Tisimu 148:1-14
148 Dhumisani Jah!*
Dhumisani Jehovha hi le matilweni;+Mu dhumiseni le wutshan’wini go tlakuka.
2 Mu dhumiseni, n’wentlhe n’wina tingilozi takwe.+
Mu dhumiseni, n’wentlhe n’wina butho gakwe.+
3 Mu dhumiseni, n’wina gambo ni hweti.
Mu dhumiseni, n’wina tinyeleti tontlhe ti woningako.+
4 Mu dhumiseni, n’wina matilo ya matilo*Na n’wina mati mu nga hehla ka matilo.
5 Dhumisani a vito ga Jehovha,Hakuva i layile, zvi vangiwa.+
6 I zvi yimisile zvi tiya kala kupindzuka ni kupindzuka;+I zvi yimisele nayo wu to kala ku fuva.+
7 Dhumisani Jehovha laha misaveni,N’wina zvivangwa zva hombe zva lomu bimbini na n’wina mati wontlhe yo eta,
8 N’wina kuhatima ni maralala, ni gapongo ni marefu yo phuma,Na wena moya wa hombe wu tatisako a mhaka yakwe,+
9 N’wina zvitsunga na n’wina zvitsungana zvontlhe,+N’wina tisinya ta mihandzu na n’wina misedhare yontlhe,+
10 N’wina zvihari zva khwati+ ni zvifuyo zvontlhe,N’wina zvikokakoka* ni zvinyanyani,
11 N’wina tihosi ta misava na n’wina matiko wontlhe,N’wina tihosana na n’wina valamuli vontlhe va misava,+
12 N’wina majaha ni vanhanyana,*N’wina zvikhosana zvin’we ni vaswa.
13 Dhumisani a vito ga Jehovha,Hakuva a vito gakwe hi gona goce gi tlakukileko nguvhu.+
A wukulu gakwe gi hundza misava ni tilo.+
14 I ta engetela a ntamu* wa vanhu vakwe,Kasi vontlhe a vatsumbekileko vakwe va dzundziwa,A vana va Izrayeli, a vanhu va nga kusuhani kakwe.
Dhumisani Jah!*
Mitlhamuselo ya lahasi
^ Kutani: “Haleluya!” A ku “Jah” i vito gi komisilweko gaku Jehovha.
^ Kutani: “matilo ma tlakukileko nguvhu”.
^ Kutani: “zviharana zvo famba hi khwiri”.
^ Hi kukongoma: “vanhwana”.
^ Hi kukongoma: “tlakusa limhondzo”.
^ Kutani: “Haleluya!” A ku “Jah” i vito gi komisilweko gaku Jehovha.
