Tisimu 105:1-45
-
Mitiro ya kutsumbeka ya Jehovha ka vanhu vakwe
-
Nungungulu wa alakanya a civhumelwano cakwe (8-10)
-
“Mu nga henyi a vatotilweko va mina” (15)
-
Josefa loyi wa khumbi a tirisiwa hi Nungungulu (17-22)
-
Zvihlamaliso zva Nungungulu le Gibhite (23-36)
-
Kuhuma ka vaIzrayeli hi Gibhite (37-39)
-
Nungungulu a alakanya a citsumbiso a ci mahileko ka Abrahama (42)
-
105 Bongani Jehovha,+ khongelani vitweni gakwe;Tivisani a mitiro yakwe cikari ka matiko!+
2 Yimbelelani kakwe, yimbelelani a tisimu ta ku mu dhumisa;*Ehleketani* hi mitiro yakwe yontlhe yo hlamalisa.+
3 Bhumani hi vito gakwe go basa.+
Ngha a timbilu ta lava va hlotako Jehovha ti tsaka.+
4 Hlotani Jehovha+ ni ntamu wakwe.
Hlotani a nghohe yakwe contlhe cikhati.
5 Alakanyani a mitiro yo hlamalisa leyi a yi mahileko,A zvihlamaliso zvakwe ni kulamula loku a ku wulileko,+
6 N’wina pswalo* wa Abrahama, a nandza gakwe,+N’wina vana va Jakobe, a vahlawulilweko vakwe.+
7 Hi yena Jehovha, a Nungungulu wa hina.+
A kulamula kakwe ku misaveni yontlhe.+
8 Wa alakanya a civhumelwano cakwe kala kupindzuka,+A citsumbiso leci a ci mahileko* ka 1000 wa zvizukulwana,+
9 A civhumelwano leci a mahileko na Abrahama,+Ni cihlambanyo leci a mahileko ka Isaka,+
10 Leci a ci yimisileko kota cileletelo ka JakobeNi civhumelwano ca pindzukelwa ka Izrayeli,
11 Aku: “Ndzi ta ku nyika a tiko ga Khanani+Kota tshomba ya n’wina mu avelweko.”+
12 Lezvo zvi mahekile a cikhati leci va nga hi va tsongwani,+Ina, na va hi va tsongwani nguvhu, na va hi valuveli tikweni lego.+
13 Va wa suka ka tiko gin’we vaya ka gin’wani,Ni ka mufumo wun’we vaya ka wun’wani.+
14 A nga tsikangi munhu a va xanisa,+Kanilezvi i no kawuka tihosi hi kota yabye,+
15 Aku: “Mu nga henyi a vatotilweko va mina;Ni vaphrofeti va mina mu nga va maheli kubiha.”+
16 I no vitanisa ndlala lomu tikweni,+A tsema ku va nyika pawa.*
17 I no rumela wanuna mahlweni kabye,Josefa, loyi a nga xavisiwa ava khumbi.+
18 Va no boha* a mikondzo yakwe hi machini,+Va fasa a nhamu yakwe hi tisimbi;*
19 Kala cikhati leci a gezu gakwe gi nga tatiseka,+A mhaka ya Jehovha hi yona yi nga mu basisa.
20 A hosi yi no rumela gezu kasi a tlhatlhiwa;+A mufumeli wa matiko i no mu tlhatlha.
21 I no mu maha murangeli wa muti wakwe,A muhlayisi wa tshomba yakwe yontlhe,+
22 Kasi a fumela* tihosana takwe kota lezvi a* zvi lavisako zvonaNi ku ma gondzisa wutlhari a madhota yakwe.+
23 Makunu Izrayeli i no nghena Gibhite;+Jakobe i no hanya kota muluveli tikweni ga Hamu.
24 Nungungulu i no va andzisa nguvhu a vanhu vakwe;+I no va nyika ntamu a ku hundza a valala vabye,+
25 Lava a timbilu tabye a nga ti tsika ti cica kasi va venga a vanhu vakwe,Kasi va ma xuxela cikungo a malandza yakwe.+
26 I no rumela a nandza gakwe Mosi,+Na Aroni,+ loyi a nga mu hlawulile.
27 Va no maha zviwoniso zvakwe cikari kabye,Ni zvihlamaliso zvakwe tikweni ga Hamu.+
28 I no rumela a munyama, a tiko giva munyama;+Vona a va tsikangi ku ingisa magezu yakwe.
29 I no hundzula a mati yabye ma maha nkhata,A daya a tinjhanjhi tabye.+
30 A tiko gabye gi no tala hi makhele,+Hambu ni lomu tindlwini ta wuhosi.
31 I no laya mabhowaniNi tisuna kasi zvi dhumela a tiko gabye gontlhe.+
32 I no cica a vhula yabye yiva maralala,A rumela kuhatima* tikweni gabye.+
33 I noba mivhina* yabye ni mikuwu yabye,A tshoveletela a tisinya lomu tikweni gabye.
34 I no laya humbi* lezvaku yi dhumela,Ina, a humbana ya tsandza-vahlayi.+
35 Yi noga a tisinya tontlhe lomu tikweniNi pfuno wa misava.
36 Hi kulandzela, i no daya a matewula wontlhe tikweni gabye,+A masangulo ya ntamu wabye wa kupswala.
37 I no humesa a vanhu vakwe na va hi ni prata ni ouro;+I hava cikari ka tixaka takwe a mbhelileko ntamu.
38 Gibhite i no tsaka a cikhati leci va nga huma,Hakuva i wa chava Izrayeli.+
39 I no tshambuluta a refu kasi a va vhikela,+
Ni ndzilo kasi wu va woningela ni wusiku.+
40 Va no kombela, yena a va nyika tihwari;+I no simama ku va xurisa hi pawa ya le tilweni.+
41 I no vhulula ribye, ku khulunga mati,+Ma khulungela lomu ciwuleni a ku khwatsi i congo.+
42 Hakuva i no alakanya a citsumbiso co basa leci a nga ci mahile ka Abrahama, a nandza gakwe.+
43 Hikwalaho, i no humesa a vanhu vakwe hi kutsaka,+A vahlawulilweko vakwe hi mikulungwani ya kutsaka.
44 I no va nyika a matiko ya vamatiko,+Vona va teka lezvi a mifumo yin’wani yi nga zvi dzunukele zviva tshomba yabye,+
45 Kasi va hlayisa a zvileletelo zvakwe+Ni ku ingisa milayo yakwe.
Dhumisani Jah!*
Mitlhamuselo ya lahasi
^ Zvi nga maha na zvi wula ku: “Wulawulani”.
^ Kutani: “mu chayeleni muzka”.
^ Hi kukongoma: “mbewu”.
^ Hi kukongoma: “A mhaka leyi a layileko”.
^ Hi kukongoma: “A tshova a tinhonga tontlhe ta tipawa”. Kuzvilava ku wuliwa a tinhonga leti va nga hayekela ka tona a tipawa to khwatsi tiphera.
^ Hi kukongoma: “xanisa”.
^ Kutani: “A muhefemulo wakwe wu no ngheniswa lomu ka simbi”.
^ Kutani: “a muhefemulo wakwe wu”.
^ Hi kukongoma: “a boha”.
^ Kutani: “malangavi ya ndzilo”.
^ A mivhina tisinya leti ti pswalako mauvha.
^ A humbi zviharana zvo fana ni bhandzala.
^ Kutani: “Haleluya!” A ku “Jah” i vito gi komisilweko gaku Jehovha.
