Tisimu 104:1-35
104 A muhefemulo* wa mina wu wa dhumise Jehovha.+
O Jehovha, Nungungulu wa mina, wena u wa hombe nguvhu.+
U ambele a wukulu* ni kungangamela.+
2 U ti phutsele hi kuwonekela+ a ku khwatsi i nguwo;U gwimba matilo a ku khwatsi i nguwo ya tenda.+
3 I veka minaneko ya tikwartu takwe ta le hehla lomu matini ya le hehla,+A maha marefu mava kareta yakwe,+A famba hehla ka tipapa ta moya.+
4 “I maha tingilozi takwe tiva mimoya,Ni malandza yakwe mava ndzilo wu khadamulako.+
5 I yimisile misava zviseketelweni zva yona;+Yi nga ta susiwa wutshan’wini ga yona* kala kupindzuka ni kupindzuka.+
6 U yi fenengetile hi mati yo eta a ku khwatsi u no yi fenengeta hi nguwo.+
A mati ma wa yimile hehla ka zvitsunga.
7 Hi kukawuka ka wena ma no tsutsuma;+Laha ma ngazwa a kudzindza ka wena ma no tsutsuma hi kuchava
8 — A zvitsunga zvi no tlakuka,+ a mikova yi relela —Maya wutshan’wini legi u ma yimiseleko gona.
9 U yimisile mbhingano ma nga faneliko ku wu tlula+Kasi ma nga tshuki ma yi fenengeta kambe a misava.
10 I phandlukisa zvibuka mikoveni,Zvi khulunga cikari ka zvitsunga.
11 Zvi zvi humesela mati a zvihari zvontlhe zva khwati;A timbongola ta khwati ta tima tora ga tona.
12 A zvinyanyani zva tilo zvi khapama tisinyeni ti nga mbhirini ya mati;Zva yimbelela cikari ka matluka yo tlhuma.
13 I regara zvitsunga na a hi tikwartwini takwe ta le hehla.+
A misava ya xuriswa hi handzu wa mitiro ya wena.+
14 I ti hlukisela byanyi a tihomu,Ni tisinya lezvaku ti tirisiwa hi vanhu,+Kasi ku huma zvakuga hi lomu misaveni:
15 A vhinyo leyi yi tsakisako a mbilu ya munhu,+Ni mafura lawa ma nyukisako nghohe,Ni pawa leyi yi tiyisako a mbilu ya munhu.+
16 A tisinya ta Jehovha ti xurile,Yi nga misedhare ya Lebhanoni leyi a nga byala,
17 Lomu a zvinyanyani zvi akako kona zvisaka.
A muti wa sekwa+ wu lomu ka mijunipero.
18 A zvitsunga zvo tlakuka wutshamu ga timbuti ta khwati;+Ni maribye wuchavelo ga mivhundla ya lomu maribyeni.*+
19 I mahile hweti kasi yi avanyisa tinguva;A gambo ga ci tiva khwatsi cikhati ca ku pela hi cona.+
20 U neha munyama, kuva wusiku,+A cikhati leci zvontlhe a zvihari zva khwati zvi fambafambako.
21 A zvinghalana* zva bhonga loku zvi hlota,+Zvi kombela zvakuga ka Nungungulu.+
22 A cikhati leci a gambo gi tsuwukakoZvi tlhela zvi ya etlela mikeleni ya zvona.
23 A munhu i huma aya ntirweni wakwe,A ya tira kala gi phuma.
24 O Jehovha, a yi no ku tala a mitiro ya wena!+
Yontlhe u yi mahile hi wutlhari.+
A misava yi tele hi lezvi u zvi mahileko.
25 Hi nga wona bimbi, ga makulakula ni kuanama,Lomu ku makanyako a zvivangwa zva tsandza-vahlayi, a zva zvitsongwani ni zvahombe.+
26 Hi kwalomo ku fambako zvitimela,*Ni Levhiyatani*+ leyi u yi mahileko kasi yi hlakanela lomo.
27 Zvontlhe zvi rindzela wenaKasi u zvi nyika zvakuga hi nguva ya kona.+
28 Zvi hlengeletela lezvi wena u zvi nyikako.+
A cikhati leci u vhululako a canja ga wena, zvi xura hi zvilo zva zvinene.+
29 A cikhati leci u fihlako a nghohe ya wena, zvo karateka.
Loku u zvi susela moya wa zvona, zvofa zvi tlhelela ntshurini.+
30 Loku u rumela moya wa wena, zvo vangiwa,+U vhuxisa luswa a nghohe ya misava.
31 A wudzundzo ga Jehovha gi ta tshama kala kupindzuka.
Jehovha i ta tsakela a mitiro yakwe.+
32 I cuwuka misava, yi rurumela,A khumba zvitsunga, zvi tuvika musi.+
33 Ndzi ta yimbelela ka Jehovha+ wutomini ga mina gontlhe;Ndzi ta yimbelela a tisimu ta ku dhumisa* a Nungungulu wa mina loku ndza ha hanya.+
34 Ngha a maalakanyo ya mina ma mu tsakisa.*
Ndzi ta tsakela Jehovha.
35 A vawonhi va ta fuva laha misaveni,Ni vakubiha va nga ta hava kona.+
A muhefemulo* wa mina wu wa dhumise Jehovha. Dhumisani Jah!*
Mitlhamuselo ya lahasi
^ Kutani: “wudzundzo”.
^ Kutani: “Yi nga ta tsekatseka”.
^ Kutani: “procávias”.
^ Kutani: “zvinghalana zva malevhu”.
^ Kutani: “mapaketi; tinavhiyo”.
^ Kutani: “Ndzi ta mu chayela muzka”.
^ Zvi nga maha na zvi wula ku: “Ngha lezvi ndzi ehleketako hi yena zvi tsakisa”.
^ Kutani: “Haleluya!” A ku “Jah” i vito gi komisilweko gaku Jehovha.