Lisimu 142:1-7
Maxili* ya Dhavhidha a cikhati leci a nga hi lomu mhakweni.+ Mukhongelo.
142 Hi gezu ga mina ndza rila ka Jehovha ndzi kombela ku vhuniwa;+Hi gezu ga mina ndza khongotela Jehovha kasi a ndzi mahela wuxinji.
2 Ndza chulula a kukarateka ka mina mahlweni kakwe;Ndza wula zvikarato zva mina mahlweni kakwe+
3 Laha a moya* wa mina wu rerekako ndzeni ka mina.
Wena wa wonelela a ndlela ya mina.+
Ndleleni leyi ndzi fambako hi yona,Va fihla ntlhamu kasi va ndzi phasa.
4 Cuwuka reveni ga mina ga cinene u wonaLezvaku i hava a khatalako hi mina.*+
A ndzi na ka ku tsutsumela kona;+I hava a nga ni mhaka na mina.*
5 O Jehovha, ndza khongela ka wena ndzi kombela ku vhuniwa.
Ndzi ngalo: “Wena u wuchavelo ga mina,+A ciavelo ca mina tikweni ga vahanyako.”
6 Demba ndleve, uzwa kurila ka mina u ndzi vhuna,Hakuva ndzi tsongahatilwe nguvhu.
Ndzi tlhatlhise ka lava va ndzi xanisako+Hakuva va ndzi hundza hi ntamu.
7 Ndzi humese* lomu paxweniKasi ndzi dhumisa a vito ga wena.
Ngha a kululama ku ndzi randzelaHakuva wena wa ndzi mahela wunene.
Mitlhamuselo ya lahasi
^ Kutani: “ntamu”.
^ Hi kukongoma: “a ndzi tivako”.
^ Kutani: “ni muhefemulo wa mina”.
^ Kutani: “Humesa muhefemulo wa mina”.
