Tisimu 145:1-21
Lisimu la Dhavhidha la kudhumisa.
א [álefe]
145 Ndzi ta ku tlakusa wena Hosi, wena Nungungulu wa mina;+Ndzi ta dhumisa a vito ga wena kala kupindzuka ni kupindzuka.+
ב [bete]
2 Ndzi ta ku dhumisa gontlhe siku;+Ndzi ta dhumisa a vito ga wena kala kupindzuka ni kupindzuka.+
ג [guímel]
3 Jehovha wa hombe niku wa ringanelwa nguvhu hi ku dhumiswa;+A wukulu gakwe a gi na ku pimiwa.*+
ד [dálete]
4 A cizukulwana ni cizukulwana ci ta dhumisa a mitiro ya wena;Ci ta wulawula hi mitiro ya wena ya ntamu.+
ה [hê]
5 Va ta wulawula hi kungangamela ka wukulu ga wena ga hombe;+Ndzi ta ehleketa hi mitiro ya wena yo hlamalisa.
ו [vau]
6 Va ta wulawula hi zvimaho* zva wena zvi chavisekako;Mina ndzi ta huwelela a wukulu ga wena.
ז [zaine]
7 Va ta wulawula na va khana laha va alakanyako a wunene ga wena ga hombe,+Va kulungela hi kutsaka hi kota ya kululama ka wena.+
ח [hete]
8 Jehovha wa zwela wusiwana ni ku mahela wuxinji,+Wa nonoka ku zangara niku a lirandzo lakwe li nga mbheliko la hombe.+
ט [tete]
9 Jehovha mu nene ka vontlhe,+Ni wuxinji gakwe ga woneka ka mitiro yakwe yontlhe.
י [iode]
10 O Jehovha, yontlhe a mitiro ya wena yi ta ku dhumisa,+Ni vatsumbekileko va wena va ta ku dzundza.+
כ [cafe]
11 Va ta huwelela a kungangamela ka wuhosi ga wena,+Ni ku wulawula hi ntamu wa wena,+
ל [lâmede]
12 Kasi ku tivisa vanhu a mitiro ya wena ya ntamu+Ni kungangamela ka wuhosi ga wena.+
מ [meme]
13 A wuhosi ga wena wuhosi ga pindzukelwa,Ni kufuma ka wena ku simama zvizukulwaneni zvontlhe.+
ס [sâmeque]
14 Jehovha wa seketela vontlhe lava va wako,+Niku wa vhuxa vontlhe lava va koramileko.+
ע [aine]
15 A matihlo ya zvivangwa zvontlhe ma cuwukele wena;Wa zvi nyika kuga ka zvona hi cikhati ca kona.+
פ [pê]
16 U vhulula a canja ga wena,U xurisa a kunavela ka zvontlhe zvi hanyako.+
צ [tsadê]
17 Jehovha i lulamile tindleleni takwe tontlhe+Niku i tsumbekile ka zvontlhe lezvi a mahako.+
ק [cofe]
18 Jehovha i kusuhani ni vontlhe lava va khongelako kakwe,+Vontlhe lava va khongelako kakwe hi lisine.+
ר [rexe]
19 I xurisa kunavela ka vontlhe lava va mu chavako;+Wazwa a kurila kabye ka ku lava ku vhuniwa, a va tlhatlhisa.+
ש [chim]
20 Jehovha wa hlayisa vontlhe lava va mu randzako;+Kanilezvi vontlhe a vakubiha i ta va lovisa.+
ת [tau]
21 A nomu wa mina wu ta huwelela a wudzundzo ga Jehovha;+Zvontlhe lezvi zvi hanyako* zvi wa dhumise a vito gakwe go basa kala kupindzuka ni kupindzuka.+
Mitlhamuselo ya lahasi
^ Kutani: “ga hundza kuzwisisa”.
^ Kutani: “ntamu”.
^ Hi kukongoma: “A nyama yontlhe”.
