Tisimu 139:1-24
Ka muchuli. Lisimu la Dhavhidha.
139 O Jehovha, wena wa ndzi hlola niku wa ndzi tiva.+
2 Wa zvi tiva loku ndzi tshama ni loku ndzi suka ndzi yima.+
U tiva a maalakanyo ya mina na u hi kule.+
3 Wa ndzi cuwukisela* loku ndzi famba ni loku ndzi etlela;Tontlhe a tindlela ta mina wa ti tiva khwatsi.+
4 Hambu loku ku nga seva ni gezu lirimini la mina,Wena Jehovha u sina u gi tiva khwatsi.+
5 Wa ndzi randzela le ndzhako ni le phambeni ka mina;U tlhela u tlhateka a canja ga wena hehla ka mina.
6 A wutivi lego ga hombe a ku hundza a hloko ya mina.*
Gi tlakukile nguvhu ka mina kasi ndzi gi kumela.*+
7 Ndzi ngaya kwihi kasi ndzi huluka ka moya wa wena ke?Kona ndzi nga tsutsuma nghohe ya wena ndziya kwihi?+
8 Loku ndzi wo tlakukela tilweni, u wa tava kwaseyo,Ni loku ndzi wo etlela Cilahleni,* ni kwaseyo kambe u wa tava kona.+
9 Loku ndzi wo puruma tipapeni ta wurongaKasi ndzi ya tshama bimbini ga le kule nguvhu,
10 Hambu kwaseyo a canja ga wena gi wa ta ndzi rangela,Ni canja ga wena ga cinene gi wa ta ndzi khoma.+
11 Loku ndziku: “Hakunene a munyama wu ta ndzi fihla!”
Makunu a wusiku legi gi ndzi randzeleko gi wa tava kuwonekela.
12 Hambu a munyama wu wa nga ta phuma nguvhu ka wena,Ni wusiku gi wa ta wonekela a ku khwatsi i hlikanhi;+Ka wena, a munyama wu fana ni kuwonekela.+
13 Hakuva u mahile a tiswa ta mina;U ndzi fihlile* khwirini ga mamani.+
14 Ndza ku dhumisa hakuva ndzi mahilwe hi ndlela yo hlamalisa nguvhu.+
A mitiro ya wena ya hlamalisa,+Ndza* zvi tiva khwatsi lezvo.
15 A marambu ya mina ma wa nga ku fihlalelangiLaha ndzi nga mahiwa cihundleni,A cikhati leci ndzi nga lukiwa kueteni ka misava.+
16 A matihlo ya wena ma ndzi wonile na ndza ha sangula ku wumbiwa;Zvontlhe a zviro zva mina zvi wa tsalilwe bhukwini ga wenaXungetano hi masiku lawa zvi nga wumbiwa hi wona,Ne cin’we ca zvona na ci nga seva kona.
17 Hikwalaho, a maalakanyo ya wena ya lisima nguvhu ka mina!+O Nungungulu, a ntsengo wa wona wa hombe nguvhu!+
18 Loku ndzi zama ku ma hlayela, ma hundza ni tindzhoho ta misava hi kutala.+
Loku ndzi khindlimuka, ndza hi na wena.*+
19 O Nungungulu, loku ku wo khwatsi wa daya vakubiha!+
A vanhu va tihanyi* va wa ta suka ka mina,
20 Lava va wulawulako kubiha hi wena hi kungo ga hava;Vona valala va wena lava va hlakanako hi vito ga wena.+
21 O Jehovha, a ndzi va vengi lava va ku vengako ke?+A ndzi hlamukiswi hi lava va ku vhukelako ke?+
22 Ndza va venga nguvhu;+Va mahile valala va mina.
23 O Nungungulu, ndzi hlole u tiva mbilu ya mina.+
Ndzi kambe u tiva kukarateka ka maalakanyo ya mina.*+
24 Cuwuka u wona ku kani ndza famba hi ndlela ya kubiha ke,+U ndzi rangela+ ndleleni ya pindzukelwa.
Mitlhamuselo ya lahasi
^ Hi kukongoma: “pima”.
^ Kutani: “a ndzi zvi koti ni ku gi pima”.
^ Kutani: “ga ndzi hlamalisa nguvhu”.
^ Kutani: “Xeyole”, ku nga cilahla ca vanhu vontlhe. Wona Tlhamuselo wa magezu ya Bhibhiliya.
^ Zvi nga maha na zvi wula ku: “wumbile”.
^ Kutani: “A muhefemulo wa mina wa”.
^ Zvi nga maha na zvi wula ku: “ndzi wa ta ngha ndza ha ma hlayela”.
^ Kutani: “va nandzu wa nkhata”.
^ Kutani: “a maalakanyo ya mina ma karatekileko”.