Tisimu 119:1-176
-
Ku bonga a mhaka ya lisima ya Nungungulu
-
‘A majaha ma nga yi basisisa kuyini a ndlela ya wona ke?’ (9)
-
“Ndza zvi randza a zvikhumbuxeto zva wena” (24)
-
“A ndzo ku wu randza a nayo wa wena!” (97)
-
“Ndzi tlharihile a ku hundza a vagondzisi va mina vontlhe” (99)
-
“A mhaka ya wena i kandiya mikondzweni ya mina” (105)
-
“A lisine hi cona ciseketelo ca mhaka ya wena” (160)
-
Lava va randzako a nayo wa Nungungulu va na ni kurula (165)
-
א [álefe]
119 Va tsaka lava va kalako nandzu* ndleleni yabye,Lava va fambako nayweni wa Jehovha.+
2 Va tsaka lava va hlayisako a zvikhumbuxeto zvakwe,+Lava va mu hlotako hi mbilu yabye yontlhe.+
3 A va mahi kungalulami;Va famba tindleleni takwe.+
4 U layile kuA zvileletelo zva wena zvi hlayisiwa khwatsi.+
5 Mayiwako loku ndzi wo simama ndzi tiyile*+Kasi ndzi fela ku hlayisa a milayo ya wena!
6 Ndzi wa nga tawa tingana+Laha ndzi ehleketako hi zvileletelo zva wena zvontlhe.
7 Ndzi ta ku dhumisa hi mbilu yi lulamilekoLaha ndzi gondzako a kulamula ka wena ko lulama.
8 Ndzi ta hlayisa a milayo ya wena.
U nga tshuki u ndzi tsikela magumo.
ב [bete]
9 A jaha gi nga yi basisisa kuyini a ndlela ya gona?
Hi ku ti wonela ni ku hlayisa a mhaka ya wena.+
10 Ndza ku hlota hi mbilu ya mina yontlhe.
U nga ndzi tsiki ndzi hambuka ka zvileletelo zva wena.+
11 Ndza hlayisa a timhaka ta wena mbilwini ya mina+Kasi ndzi nga ku wonheli.+
12 O Jehovha, ngha u dhumisiwa;Ndzi gondzise a milayo ya wena.
13 Hi minomu ya mina, ndza hlawutelaA kulamula ka wena kontlhe loku u ku wulileko.
14 Ndza tsakela a zvikhumbuxeto zva wena+A ku hundza tontlhe a titshomba tin’wani.+
15 Ndzi ta ehleketa hi* zvileletelo zva wena,+Ni ku veka matihlo ya mina tindleleni ta wena.+
16 Ndza yi randza a milayo ya wena.Ndzi nga ta rivala a mhaka ya wena.+
ג [guímel]
17 Gi mahele wunene a nandza ga wenaKasi ndzi hanya, ndzi hlayisa a mhaka ya wena.+
18 Vhulula a matihlo ya mina ndzi fela ku zvi wona khwatsiA zvilo zvo hlamalisa zvi nga nayweni wa wena.
19 Ndzova muluveli ntsena lomu tikweni.+
U nga ndzi fihleli a zvileletelo zva wena.
20 A muhefemulo* wa mina wafa hi ku navelaA kulamula ka wena contlhe cikhati.
21 Wena wa kawuka a vamatshandza,Lava va rukatelweko, va hambukako zvileletelweni zva wena.+
22 Susa ciruko ka mina ni kuchepeta,Hakuva ndza hlayisa a zvikhumbuxeto zva wena.
23 Hambu loku a tihosana ti tlhangana ti ndzi xuxela cikungo,A nandza ga wena gi ehleketa hi* milayo ya wena.
24 Ndza zvi randza a zvikhumbuxeto zva wena;+Hi zvona masungukati ya mina.+
ד [dálete]
25 Ndzi* khizamile ntshurini.+
Ndzi hlayise ndzi hanya hi kuya hi mhaka ya wena.+
26 Ndzi ku byelile a tindlela ta mina, wena u ndzi hlamula;Ndzi gondzise a milayo ya wena.+
27 Ndzi mahe ndzi zwisisa a* zvileletelo zva wena,Kasi ndzi fela ku ehleketa hi* mitiro ya wena yo hlamalisa.+
28 Ndzi* vhumala ni wurongo hi kukarateka.
Ndzi tiyise hi kuya hi mhaka ya wena.
29 Susa a ndlela ya mawunwa mahlweni ka mina,+Ndzi mahele wuxinji, u ndzi gondzisa a nayo wa wena.
30 Ndzi hlawulile a ndlela ya kutsumbeka.+
Ndza vhumela lezvaku a kulamula ka wena ku lulamile.
31 Ndza namarela ka zvikhumbuxeto zva wena.+
O Jehovha, u nga ndzi tsiki ndzi khunguvanyeka.*+
32 Ndzi ta hatlisela ku famba* ndleleni ya zvileletelo zva wenaHakuva wa zvi vhululela wutshamu mbilwini ya mina.*
ה [hê]
33 O Jehovha,+ ndzi gondzise a ndlela ya milayo ya wena;Ndzi ta yi landzela kala magumo.+
34 Ndzi nyike kupimisisa,Kasi ndzi landzela a nayo wa wena,Ndzi wu hlayisa hi mbilu ya mina yontlhe.
35 Ndzi rangele* ndleleni ya zvileletelo zva wena,+Hakuva ya ndzi tsakisa.
36 Kokela a mbilu ya mina ka zvikhumbuxeto zva wena,Yi ngayi kumbilukeleni.*+
37 Jikisa matihlo ya mina kasi ma nga woni zvilo zvi nga vhuniko nchumu;+Ndzi hlayise ndzi hanya ndleleni ya wena.
38 Tatisa a citsumbiso* ca wena ka nandza ga wenaKasi u fela ku chaviwa.*
39 Susa a tingana leti ndzi ti chavako,Hakuva a kulamula ka wena ku nene.+
40 Hi nga wona lezvi ndzi zvi randzisako zvona a zvileletelo zva wena!Ndzi hlayise ndzi hanya kululameni ka wena.
ו [vau]
41 O Jehovha, ngha ndzizwa a lirandzo la wena li nga mbheliko,+A kuhanyisa ka wena, hi kuya hi citsumbiso* ca wena;+
42 Makunu ndzi ta hlamula loyi a ndzi rukako,Hakuva ndza tsumba a mhaka ya wena.
43 U nga tshuki u susa a mhaka ya lisine non’wini wa mina,Hakuva ndzi tsumba* a kulamula ka wena.
44 Ndzi ta hlayisa a nayo wa wena contlhe cikhati,Kala kupindzuka ni kupindzuka.+
45 Ndzi ta famba wutshan’wini ga kurula,*+Hakuva ndza hlota a zvileletelo zva wena.
46 Ndzi ta wulawula hi zvikhumbuxeto zva wena mahlweni ka tihosi,Ndzi nga tawa tingana.+
47 Ndza zvi tsakela nguvhu a zvileletelo zva wena,Ina, ndza zvi randza.+
48 Ndzi ta tlakusa mandla ya mina ka zvileletelo zva wena lezvi ndzi zvi randzako;+Ndzi ta ehleketa hi* milayo ya wena.+
ז [zaine]
49 Alakanya a mhaka* ya wena ka nandza ga wena,Leyi hi ka yona u ndzi nyikako kutsumba.*
50 Loku kuchavelelwa ka mina kuxanisekeni ka mina,+Hakuva a timhaka ta wena ta ndzi hlayisa ndzi hanya.
51 A vamatshandza va ndzi poyilela nguvhu,Kanilezvi a ndzi hambuki nayweni wa wena.+
52 O Jehovha, ndza alakanya a kulamula ka wena ka kaleloko,+Niku ka ndzi tangalisa.+
53 Ndzi khomilwe hi zanga yi vhurako hi kota ya vakubihaLava va fularelako a nayo wa wena.+
54 A milayo ya wena hi tona tisimu ta minaNi kwihi ndzi tshamako kona.*
55 Ni wusiku, ndza alakanya a vito ga wena, O Jehovha,+Kasi ndzi hlayisa a nayo wa wena.
56 Ndzi hanyisa lezvo,Hakuva ndza hlayisa a zvileletelo zva wena.
ח [hete]
57 Jehovha ciavelo ca mina;+Ndzi tsumbisile ku hlayisa a timhaka ta wena.+
58 Ndza ku khongotela* hi mbilu ya mina yontlhe;+Ndzi mahele wuxinji+ hi kuya hi citsumbiso* ca wena.
59 Ndza hlola a tindlela ta mina,Kasi ndzi wuyisa a mikondzo ya mina ka zvikhumbuxeto zva wena.+
60 Ndza hatlisa niku a ndzi hlweliKu hlayisa a zvileletelo zva wena.+
61 A tingoti ta vakubiha ti ndzi tsondzeleKanilezvi a ndzi rivali a nayo wa wena.+
62 Laha cikari ka wusiku ndzi vhuka ndzi ku bonga+Hi kota ya kulamula ka wena ko lulama.
63 Ndzi munghana wa vontlhe lava va ku chavakoNi lava va hlayisako a zvileletelo zva wena.+
64 O Jehovha, a lirandzo la wena li nga mbheliko li tatile misava;+Ndzi gondzise a milayo ya wena.
ט [tete]
65 U gi khomile khwatsi a nandza ga wena,O Jehovha, hi kuya hi mhaka ya wena.
66 Ndzi gondzise a kupimisisa ni wutivi,+Hakuva ndza tsumba a zvileletelo zva wena.
67 Na ndzi nga se xaniseka, ndzi wa hambuka,*Kanilezvi zvezvi ndza hlayisa a timhaka ta wena.+
68 Wena u mu nene,+ ni mitiro ya wena yi nene.
Ndzi gondzise a milayo ya wena.+
69 A vamatshandza va ndzi fenengeta hi mawunwa,Kanilezvi mina ndza hlayisa a zvileletelo zva wena hi mbilu ya mina yontlhe.
70 A timbilu tabye ti tlanyele,*+Kanilezvi mina ndza wu randza a nayo wa wena.+
71 Zvive zvinene lezvi ndzi nga xaniseka,+Kasi ndzi gondza a milayo ya wena.
72 A nayo lowu u wu huweleleko wa ndzi vhuna+A ku hundza makume ya mazana ya maxekeli* ya ouro ni prata.+
י [iode]
73 A mandla ya wena ma ndzi mahile ma tlhela ma ndzi wumba.
Ndzi nyike a kupimisisa,Kasi ndzi gondza a zvileletelo zva wena.+
74 Lava va ku chavako va ndzi wona va tsaka,Hakuva a mhaka ya wena kutsumba ka mina.*+
75 O Jehovha, ndza zvi tiva lezvaku a kulamula ka wena ku lulamile,+Ni lezvaku u ndzi xanisile hi kota ya kutsumbeka ka wena.+
76 Ngha a lirandzo la wena li nga mbheliko+ li ndzi chavelelaKota lezvi u tsumbisileko a nandza ga wena.
77 Ndzi mahele wuxinji,kasi ndzi simama ndzi hanya,+Hakuva ndza wu randza a nayo wa wena.+
78 A vamatshandza va wa wisiwe tingana,Hakuva va ndzi xanisa mahala.*
Kanilezvi ndzi ta ehleketa hi* zvileletelo zva wena.+
79 Ngha lava va ku chavako va wuya ka mina,Lava va tivako a zvikhumbuxeto zva wena.
80 A mbilu ya mina yi ngavi ni nandzu laha ndzi landzelako a zvileletelo zva wena,+Kasi ndzi nga wisiwi tingana.+
כ [cafe]
81 Ndza navela a* kuhanyisa ka wena,+Hakuva a mhaka ya wena kutsumba ka mina.*
82 A matihlo ya mina ma xuva timhaka ta wena+Na ndziku: “U ta ndzi chavelela rini?”+
83 Hakuva ndzi fana ni nghotso yi womileko hi musi wa ndzilo,Kanilezvi a ndzi rivali milayo ya wena.+
84 A nandza ga wena ga ha ta rindzela masiku mangani?
U ta va lamula rini lava va ndzi xanisako ke?+
85 A vamatshandza va ndzi kelela mikele,Lava va lwako ni nayo wa wena.
86 Zvontlhe a zvileletelo zva wena zvi tsumbekile.A vanhu va ndzi xanisa mahala; ndzi vhune!+
87 Kutsongwani va wa lava ku ndzi lovisa laha misaveni,Kanilezvi a ndzi tsikangi a zvileletelo zva wena.
88 Ndzi hlayise ndzi hanya hi kota ya lirandzo la wena li nga mbheliko,Kasi ndzi hlayisa a zvikhumbuxeto lezvi u zvi wulileko.
ל [lâmede]
89 Kala kupindzuka, O Jehovha,A mhaka ya wena yi ta simama le matilweni.+
90 A kutsumbeka ka wena ku simama zvizukulwaneni zvontlhe.+
U yimisile misava yi tiya kasi yi simama yi yimile.+
91 Hi kota ya kulamula ka wena zvi* simama kala nyamutlha,Hakuva a zvilo zvontlhe zva ku tirela.
92 Loku ndzi wa nga randzi a nayo wa wena,Na ndzi lovile kuxanisekeni ka mina.+
93 Ndzi nga ta tshuka ndzi rivala a zvileletelo zva wena,Hakuva wa ndzi hlayisa hi zvona ndzi hanya.+
94 Ndzi lumba wena; ndzi ponise,+Hakuva ndzi hlotile a zvileletelo zva wena.+
95 A vakubiha va rindzela ku ndzi lovisa,Kanilezvi ndza demba ndleve ka zvikhumbuxeto zva wena.
96 Ndzi wonile ku zvontlhe zvi mbheleleko zvi na ni magumo,Kanilezvi a cileletelo ca wena a ci na magumo.*
מ [meme]
97 A ndzo ku wu randza a nayo wa wena!+
Ndzi ehleketa hi* wona a siku gontlhe.+
98 A cileletelo ca wena ci ndzi maha ndzi tlhariha a ku hundza a valala va mina,+Hakuva ci na mina kala kupindzuka.
99 Ndzi tlharihile a ku hundza a vagondzisi va mina vontlhe,+Hakuva ndza ehleketa hi* zvikhumbuxeto zva wena.
100 Ndzi na ni kuzwisisa ka hombe a ku hundza ni vakale,Hakuva ndza hlayisa a zvileletelo zva wena.
101 Ndza ala ku famba hi ndlela ya kubiha,+Kasi ndzi hlayisa a mhaka ya wena.
102 A ndzi hambuki kulamuleni ka wena,Hakuva u ndzi gondzisile.
103 A timhaka ta wena a to ku nandziha lirimini la mina,Ti tsombela ku hundza ni wulombe non’wini wa mina!+
104 Hi kota ya zvileletelo zva wena ndzi na ni kuzwisisa.+
Hikwalaho, ndza venga a tindlela tontlhe ta mawunwa.+
נ [nune]
105 A mhaka ya wena i kandiya mikondzweni ya mina,Ni kuwonekela ndleleni ya mina.+
106 Ndzi mahile cihlambanyo, niku ndzi ta ci tatisa:Ndzi ta hlayisa a kulamula ka wena ko lulama.
107 Ndzi wa karatekile nguvhu.+
O Jehovha, ndzi hlayise ndzi hanya hi kuya hi mhaka ya wena.+
108 O Jehovha, xalaliswa hi minyikelo ya mina ya kuzvirandza ya kudhumisa,*+U ndzi gondzisa a kulamula ka wena.+
109 A wutomi* ga mina gi mhangweni contlhe cikhati,*Kanilezvi a ndzi rivali a nayo wa wena.+
110 A vakubiha va ndzi dembele ntlhamu,Kanilezvi a ndzi hambuki ka zvileletelo zva wena.+
111 A zvikhumbuxeto zva wena i tshomba ya mina ya kala kupindzukaHakuva zva tsakisa a mbilu ya mina.+
112 Ndzi bohile a* ku ingisa a milayo ya wenaContlhe cikhati, kala magumo.
ס [sâmeque]
113 Ndza venga lava va nga ni timbilu timbiri,+Kanilezvi ndzi randza a nayo wa wena.+
114 Wena u wutumbelo ga mina ni citlhangu ca mina,+Hakuva a mhaka ya wena kutsumba ka mina.*+
115 Fambelani kule na mina, n’wina vanhu vakubiha,+Kasi ndzi hlayisa a zvileletelo zva Nungungulu wa mina.
116 Ndzi seketele kota lezvi u tsumbisileko,*+Kasi ndzi simama ndzi hanya;U nga tsiki a kutsumba ka mina ku hundzuluka kuva tingana.*+
117 Ndzi seketele kasi ndzi poniswa;+Contlhe cikhati ndzi ta veka kupima ka mina milayweni ya wena.+
118 Wena wa fularela vontlhe lava va hambukako milayweni ya wena,+Hakuva vahembi ni vakanganyisi.
119 U hoxa vontlhe vakubiha va laha misaveni a ku khwatsi manyelo* ma nga vhuniko nchumu.+
Hikwalaho, ndza zvi randza a zvikhumbuxeto zva wena.
120 A miri wa* mina wa rurumela hi ku chava wena;Ndza chava a kulamula ka wena.
ע [aine]
121 Ndzi maha zvazvinene ni zvakululama.
U nga ndzi tsiki ndzi wela mandleni ya vaxanisi va mina!
122 Tsumbisa ku hlayisa a nandza ga wena;A vamatshandza va nga ndzi xanisi.
123 A matihlo ya mina ma karele, na ma rindzela a kuhanyisa ka wena+Ni citsumbiso* ca wena co lulama.+
124 Gi kombe lirandzo la wena li nga mbheliko a nandza ga wena,+U ndzi gondzisa a milayo ya wena.+
125 Ndzi nandza ga wena; ndzi nyike kuzwisisa,+Kasi ndzi tiva a zvikhumbuxeto zva wena.
126 Ci chikele a cikhati ca ku Jehovha a tira,+Hakuva va tshovile a nayo wa wena.
127 Hikwalaho, ndza zvi randza a zvileletelo zva wenaA ku hundza ouro, ina, hambu a ouro yi hlutilweko.+
128 Hikwalaho, ndzi wona a gondziselelo* yontlhe ya wena kota yo lulama;+Ndza venga a tindlela tontlhe ta mawunwa.+
פ [pê]
129 A zvikhumbuxeto zva wena zva hlamalisa.
Hikwalaho, ndza zvi ingisa.*
130 A kuvhululwa ka timhaka ta wena ku neha kuwonekela,+Ku nyika kupimisisa ka lava va nga tlharihangiko.+
131 Ndza vhulula a nomu wa mina ndzi hefemuteka,Hakuva ndza zvi donela mari a zvileletelo zva wena.+
132 Hundzuluka u ndzi mahela wuxinji,+Hi kuya hi kulamula ka wena loku u mahelako lava va randzako a vito ga wena.+
133 Ma rangele khwatsi* a mazambo ya mina hi timhaka ta wena;Ngha ku nga hi na nchumu wa kubiha wu ndzi fumelako.+
134 Ndzi tlhatlhise ka vanhu va ndzi xanisako,Ndzi ta hlayisa a zvileletelo zva wena.
135 Maha nghohe ya wena yi woningela* a nandza ga wena,+U tlhela u ndzi gondzisa a milayo ya wena.
136 A matihlo ya mina ma khulunga mihlotiHakuva a vanhu a va hlayisi a nayo wa wena.+
צ [tsadê]
137 O Jehovha, wena u lulamile,+Ni kulamula ka wena ku lulamile.+
138 A zvikhumbuxeto lezvi u nyikako zvi lulamileNiku zva tsumbeka hi kumbhelela.
139 A kutitsitsirita ka mina ka ndziga,+Hakuva a valala va mina va rivele a timhaka ta wena.
140 A timhaka ta wena ti basile nguvhu,*+Ni nandza ga wena ga ti randza.+
141 A ndzi wa nchumu niku ndza chepetiwa;+Hambulezvo, a ndzi rivali a zvileletelo zva wena.
142 A kululama ka wena ku lulamile kala kupindzuka,+Ni nayo wa wena lisine.+
143 Hambu lezvi a hlomulo ni zvikarato zvi ndzi welako,A ndzi tsiki ku randza a zvileletelo zva wena.
144 A kululama ka zvikhumbuxeto zva wena ka pindzukelwa.Ndzi nyike kuzwisisa+ kasi ndzi simama ndzi hanya.
ק [cofe]
145 Ndza khongela hi mbilu ya mina yontlhe. Ndzi hlamule, O Jehovha.
Ndzi ta hlayisa a milayo ya wena.
146 Ndza khongela ka wena; ndzi ponise!
Ndzi ta hlayisa a zvikhumbuxeto zva wena.
147 Ndzi khindlimuka na gi nga seca, ndzi rila ndzi kombela ku vhuniwa,+Hakuva a timhaka ta wena kutsumba ka mina.*
148 A matihlo ya mina ma hanyanya a wusiku na gi nga se chikela cikari,Kasi ndzi ehleketa* hi timhaka ta wena.+
149 Zwana a gezu ga mina hi kota ya lirandzo la wena li nga mbheliko.+
O Jehovha, ndzi hlayise ndzi hanya hi kota ya kululama ka wena.
150 Lava va mahanyela ya tingana* va tshinela kusuhani;Va kule nguvhu ni nayo wa wena.
151 O Jehovha, wena u kusuhani,+Niku zvontlhe zvileletelo zva wena lisine.+
152 Kale na ndzi gondzile a zvikhumbuxeto zva wena,Lezvi u zvi yimisileko kasi zvi simama kala kupindzuka.+
ר [rexe]
153 Cuwuka a kuxaniseka ka mina u ndzi tlhatlhisa,+Hakuva a ndzi rivali a nayo wa wena.
154 Ndzi yimele* u ndzi tlhatlhisa;+Ndzi hlayise ndzi hanya hi kuya hi citsumbiso* ca wena.
155 A kuhanyiswa ku kule ni vakubiha,Hakuva a va hloti a milayo ya wena.+
156 O Jehovha, a wuxinji ga wena ga hombe.+
Ndzi hlayise ndzi hanya hi kuya hi kululama ka wena.
157 A vaxanisi va mina ni valala va mina va tele;+Kanilezvi a ndzi hambuki ka zvikhumbuxeto zva wena.
158 Ndzi cuwuka a vakanganyisi ndzi hlamuka,Hakuva a va hlayisi a timhaka ta wena.+
159 Hi nga wona lezvi ndzi zvi randzisako zvona a zvileletelo zva wena!
O Jehovha, ndzi hlayise ndzi hanya hi kota ya lirandzo la wena li nga mbheliko.+
160 A lisine hi cona a ciseketelo ca mhaka ya wena,+Ni kulamula kontlhe ka wena ko lulama ku simama kala kupindzuka.
ש [sim kutani chim]
161 A tihosana ti ndzi xanisa+ mahala,Kanilezvi a mbilu ya mina yi chava a timhaka ta wena.+
162 Ndza tsakiswa hi timhaka ta wena+A ku khwatsi munhu a kumako muphango wa hombe.
163 Ndza venga mawunwa, ina, ma ndzi nyenyeza;+Ndza randza a nayo wa wena.+
164 Ndzi ku dhumisa a 7 wa makhati hi sikuHi kota ya kulamula ka wena ko lulama.
165 Lava va randzako a nayo wa wena va na ni kurula ka hombe;+A ku na ca ku va khunguvanyisa.
166 O Jehovha, ndzi tsumba a mitiro ya wena ya kuhanyisa,Niku ndza hlayisa a zvileletelo zva wena.
167 Ndza* hlayisa a zvikhumbuxeto zva wena,Niku ndza zvi randza nguvhu.+
168 Ndza hlayisa a zvileletelo zva wena ni zvikhumbuxeto zva wena,Hakuva wa zvi tiva zvontlhe lezvi ndzi mahako.+
ת [tau]
169 O Jehovha, ngha a kurila ka mina ko lava ku vhuniwa ku chikela ka wena.+
Ndzi nyike kuzwisisa hi kuya hi mhaka ya wena.+
170 A cikombelo ca mina ca ku lava ku mahelwa wuxinji ci wa chikele ka wena.
Ndzi ponise kota lezvi u nga tsumbisa.*
171 A minomu ya mina yi wa tale yi tlhela yi halakela hi kudhumisa,+Hakuva wa ndzi gondzisa a milayo ya wena.
172 Ngha a lirimi la mina li yimbelela a mhaka ya wena,+Hakuva zvontlhe a zvileletelo zva wena zvi lulamile.
173 A canja ga wena gi wa tshame na gi longile ku ndzi vhuna,+Hakuva ndzi hlawulile ku ingisa a zvileletelo zva wena.+
174 O Jehovha, ndza xuva a kuhanyisa ka wena,Niku ndza wu randza a nayo wa wena.+
175 Ndzi tsike ndzi* hanya ndzi fela ku ku dhumisa;+A kulamula ka wena ku wa ndzi vhune.
176 Ndzi hambukile a ku khwatsi i yivhu yi lahlekileko.+ Lavetela a nandza ga wena,Hakuva a ndzi rivalangi a zvileletelo zva wena.+
Mitlhamuselo ya lahasi
^ Kutani: “lava va hanyako hi kutsumbeka”.
^ Hi kukongoma: “Mayiwako loku a tindlela ta mina ti wo yimisiwa ti tiya”.
^ Kutani: “gondza a”.
^ Kutani: “gi gondza a”.
^ Kutani: “A muhefemulo wa mina wu”.
^ Kutani: “gondza a”.
^ Kutani: “gondza a”.
^ Kutani: “A muhefemulo wa mina wu”.
^ Kutani: “ndzi wisiwa tingana”.
^ Hi kukongoma: “Ndzi ta tsutsumela”.
^ Zvi nga maha na zvi wula ku: “wa tiyisa a mbilu ya mina”.
^ Kutani: “Ndzi fambise”.
^ Kutani: “mabhindzwini”.
^ Kutani: “mhaka”.
^ Zvi nga maha na zvi wula ku: “Leci u ci tsumbisako lava va ku chavako”.
^ Kutani: “mhaka”.
^ Kutani: “rindzela”.
^ Kutani: “wutshan’wini go anama”.
^ Kutani: “gondza a”.
^ Kutani: “citsumbiso”.
^ Kutani: “u ndzi mahileko ndzi rindzela”.
^ Kutani: “Ndlwini leyi ndzi luvelako ka yona”.
^ Kutani: “Ndza olovisa (hlota kun’wayitela ka) nghohe ya wena”.
^ Kutani: “mhaka”.
^ Kutani: “ndzi wa wonha hi kuphazama”.
^ Hi kukongoma: “a tizwi nchumu a ku fana ni mafura”.
^ Kutani: “Hakuva ndza rindzela a mhaka ya wena”.
^ Zvi nga maha na zvi wula ku: “hi mawunwa”.
^ Kutani: “gondza a”.
^ Kutani: “A muhefemulo wa mina wa khanyana hi ku lava”.
^ Kutani: “Hakuva ndza rindzela a mhaka ya wena”.
^ Ku nga zvontlhe a zvi vangileko.
^ Hi kukongoma: “ci anamile nguvhu”.
^ Kutani: “gondza”.
^ Kutani: “gondza a”.
^ Hi kukongoma: “hi minyikelo ya kuzvirandza ya nomu wa mina”.
^ Kutani: “muhefemulo”.
^ Kutani: “Ndzi tshama na ndzi welele a muhefemulo wa mina”.
^ Hi kukongoma: “Ndzi kangatele a mbilu ya mina kasi”.
^ Kutani: “Hakuva ndza rindzela a mhaka ya wena”.
^ Kutani: “u nga wula”.
^ Kutani: “ku wisiwa tingana”.
^ A manyelo i chaka legi gi humako loku ku nyekisiwa simbi.
^ Hi kukongoma: “A nyama ya”.
^ Kutani: “mhaka”.
^ Kutani: “cileletelo”.
^ Kutani: “a muhefemulo wa mina wa zvi ingisa”.
^ Kutani: “Tiyisa”.
^ Kutani: “hlekela”.
^ Kutani: “ti hlolilwe hi kumbhelela ndzilweni”.
^ Kutani: “Hakuva ndza rindzela a timhaka ta wena”.
^ Kutani: “gondza”.
^ Kutani: “mahanyela yo nyenyeza”.
^ Kutani: “Xuxa a mhaka ya mina”.
^ Kutani: “mhaka”.
^ Kutani: “A muhefemulo wa mina wa”.
^ Kutani: “u nga wula”.
^ Kutani: “Tsika muhefemulo wa mina wu”.