Tisimu 103:1-22
Lisimu la Dhavhidha.
103 A muhefemulo* wa mina wu wa dhumise Jehovha;Zvontlhe zvi nga ndzeni ka mina zvi wa dhumise a vito gakwe go basa.
2 A muhefemulo* wa mina wu wa dhumise Jehovha;Ngha ndzi nga tshuki ndzi rivala zvontlhe a zvi mahileko.+
3 Yena wa tsetselela a zvigoho zva wena zvontlhe+A tlhela a ku hanyisa ka wontlhe a mababyi ya wena;+
4 Wa tlhatlhisa a wutomi ga wena nkeleni*+A ku bohisa cidlodlo* ca lirandzo li nga mbheliko ni wuxinji.+
5 Wa ku xurisa hi zvilo zva zvinene+ wutomini ga wena gontlhe,Kasi ku vhuxetwa a wuswa ga wena a ku khwatsi i gama.+
6 Jehovha i maha a kululama+ ni nongametoKa vontlhe lava va xanisiwako.+
7 I tivisile a tindlela takwe ka Mosi,+Ni mitiro yakwe ka vana va Izrayeli.+
8 Jehovha i na ni wuxinji niku wa zwela wusiwana,+Wa nonoka ku zangara niku i tele hi lirandzo li nga mbheliko.+
9 A nga tshameli ku kuma cihoxo*+Ne a nga tshami ni civiti kala kupindzuka.+
10 A nga hi maheli nchumu hi ku landza hi zviwonho zva hina,+Ne a nga hi tlheliseli hi kuya hi zvigoho zva hina.+
11 Hakuva a ku khwatsi hi lezvi a matilo ma tlakukileko a ku hundza misava,Ni lirandzo lakwe li nga mbheliko la hombe ka lava va mu chavako.+
12 A ku khwatsi kutsawukana ka mutsuwuka-gambo ni mupela-gambo,I zvi vekile kule na hina a zvihambunyeto zva hina.+
13 A ku khwatsi i papayi a va mahelako wuxinji a vana vakwe,Jehovha wa va mahela wuxinji lava va mu chavako.+
14 Hakuva wa zvi tiva khwatsi lezvi hi nga wumbiswa zvona;+Wa zvi alakanya lezvaku hi ntshuri.+
15 A masiku ya munhu ma fana ni ya byanyi;+Yena wa pfepfa a ku khwatsi citsangi ca lomu masin’wini.+
16 Kanilezvi loku kuba moya co nyamalala,Zvi ku khwatsi a ci tshukangi civa kona.*
17 Kanilezvi a lirandzo li nga mbheliko la Jehovha la kala kupindzukaKa lava va mu chavako,+Ni kululama kakwe hehla ka vana va vana vabye,+
18 Hehla ka lava va hlayisako civhumelwano cakwe,+Ni ka lava va ti karatelako ku hlayisa a zvileletelo zvakwe.
19 Jehovha i yimisile a citshamu cakwe ca wuhosi ci tiya le matilweni,+Ni mufumo wakwe wu fumela zvontlhe.+
20 Dhumisani Jehovha, n’wentlhe n’wina tingilozi takwe,+ n’wina tinhenha ta ntamu,Mu tatisako a mhaka yakwe,+ mu ingisa a gezu* gakwe.
21 Dhumisani Jehovha, n’wentlhe n’wina mabutho yakwe,+A malandza yakwe lawa ma mahako a kurandza kakwe.+
22 Dhumisani Jehovha, n’wentlhe n’wina mitiro yakwe,Matshan’wini wontlhe lawa a ma fumelako.*
A muhefemulo* wa mina wu wa dhumise Jehovha.
Mitlhamuselo ya lahasi
^ Kutani: “cilahleni”.
^ Kutani: “korowa”.
^ Kutani: “A nga kawuki contlhe cikhati”.
^ Hi kukongoma: “Ni wutshamu ga cona a ga ha ci tivi”.
^ Hi kukongoma: “muzwa a gezu (guwa) ga mhaka yakwe”.
^ Kutani: “ya wuhosi gakwe”.
