Tisimu 12:1-8
-
Jehovha a suka a maha cokari
-
A timhaka ta Nungungulu ti basile (6)
-
Ka muchuli; yi finarilweko yiya ka xeminite.* Lisimu la Dhavhidha.
12 O Jehovha, ndzi ponise, hakuva a ka ha hi na munhu wo tsumbeka;A vanhu vo tsumbeka va fuvile cikari ka vanhu.
2 Va hembelana mawunwa;Va fayelisela hi minomu yabye, ni ku wulawula hi timbilu ti kanganyisako.+
3 Jehovha i ta tsema a minomu yontlhe yi fayeliselako,Ni lirimi li ti kulisako nguvhu,+
4 Lava va nge: “Hi ta hlula hi tirimi ta hina,
Hi maha kurandza hi minomu ya hina;Himani a tova hosi ya hina ke?”+
5 “Kota lezvi a vavhumali va xanisiwako,Ni lezvi a zvisiwana zvi ketako,+Ndzi ta suka ndzi maha cokari”, ku wula Jehovha.
“Ndzi ta va ponisa ka lava va va chepetako.”*
6 A timhaka ta Jehovha ti basile;+Ti fana ni prata yi hlutilweko lomu ka ndzhimbo wa wumba,* yi basisiwa a 7 wa makhati.
7 O Jehovha, wena u ta va hlayisa;+U ta vhikela a mun’we ni mun’wani wabye kusukela ka cizukulwana leci kala kupindzuka.
8 A vakubiha va fambafamba kontlhe na va tlhatlhekileHakuva a vana va vanhu va vhuvhumisa a zvilo zva tingana.+
Mitlhamuselo ya lahasi
^ Kutani: “va va buvhetako hi ntamu”.
^ Kutani: “fornalha”. Zvi nga maha na zvi wula ku: “ndzhimbo wa ku nyekisa wu nga lahasi”.
