Tisimu 116:1-19
116 Ndza mu randza Jehovha,Hakuva wazwa* a gezu ga mina ni kukhongotela ka mina ka ku lava ku vhuniwa.+
2 Hakuva wa kangatela a ndleve yakwe ka mina.*+Ndzi ta khongela kakwe loku ndza ha hanya.*
3 A tingoti ta kufa ti ndzi tsondzele;A Cilahla ci ndzi pfinyile.*+
Ndzi hlulilwe hi kukarateka ni kubayiseka.+
4 Kanilezvi ndzi no khongela vitweni ga Jehovha,+ ndziku:
“O Jehovha, ndzi tlhatlhise!”*
5 Jehovha wa zwela wusiwana niku i lulamile;+A Nungungulu wa hina i na ni wuxinji.+
6 Jehovha wa hlayisa a cipumbu.+
Ndzi wa mbhelile ntamu, yena a ndzi ponisa.
7 A muhefemulo* wa mina wu wa humule kambe,Hakuva Jehovha i ndzi mahele wunene.
8 U ndzi tlhatlhisile* kufeni,U tlhatlhisa matihlo ya mina ka mihloti, ni mikondzo ya mina ka ku ti phinganyeta.+
9 Ndzi ta famba mahlweni ka Jehovha tikweni ga vahanyako.
10 Ndzi no kholwa, hikwalaho ndzi wulawulile.+Ndzi wa karatekile nguvhu.
11 Ndzi no jujeka kupima, ndziku:“A vanhu vontlhe vahembi.”+
12 Ndzi ta mu tlhelisela yini JehovhaHi kota ya wunene gontlhe legi a ndzi mahelako?
13 Ndzi ta teka a kopo ya kuhanyiswa,*Niku ndzi ta khongela vitweni ga Jehovha.
14 Ndzi ta tatisa a zvifungo zva mina ka JehovhaMahlweni ka vanhu vakwe vontlhe.+
15 A ko ku bayisa* mahlweni ka JehovhaA kufa ka vatsumbekileko vakwe.+
16 O Jehovha, ndza ku khongotela,Hakuva ndzi nandza ga wena.
Ndzi nandza ga wena, a n’wana wa nandza ga wena ga cisati.
U ndzi tlhatlhisile ka machini ya mina.+
17 Ndzi ta nyikela ka wena a muphahlo wa kubonga;+Ndzi ta khongela vitweni ga Jehovha.
18 Ndzi ta tatisa a zvifungo zva mina ka Jehovha+Mahlweni ka vanhu vakwe vontlhe,+
19 Lomu mitsendzeleni* ya yindlu ya Jehovha,+Cikari ka wena Jerusalema.
Dhumisani Jah!*+
Mitlhamuselo ya lahasi
^ Zvi nga maha na zvi wula ku: “Ndza randza hakuva Jehovha wazwa”.
^ Kutani: “wa korama kasi a ndzi ingisela”.
^ Hi kukongoma: “kakwe masikwini ya mina”.
^ Hi kukongoma: “A hlomulo wa Xeyole wu ndzi kumile”.
^ Kutani: “tlhatlhisa muhefemulo wa mina”.
^ Kutani: “U tlhatlhisile muhefemulo wa mina”.
^ Kutani: “kuhanyiswa ka hombe”.
^ Hi kukongoma: “Ka lisima”.
^ Kutani: “pátios”.
^ Kutani: “Haleluya!” A ku “Jah” i vito gi komisilweko gaku Jehovha.
