mitiro yontlhe leyi yi mahiwako lahasi ka gambo,Hi nga wona! Zvontlhe zvi wa nga nyawuli, ku wa hi ku hlongolisela moya ntsena.+
15 Leci ci gombonyekileko a ci nge ololiwi,Ni leci ci nga hava a ci nge hlayiwi.
16 Makunu, ndzi no ehleketa mbilwini ya mina, ndziku: “Hi nga wona! Ndzi ti kumele a wutlhari ga hombe a ku hundza vontlhe lava va ndzi rangeleko lomu Jerusalema,+ ni mbilu ya mina yi kumile a wutlhari ga hombe ni wutivi.”+
17 Ndzi no nyikela a mbilu ya mina kasi yi tiva a wutlhari, ni lihuhi,* ni wupumbu;+ lezvo zvonawu ku hlongolisela a moya ntsena.
18 Hakuva a wutlhari go tala gi vanga a hlomulo wa hombe,Hikwalaho, ni wihi a engetelako a wutivi i ti engetela a kubayisa.+
Mitlhamuselo ya lahasi
^ Kutani: “mutsombanyisi; loyi a vitanisako”.
^ Kutani: “ku nga vhuni nchumu”.
^ Hi kukongoma: “yi yima”.
^ Kutani: “woninga”.
^ Kutani: “gi tlhela na gi hefemuteka”.
^ Kutani: “norte”.
^ Kutani: “sul”.
^ Kutani: “ni wupumbu ga hombe”.