Lisimu 108:1-13
Lisimu la Dhavhidha.
108 O Nungungulu, a mbilu ya mina yi tiyile.
Ndzi ta yimbelela, ndzi chaya muzka hi mbilu ya mina yontlhe.*+
2 Khindlimuka, wena cichaya-chaya ca tingoti, na wenawu citende.+
Mina ndzi ta vhuxa a wuronga.
3 O Jehovha, ndzi ta ku dhumisa cikari ka mifumo;Ndzi ta yimbelela a tisimu ta ku ku dhumisa* cikari ka matiko.
4 Hakuva a lirandzo la wena li nga mbheliko la hombe, li chikela ni le matilweni,+Ni kutsumbeka ka wena ku chikela ni le marefini.
5 O Nungungulu, ngha u tlakuswa hehla ka matilo;Ngha a wudzundzo ga wena giva hehla ka misava yontlhe.+
6 Kasi a varandzekako va wena va tlhatlhiswa,Hi ponise hi canja ga wena ga cinene, niku ndzi hlamule.+
7 Nungungulu i wulawulile kubaseni kakwe,* aku:
“Ndzi ta kulungela, ndzi nyikela Xekemi+ ava tshomba,Niku ndzi ta pima a Nkova wa Sukote.+
8 Gileyadhe+ wa mina, a ku khwatsi hi Manase,Na Efrayime i kapasete* ga hloko ya mina;+Judha i nhonga ya mina ya wukomandante.+
9 Mowabhi i basiya ya mina yo hlambela.+
Hehla ka Edhomi, ndzi ta hoxa a sandalia ga mina.+
Hehla ka Filistiya, ndzi ta kanyuluka ndzi giya.”+
10 Himani a to ndzi yisa dhoropeni gi vhikelweko khwatsi ke?
Himani a to ndzi rangela kala Edhomi?+
11 A hi wena Nungungulu, wena loyi u hi tsikileko,A Nungungulu wa hina, loyi a nga ha humiko zvin’we ni mabutho ya hina ke?+
12 Hi vhune hlomulweni wa hina,+Hakuva a kuhanyisa ka munhu a ku vhuni nchumu.+
13 Hi ta kuma ntamu hi ka Nungungulu,+Niku yena i ta kandzihetela a valala va hina.+
Mitlhamuselo ya lahasi
^ Hi kukongoma: “hambu hi wudzundzo ga mina”.
^ Kutani: “Ndzi ta ku chayela muzka”.
^ Zvi nga maha na zvi wula ku: “wutshan’wini gakwe go basa”.
^ Hi kukongoma: “khokhola”.
