Tisimu 144:1-15
Lisimu la Dhavhidha.
144 Jehovha, a Ribye ga mina,+ i wa dhumiswe,Loyi a gondzisako a mandla ya mina a kulwa,Ni titiho ta mina a kulwa yimpi.+
2 Hi yena lirandzo la mina li nga mbheliko ni khokhola ga mina,A wuchavelo ga mina go tiya* ni mutlhatlhisi wa mina,A citlhangu ca mina, loyi ndzi chavelako kakwe,+Loyi a khozisako a matiko lahasi ka mina.+
3 O Jehovha, cini munhu wo kala u mu cuwuka,Ni n’wana wa munhu wo kala u mu khatalela ke?+
4 A munhu i fana ni kuhefemula ntsena;+A masiku yakwe ma fana ni ndzhuti wu hundzako.+
5 O Jehovha, releta* a matilo ya wena u chika;+Henya a zvitsunga zvi tuvika musi.+
6 Vanga a kuhatima, u hangalasa a valala;+Phanda a mipaxa ya wena, u va juja kupima.+
7 Nawuluta a mandla ya wena hi le hehla;Ndzi tlhatlhise, u ndzi ponisa matini ma vhindlukileko,Canjeni ga* vamatiko,+
8 Lava a minomu yabye yi wulawulako mawunwa,Ni lava va tlakusako a canja gabye ga cinene va hlambanya mawunwa.*
9 O Nungungulu, ndzi ta yimbelela lisimu liswa ka wena.+
Ndzi ta yimbelela a tisimu ka wena ndzi ku dhumisa* na ku biwa a cichaya-chaya ca 10 wa tingoti,
10 Wena loyi u nyikako a kuhlula* ka tihosi,+Wena loyi u tlhatlhisako a nandza ga wena Dhavhidha ka cipadha ci dayako.+
11 Ndzi tlhatlhise u ndzi ponisa canjeni ga vamatiko,Lava a minomu yabye yi wulawulako mawunwaNi lava va tlakusako a canja gabye ga cinene va hlambanya mawunwa.
12 Makunu a vafana va hina va ta ku khwatsi tisinya tiswa leti ti kulako hi kuhatlisa,Ni vanhanyana va hina va ta ku khwatsi mapilari ya makhona ma sasekisako a yindlu ya wuhosi.
13 A matshala ya hina ma ta halakela hi zvakuga zva tixaka tontlhe,Ni mitlhambi ya hina lomu mafusini ya hina yi ta pswalelana hi makume ya mazana, ina, hi makume ya makume ya mazana.
14 A tihomu ta hina leti ti nga ni tinyimba ti nga ta kumana ni mhango kutani ku handla;Ku nga ta zwala cirilo ca kukarateka lomu maprasa* ya hina.
15 Va tsaka a vanhu lava va ti buzako hi zvontlhe lezvo!
Va tsaka a vanhu lava a Nungungulu wabye ku nga Jehovha!+
Mitlhamuselo ya lahasi
^ Kutani: “Khokhola ga mina gi tlakukileko”.
^ Kutani: “koramisa”.
^ Kutani: “Ntan’wini wa”.
^ Hi kukongoma: “Ni canja gabye ga cinene i canja ga cinene ga mawunwa”.
^ Kutani: “Ndzi ta ku chayela muzka”.
^ Kutani: “kuhanyisa”.
