Tisimu 102:1-28
Mukhongelo wa loyi a xanisiwako a cikhati leci a nga kukaratekeni,* a chulula a kukarateka kakwe mahlweni ka Jehovha.+
102 O Jehovha, zwana a mukhongelo wa mina;+A kurila ka mina ka ku lava ku vhuniwa ku wa chikele ka wena.+
2 U nga ndzi fihleli a nghohe ya wena cikhatini ca kukarateka ka mina.+
Kangatela a ndleve ya wena ka mina.*Hatlisa u ndzi hlamula loku ndzi ku vitana.+
3 Hakuva a masiku ya mina ma nyamalala a ku fana ni musi,Ni marambu ya mina ma vhura a ku khwatsi ma laha khumbarini.+
4 A mbilu ya mina yi bilwe yi wuna a ku fana ni byanyi,+Hakuva ndza rivala a kuga zvakuga zva mina.
5 Hi kota ya miketo ya mina ya hombe,+A marambu ya mina ma namarelana ni nyama ya mina.+
6 Ndzi fana ni gumba* ga lomu ciwuleni,Ni cikotlwani lomu marumbini.
7 A wurongo a giti;*Ndzi fana ni cinyanyani ci tshamileko coce le hehla ka yindlu.+
8 A valala va mina va tshama hi ku ndzi rukatela gontlhe siku.+
Lava va ndzi poyilako* va teka a vito ga mina va gi maha ciruko.
9 Hakuva ndziga khuma wutshan’wini ga pawa,+Ni kunwa ka mina ku patsene ni mihloti,+
10 Hi kota ya zanga ya wena ni khulo ga wena,Hakuva u ndzi tlakusele ku ndzi hoxa basi.
11 A masiku ya mina ma fana ni ndzhuti wu n’walalako,+Ndza wuna a ku fana ni byanyi.+
12 Kanilezvi wena Jehovha u tshama kala kupindzuka,+Ni nduma* ya wena yi ta simama zvizukulwaneni zvontlhe.+
13 Hakunene u ta suka u mu mahela wuxinji Ziyoni+Hakuva cikhati ca ku mu mahela wuxinji ga wena;+A cikhati ci yimisilweko ci chikele.+
14 Hakuva a malandza ya wena ma tsakela a maribye ya Ziyoni,+Ma randza ni ntshuri wakwe.+
15 A matiko ma ta chava a vito ga Jehovha,Ni tihosi tontlhe ta misava ti ta chava a kungangamela ka wena.+
16 Hakuva Jehovha i ta aketa Ziyoni;+I ta woneka kungangameleni kakwe.+
17 I ta demba ndleve ka mukhongelo wa zvisiwana;+A nga ta chepeta a mukhongelo wabye.+
18 Lezvi zvi tsalelwe a cizukulwana ci tako,+Kasi a vanhu lava va ha tako* va dhumisa Jah.
19 Hakuva i cuwuka lahasi na a hi le wutshan’wini gakwe gi tlakukileko go basa;+Na a hi kwale matilweni Jehovha wa wona misava,
20 Kasi azwa a miketo ya cibochwa,+Ni ku tlhatlhisa lava va konelweko kufa,+
21 Kasi a vito ga Jehovha gi huwelelwa le Ziyoni,+Ni wudzundzo gakwe le Jerusalema,
22 A cikhati leci a matiko ni mifumoZvi to hlengeletana kasi ku tirela Jehovha.+
23 I ndzi susele a ntamu wa mina na ci nga se chikela cikhati,A komisa a masiku ya mina.
24 Ndzi te: “O Nungungulu wa mina,U nga ndzi lovisi na ndzi hi cikari ka wutomi ga mina,Wena loyi a malembe ya wena ma simamako zvizukulwaneni zvontlhe.+
25 U zimile a zviseketelo zva misava a kaleloko,Ni matilo i ntiro wa mandla ya wena.+
26 Zvi ta lova, kanilezvi wena u ta simama;A ku fana ni nguwo, zvontlhe zvi ta hlakala.
A ku fana ni nguwo u ta zvi cica, niku zvi ta hundza.
27 Kanilezvi wena a wu cici, ni malembe ya wena ma nga ta tshuka ma mbhela.+
28 A vana va malandza ya wena va ta hanya kuruleni,Ni pswalo wabye wu ta yimiswa wu tiya mahlweni ka wena.”+
Mitlhamuselo ya lahasi
^ Kutani: “a rerekileko”.
^ Kutani: “Korama, u ndzi ingisela”.
^ Kutani: “pelicano”.
^ Kutani: “Ndzi na ni cindwave”. Zvi nga maha na zvi wula ku: “Ndzi sele hi marambu”.
^ Kutani: “Lava va ndzi mahako cihlekiso”.
^ Kutani: “vito”. Hi kukongoma: “cialakanyiso”.
^ Hi kukongoma: “to vangiwa”.
