Tisimu 101:1-8
Lisimu la Dhavhidha.
101 Ndzi ta yimbelela hi lirandzo li nga mbheliko ni kululama.
O Jehovha, ndzi ta ku yimbelelela a tisimu ta ku ku dhumisa.*
2 Ndzi ta famba hi wutlhari na ndzi nga hi na cisolo.*
U tata rini ka mina ke?Ndzi ta famba hi mbilu yi tsumbekileko+ lomu ndlwini ya mina.
3 Ndzi nga ta veka nchumu wu nga nyawuliko phambeni ka matihlo ya mina.
Ndza venga a mitiro ya lava va hambukako ka lezvi zvi lulamileko;+Ndzi nga ta hlengela navo.*
4 A mbilu yi gombonyekileko yi le kule na mina;Ndzi nga ta vhumela* zvakubiha.
5 Ni wihi a hlevako a muakelani wakwe cihundleni,+Ndzi ta mu miyeta.*
Ni wihi a nga ni tihlo ga matshandza ni mbilu yi ti kukumukisako,Ndzi nga ta mu nyenyeleta.
6 Ndzi ta cuwuka lava va tsumbekileko laha misaveniKasi va fela ku hanya na mina.
Loyi a fambako hi ndlela yi nga solekiko* i ta ndzi tirela.
7 A ku na mukanganyisi a to tshama ndlwini ya mina,Ne muhembi a to yima mahlweni ka mina.*
8 Mixo ni mixo ndzi ta miyeta* vontlhe vakubiha laha misaveni,Kasi ndzi tsema vontlhe a vamahi va kubiha dhoropeni ga Jehovha.+
Mitlhamuselo ya lahasi
^ Kutani: “ndzi ta ku chayela muzka”.
^ Kutani: “ni kutsumbeka”.
^ Kutani: “A mitiro yabye yi nga ta ndzi namarela”.
^ Hi kukongoma: “tiva”.
^ Kutani: “lovisa”.
^ Kutani: “hi kutsumbeka”.
^ Hi kukongoma: “phambeni ka matihlo ya mina”.
^ Kutani: “lovisa”.
