Tisimu 146:1-10
146 Dhumisani Jah!*+
A muhefemulo* wa mina wu wa dhumise Jehovha.+
2 Ndzi ta dhumisa Jehovha wutomini ga mina gontlhe.
Ndzi ta yimbelela a tisimu ta ku dhumisa* a Nungungulu wa mina loku ndza ha hanya.
3 Mu nga tsumbi a tihosana*Hambu a n’wana wa munhu, loyi a nga zvi kotiko ku ponisa.+
4 Loku a moya wakwe wu huma,* i tlhelela misaveni;+Ka siku galego, ku fuva a maalakanyo yakwe.+
5 Wa tsaka loyi a muvhuni wakwe ku nga Nungungulu wa Jakobe,+Loyi a tsumbako Jehovha, a Nungungulu wakwe,+
6 A Mumahi wa tilo ni misava,Ni bimbi, ni zvontlhe zvi nga ka zvona,+Loyi a tsumbekako contlhe cikhati,+
7 Loyi a va mahelako kululama lava va kanganyisiwako,Loyi a va nyikako pawa lava va nga ni ndlala.+
Jehovha wa tlhatlhisa a zvibochwa.*+
8 Jehovha wa vhulula a mahlo ya zvikhumu;+Jehovha wa ololoxa lava va koramileko;+Jehovha wa randza valulamileko.
9 Jehovha wa vhikela valuveli;Wa hlayisa a n’wanana a nga hiko na papayi ni noni,*+Kanilezvi wa thinda a makungo ya vakubiha.*+
10 Jehovha i tava Hosi kala kupindzuka;+O Ziyoni, a Nungungulu wa wena i ta fuma ka cizukulwana ni cizukulwana.
Dhumisani Jah!*
Mitlhamuselo ya lahasi
^ Kutani: “Haleluya!” A ku “Jah” i vito gi komisilweko gaku Jehovha.
^ Kutani: “Ndzi ta mu chayela muzka”.
^ Kutani: “vahombe”.
^ Kutani: “Loku a nyima ku hefemula”.
^ Hi kukongoma: “lava va bohilweko”.
^ Kutani: “wasati wo felwa hi nuna”.
^ Kutani: “wa gombonyokisa a ndlela ya vakubiha”.
^ Kutani: “Haleluya!” A ku “Jah” i vito gi komisilweko gaku Jehovha.
