Tisimu 10:1-18
ל [lâmede]
10 O Jehovha, hikuyini u yimako kule?
Hikuyini u ti fihlako zvikhatini zva zvikarato?+
2 Matshandzeni yakwe, a wakubiha i xanisa loyi a nga hava muyimeli,+Kanilezvi i ta phasiwa hi zvikungo zva yena n’winyi.+
3 Hakuva a wakubiha i ti kukumukisa hi kunavela kakwe ka makangwa,*+A tlhela a katekisa a munhu wa makangwa;*נ [nune]I kanyisa Jehovha.
4 Matshandzeni yakwe, a wakubiha a nga hloli nchumu;Leci a ci alakanyako basi ku: “A ku na Nungungulu.”+
5 A tindlela takwe ti simama ku vhuvhuma,+Kanilezvi a kulamula ka wena ka hundza kuzwisisa kakwe;+I poyila a valala vakwe vontlhe.
6 Mbilwini yakwe i ngalo: “Ndzi nga ta tshuka ndzi tsekatsekiswa;*Kusukela ka cizukulwana cin’we kala ka cin’wani cizukulwanaNdzi nga ta tshuka ndzi welwa hi khombo.”+
פ [pê]
7 A nomu wakwe wu tele hi zviruko, ni mawunwa, ni kudzukisela;+Lahasi ka lirimi lakwe ku na ni zvikarato ni kubiha.+
8 I tshama a lavelela kusuhani ni zvidhoropana;I huma hi lomu a fihleleko kona a daya munhu wo kala nandzu.+
ע [aine]
A matihlo yakwe ma tshama hi ku lavetela wa ku mu daya.+
9 I tumbela a rindzela ku khwatsi i nghala lomu citshitshini ca yona.+
I tshama a rindzela ku khoma loyi a nga hava muyimeli.
I khoma loyi a nga hava muyimeli a cikhati leci a vhalako a likoka* lakwe.+
10 Loyi a khomilweko i gandliwa a hoxiwa lahasi.A va makhombo va wela tin’waleni takwe to tiya.
11 Mbilwini yakwe i ngalo: “Nungungulu i rivakelwe.+
I jikisile a nghohe yakwe.
A nga tshuki a wona nchumu.”+
ק [cofe]
12 O Jehovha, suka u yima.+ O Nungungulu, tlakusa a canja ga wena.+
U nga rivali lava va nga hava muyimeli.+
13 Hikuyini a wakubiha a kanyisako Nungungulu?
Mbilwini yakwe i ngalo: “U nga ta ndzi nyika nandzu.”
ר [rexe]
14 Kanilezvi wena wa wona a zvikarato ni kuxaniseka.
Wa zvi wona u chela kota hi zvona.+
Loyi a nga hava muvhuni i tsutsumela ka wena;+Wena u muvhuni wa n’wanana wo kala papayi.*+
ש [chim]
15 Tshova a woko ga wakubiha ni ga munhu wa xapi,+Kasi ku laha u to lavetela a kubiha kakweU nga ha ku kumi kambe.
16 Jehovha i Hosi ya kala kupindzuka ni kupindzuka.+
A matiko ma lovile laha misaveni.+
ת [tau]
17 Kanilezvi wena Jehovha u tazwa a cikombelo ca lava va kurula.+
U ta tiyisa a timbilu tabye,+ u demba a ndleve ya wena kabye.+
18 U ta va mahela kululama lava va nga hava papayi ni lava va xanisiwako,+Kasi va nga ha chavisiwi hi munhu wa laha misaveni wa ku wafa.+
Mitlhamuselo ya lahasi
^ Kutani: “kunavela ka muhefemulo wakwe”.
^ Zvi nga maha na zvi wula ku: “A munhu wa timbilu wa ti katekisa ha yece”.
^ Kutani: “dhedhereka”.
^ Kutani: “juya”.
^ Kutani: “a felweko hi vapswali”.