Tisimu 143:1-12
Lisimu la Dhavhidha.
143 O Jehovha, zwana mukhongelo wa mina;+Zwana kukhongotela ka mina ka ku lava ku vhuniwa.
Ndzi hlamule kutsumbekeni ka wena ni kululameni ka wena.
2 U nga ngheni kulamuleni ni nandza ga wena,Hakuva i hava cikari ka vahanyako a nga lulamako mahlweni ka wena.+
3 Hakuva a nala wa ndzi hlongolisela;*I kandzihetele wutomi ga mina lahasi.
I ndzi kurumetile ku tshama munyameni a ku khwatsi hi lava va fileko kale.
4 A moya* wa mina wa rereka;+A mbilu ya mina yi tsindzivele ndzeni ka mina.+
5 Ndza alakanya masiku ya kaleloko;Ndzi ehleketa hi mitiro ya wena yontlhe;+Ndza pimisisa* hi ntiro wa mandla ya wena.
6 Ndza nawuluta a mandla ya mina ka wena;Ndzi* na ni tora ga wena a ku fana ni misava yi womileko.+ (Sela)
7 O Jehovha, hatlisa u ndzi hlamula;+A ntamu* wa mina wu mbhelile.+
U nga ndzi fihleli a nghohe ya wena,+Ndzi nga fana ni lava va relelako nkeleni.*+
8 Ni mixo, ndzi mahe ndzizwa lirandzo la wena li nga mbheliko,Hakuva ndzi tsumba wena.
Ndzi tivise a ndlela leyi ndzi faneleko ku famba hi yona,+Hakuva ndzi cuwukela wena.*
9 O Jehovha, ndzi tlhatlhise ka valala va mina.
Ndzi hlota ku vhikelwa hi wena.+
10 Ndzi gondzise a ku maha a kurandza ka wena,+Hakuva wena u Nungungulu wa mina.
A moya wa wena wu nene;Ngha wu ndzi rangela tikweni gi lulamileko.
11 O Jehovha, ndzi hlayise ndzi hanya hi kota ya vito ga wena.
Ndzi tlhatlhise* zvikaratweni hi kota ya kululama ka wena.+
12 Fuvisa* a valala va mina hi kota ya lirandzo la wena li nga mbheliko;+Lovisa vontlhe lava va ndzi xanisako,*+Hakuva mina ndzi nandza ga wena.+
Mitlhamuselo ya lahasi
^ Kutani: “wa hlongolisela a muhefemulo wa mina”.
^ Kutani: “ntamu”.
^ Kutani: “gondza”.
^ Kutani: “A muhefemulo wa mina wu”.
^ Kutani: “cilahleni”.
^ Hi kukongoma: “moya”.
^ Kutani: “ndza tlakusa a muhefemulo wa mina ka wena”.
^ Kutani: “Tlhatlhisa muhefemulo wa mina”.
^ Hi kukongoma: “Miyeta”.
^ Kutani: “va xanisako muhefemulo wa mina”.
