Tisimu 112:1-10
112 Dhumisani Jah!*+
א [álefe]
Wa tsaka munhu loyi a chavako Jehovha,+ב [bete]Loyi a yi tsakelako nguvhu a milayo yakwe.+
ג [guímel]
2 A pswalo wakwe wu tava ni ntamu laha misaveni,ד [dálete]Ni cizukulwana ca valulamileko ci ta katekiswa.+
ה [hê]
3 A titshomba ni wukosi zvi lomu ndlwini yakwe,ו [vau]Ni kululama kakwe ku simama kala kupindzuka.
ז [zaine]
4 Ka valulamileko, wa ngangamela a ku khwatsi kuwonekela lomu munyameni;+
ח [hete]
Wa zwela wusiwana, i na ni wuxinji,+ niku i lulamile.
ט [tete]
5 Loyi a pembisako hi matsenya zva mu fambela khwatsi.+
י [iode]
A zvilo zvakwe i zvi maha hi nongameto.
כ [cafe]
6 A nga ta tshuka a tsekatsekiswa.+
ל [lâmede]
A wakululama i ta alakanyiwa kala kupindzuka.+
מ [meme]
7 A nga ta chava a mahungu ya kubiha.+
נ [Nun]
A mbilu yakwe yi tiyile, yi tsumba Jehovha.+
ס [sâmeque]
8 A mbilu yakwe a yi bhikitani;* a nga chavi nchumu;+ע [aine]Hi kugumesa, i ta cuwuka valala vakwe na a giyagiya.+
פ [pê]
9 I avela na a nga feleli;* wa nyika zvisiwana.+
צ [Tsade]
A kululama kakwe ku simama kala kupindzuka.+
ק [cofe]
A ntamu* wakwe wu ta tlakuswa hi wudzundzo.
ר [rexe]
10 A wakubiha i ta zvi wona a swireka.
ש [chim]
I ta getsela a matino yakwe a n’walala.
ת [tau]
A kunavela ka wakubiha ku ta lova.+
Mitlhamuselo ya lahasi
^ Kutani: “Haleluya!” A ku “Jah” i vito gi komisilweko gaku Jehovha.
^ Kutani: “A mbilu yakwe yi tiyile”.
^ Kutani: “I avela hi matsenya; Wa hana”.
^ Hi kukongoma: “limhondzo”.