Tisimu 140:1-13
Ka muchuli. Lisimu la Dhavhidha.
140 O Jehovha, ndzi tlhatlhise ka vakubiha;Ndzi vhikele ka vanhu va tihanyi,+
2 Lava va xuxako cikungo co biha timbilwini tabye+Va vhuxa kungazwanani gontlhe siku.
3 Va lota lirimi labye li fana ni la nyoka;+A wuxungu ga maphiri gi minon’wini yabye.+ (Sela)
4 O Jehovha, ndzi vhikele mandleni ya vakubiha;+Ndzi ponise ka vanhu va tihanyi,Lava va xuxako cikungo ca ku ndzi phinganyeta.
5 A vamatshandza va fihlile ntlhamu kasi va ndzi phasa;Va gwimbile likoka* hi tingoti mbhirini ya ndlela.+
Va ndzi dembele mitlhamu.+ (Sela)
6 Ndzi ngalo ka Jehovha: “Wena u Nungungulu wa mina.
O Jehovha, ndzi ingisele, uzwa kukhongotela ka mina ka ku lava ku vhuniwa.”+
7 O Jehovha, Hosi ya Hombe, a Muhanyisi wa mina wa ntamu,Wena wa vhikela a hloko ya mina hi siku ga yimpi.+
8 O Jehovha, u nga nyiki a vakubiha lezvi va zvi navelako.
U nga tsiki a zvikungo zvabye zvi pasa, kasi va nga tlakusiwi.+ (Sela)
9 Ngha a tihloko ta lava va ndzi randzelakoTi fenengetwa hi kubiha loku ku wulawuliwako hi minomu yabye.+
10 Ngha va nelwa hi makhala ya ndzilo.+
Va wa hoxelwe ndzilweni,Mikeleni yo eta,*+ va nga ha vhuki kambe.
11 Ngha a muhlevi a nga kumi wutshamu laha misaveni.+
A kubiha ku wa hlongolisele a vanhu va tihanyi ku va lovisa.
12 Ndza zvi tiva lezvaku Jehovha i ta lwela muvhumali,Ni ku zvi mahela kululama a zvisiwana.+
13 Hakunene a vakululama va ta bonga a vito ga wena;A valulamileko va ta tshama mahlweni ka nghohe ya wena.+
