Tisimu 135:1-21
135 Dhumisani Jah!*
Dhumisani a vito ga Jehovha;Mu dhumiseni, n’wina malandza ya Jehovha,+
2 N’wina lava mu yimako lomu ndlwini ya Jehovha,Lomu mitsendzeleni* ya yindlu ya Nungungulu wa hina.+
3 Dhumisani Jah, hakuva Jehovha mu nene.+
Yimbelelani a tisimu ta ku dhumisa* a vito gakwe hakuva ga tsakisa.
4 Hakuva Jah i ti hlawulele Jakobe,Ina, Izrayeli kota tshomba yakwe yo hlawuleka.*+
5 Hakuva ndza zvi tiva khwatsi lezvaku Jehovha wa hombe;A Hosi ya hina ya hombe a ku hundza a vanungungulu vontlhe lava van’wani.+
6 Jehovha i maha zvontlhe zvi mu tsakisako,+Le tilweni ni laha misaveni, lomu mabimbini ni lomu kueteni kontlhe.
7 I maha marefu* ma tlakukela hehla hi le magemeta-musi ya misava;I hatimisa a tilo* kasi kuna vhula,A tlhela a neha moya hi lomu matshaleni yakwe.+
8 I dele a matewula ya Gibhite,A ya vanhu ni ya zvihari.+
9 I mahile zvikombiso ni zvihlamaliso cikari ka wena Gibhite,+Hehla ka Faro ni malandza yakwe wontlhe.+
10 I hlasele matiko yo tala,+A daya tihosi ta ntamu:+
11 Sihoni, a hosi ya vaAmori,+Na Ogi, a hosi ya Bhaxani,+Ni yontlhe mifumo ya Khanani.
12 I nyikele tiko gabye giva tshomba,A tshomba ya Izrayeli, a vanhu vakwe.+
13 O Jehovha, a vito ga wena gi simama kala kupindzuka.
O Jehovha, a nduma* ya wena yi simama zvizukulwaneni zvontlhe.+
14 Hakuva Jehovha i ta lwela a* vanhu vakwe;+I ta ma zwela wusiwana a* malandza yakwe.+
15 A zvifananiso zva matiko i prata ni ouro,A ntiro wa mandla ya vanhu.+
16 Zvi na ni minomu, kanilezvi a zvi wulawuli;+A matihlo zvi nawo, kanilezvi a zvi woni;
17 Zvi na ni tindleve, kanilezvi a zvizwi nchumu.
A zvi hefemuli hi minomu ya zvona.+
18 Lava va zvi mahako va ta fana nazvo,+Ni vontlhe lava va zvi tsumbako.+
19 Wena yindlu ya Izrayeli, dhumisa Jehovha.
Wena yindlu ya Aroni, dhumisa Jehovha.
20 Wena yindlu ya Levhi, dhumisa Jehovha.+
N’wina lava mu chavako Jehovha, dhumisani Jehovha.
21 Ngha Jehovha a dhumiswa le Ziyoni,+Loyi a tshamako Jerusalema.+
Dhumisani Jah!+
Mitlhamuselo ya lahasi
^ Kutani: “Haleluya!” A ku “Jah” i vito gi komisilweko gaku Jehovha.
^ Kutani: “pátios”.
^ Kutani: “Gi chayeleni muzka”.
^ Kutani: “ya lisima”.
^ Kutani: “cikuhe”.
^ Zvi nga maha na zvi wula ku: “I vhulula tinyangwa”.
^ Kutani: “vito”. Hi kukongoma: “cialakanyiso”.
^ Kutani: “I ta ti laya hi kota ya”.
^ Kutani: “i ta yimela a mhaka ya”.
